Pangepungan Leningrad

Pangepungan Leningrad (basa Ruslan: блокада Ленинграда, blokada Leningrada), nalika Perang Donya II, dipunwiwiti saking 8 September 1941,ngantos dumugi 8 Januari 1944, inggih punika pangepungan Jerman dhateng Kutha Leningrad (sapunikaSt.Petersburg) ing Soviet Ruslan. Pangepungan punika dados pangepungan ingkang paling nrenyuhaken ing sajarah, mliginipun tumrap tiyang ingkang manggén ing Kutha Leningrad (sapunika dados Kutha Saint Petersburg) ingkang ing nalika samanten dipunkepung (blokadhé) déning Jerman.

Pangepungan Leningrad
Péranganing Perang Donya II
Titimangsa 8 September 1941 – 18 Januari 1944 Pernah Leningrad, Uni Soviet Asil Kemenangan Uni Soviet
Péhak kang perang
Nazi Jerman Finlan	Uni Soviet
Pangarep
Wilhelm Ritter von Leeb Georg von Küchler C.G.E. Mannerheim	Kliment Voroshilov Georgy Zhukov Leonid Govorov
Kakuwatan
725.000 tiyang	930.000 tiyang
Kurban
?	300.000 militèr, 16.470 sipil amargi pangeboman, 1 juta sipil amargi kaluwén

Kirang saking kalih setengah wulan sasampunipun Uni Soviet dipunserang déning Nazi Jerman, tamtama Jerman sampun caket kaliyan Kutha Leningrad. Tamtama Abrit sampun dipunkepung nalika tanggal 8 September 1941, Jerman sampun saged ngepung Leningrad. Pangepungan punika dangunipun ngantos 900 dinten, saking tanggal 8 September 1941 ngantos dumugi 27 Januari 1944. Kutha ingkang padunungipun ngantos tigang yuta tiyang (kalebet 400.000 laré) boten kersa nyerah dhateng Nazi Jerman saéngga dados kasisahan. Stok dhaharan lan bahan bakar namung cekap kanggé kalih wulan kemawon, transportasi umum boten saged mlampah, boten wonten pasokan toya, boten wonten listrik, lan dhaharan ingkang sakedhik sanget. Nalika wulan Januari 1942 ing mangsa adhem, boten kados limrahipun jatah dhaharan namung wonten 125 gram roti saben tiyang saben dintenipun. Namung ing wekdal kalih wulan, Januari lan Fèbruari taun 1942, 200.000 tiyang ing Leningrad tilar donya amargi kadhemen lan kaluwén.

Pranala njawi

The 900-day Siege of Leningrad