Parembugan:Dhialèk Cerbon-Dermayu

Gabung?

Iki vèrsi liyané:

Basa Cerbon/Basa Jawa Cerbon sejatine iku sawujude dhialek Basa Jawa sing dituturaké ing tlatah pesisir segara lor Jawa Kulon. Basa iki wis ana wiwit Cirebon dadi pelabuhan sing strategis ing jaman Pajajaran, nganthi jaman Kasultanan Cirebon. Ing jaman iku, Cirebon wis dadi padunungané wong-wong saka Cirebon, Tuban, Demak, Jayakarta, Banten lan malah saka tlatah manca.

Saka pembauran iki, akhire lair dhialèk sing diarani dhialèk Cirebon. Basa iki asline saka basa Jawa Madya sing tansah mertahanake swara A kaya aja diwaca (AjA) lan sapanunggalané. Akèhé wong sing nuturaké basa Cerbon iki ditambah manèh karo pindhahéa wong-wong saka Jawa Tengah ing pesisir lor Jawa Kulon ing jaman Sultan Agung kanggo njaga lumbung pari sing bakal digawé pasadiyan nalika nyerang Batavia, sing wayah iku wis didokok karo WaLanda (abad 16-17an). Ing jaman iku, basa Cerbon karo basa Jawa baku tansah ora ana bédané, nanging sabanjuré basa iki sithik-sithik wiwit béda karo basa baku lan urip dhéwé.

Basa Cerbon akèh dipengaruhi karo Basa Sundha, lan basa-basa saubengé nanging tansah dianggep dhialèké basa Jawa amarga ukara-ukara sing sumberé saka basa iku. Miturut undha usuk basané, Basa Cerbon mung dipérang dadi loro, ya iku Bebasan (pada karo krama) lan kasar.

Basa Cerbon akèh-akèhé dituturaké ing mayoritas kabupatèn Cirebon, Indramayu, tlatah sisih loré Subang, Krawang nganthi Losari, Brebes.

Contoning ukara :

• Kepriben kabare, cung? : Piye kabare?
• beli : ora
• bloli : ora oleh
• barlen (saka ukara bubar kelalen) : buyar
• Bengen : biyen
• Balik ing : Dialek Cirebonan