Printer
Printer punika saking Basa Inggris ingkang saking tembung print ingkang ateges 'nyithak'. Printer punika salah satunggaling Perangkat keras utawi asring dipunsebut hardware ingkang wonten ing Basa Jawi mau piranti kasar kasambung kaliyan komputer ingkang ginanipun kanggé nyetak data utawi dhokumèn ingkang awujud gambar, seratan (tulisan), lan sanès-sanèsipun saking komputer kanthi médhia kertas. Wonten ing istilah printer wonten tembung dpi (dot per inch) inggih punika kathahipun titik wonten ing luas area 1 inci [1].
Sapunika kathah printer ingkang dipunsadé wonten ing pasaran kados ta Epson, Hewlett, Packard (HP), Canon, Lexmark lan sanèsipun. Saben printer ingkang dipunsade gadhah kriteria kualitas nyetak piyambak-piyambak.
Jinis-jinis Printer
besut- 3D Printer
wonten jaman seng tambah maju sakniki teknologi prosès nyétak saget di damel dadi bentuk seng luwih nyoto ndamel jinis priter niki
- Printer Dot-Matrix
Inggih punika printer ingkang resolusi cetakipun taksih andhap sanget. Nalika nembé prosès nyétak printer jinis punika medalaken swantun ingkang seru. Kualitas asiling gambar ugi kirang saé amargi gambar ingkang sampun kacithak kados titik-titik ingkang sesambetan. Printer saking jinis punika gadhah kaluwihan saking regi pita printer ingkang mirah, awt, lan printer jinis Dot Matrik punika saged kanggé nyetak kertas dobel.
- InkJet Printer
Inggih punika printer ingkang anggènipun nyetak ngginakaken tinta kanggé nyétak kanthi kualitas radi saé. Jinis printer inkJet punika ingkang sapunika kathah dipunagem déning masarakat. Printer jinis tinta punika padatanipun ngginakaken tinta kanthi jinis dye ingkang kalebet jinising tinta kanthi kaluwihan asiling cithakan warni ingkang sampurna nanging rikat luntur lan kirang tahan kaliyan éwah-éwahaning cuaca.
- Laser Printer
Printer jinis laser punika printer kanthi bahan utami wujud serbuk utawi toner. Cara kerjanipun sami kaliyan mesin fotokopi saéngga ndadosaken printer punika langkung rikat anggènipun nyétak data. Kajawi punika asiling cétakan ugi saé sanget awit tinta saking printer Laser Jet punika rikat garing dipuntandhingaken kaliyan printer jinis Inkjet. Nanging saking regi printer jinis punika kalebet awis [2].
Pérangan-pérangan Printer
besut- Tray punika papan kanggé kertas.
- Picker punika piranti kanggé mendhet kertas saking papanipun (tray).
- Tinta inggih punika piranti pencétak ingkang kaginakaken kanggé nyerat utawi nyétak data wonten ing kertas.
- kabel fleksibel, punika kanggé ngirim sinyal saking prosesor printer dhateng tinta.
- Wonten ing sakwingkingipun printer wonten port pararel utawi USB kanggé ngubungaken dhateng komputer.