Pulo Bacan

Pulo Bacan inggih punika salah satunggaling pulo ingkang dumunung wonten ing Kapuloan Maluku. Ingkang langkung trep, papanipun wonten ing sisih kulon radi kidul pulo Halmahera. Pulo Bacan kalebet ing wewengkon Kabupatèn Halmahéra Selatan provinsi Maluku Utara. Kutha krajanipun inggih punika Labuha ugi wonten ing Pulo Bacan. Pulo Bacan inggih punia pulo ingkang paling ageng ingkang mapan wonten ing Halmahera Selatan.

Obyek Wisata besut

Ing Pulo Bacan ugi wonten sapérangan papan ingkang saged dados objek wisata kados ta:

Papan Anggegana Usman Sadik
Kraton Sultan Bacan. Kraton Sultan Bacan dipuncet kanthi warna jene ingkang dados simbul warna kesultanan. Atap kraton Sultan Bacan inggih ketigal inggil kados griya adat ing laladan Bima, Sumbawa Besar. Ing salebeting kraton saged dipuntingali barang-barang tilaran sajarah ingkang saged dipunselamataken nalika wonten kebakaran ing kraton, inggih punika makutha, keris, saha payung kraton. Makutha Raja ing kraton Sultan Bacan ingkang dipunsebat Lakare punika dipundamel saking kain beludru ingkang boten naté kusem saha dipunsukani rerenggan watu-watu mulia asli. Sedaya barang-barang tilaran kraton punika saged dipuntingali déning para wisatawan manawi Sultan wonten ing kraton.^[1]
Benteng Bernevald (dipunyasa déning Portugis kanggé nahan serangan Spanyol. Benteng punika dipunkiteri déning kalen alit saha taksih wonten sapérangan meriam ingkang kedah dipunrawat kanthi langkung saestu. Ing sak njawinipun saha ing lebetipun bètèng ugi kathah suket-suket alasan. Ingkang kedah dipundandosi malih kanggé njaga bètèng supados tetep wutuh inggih saking watu-watu kali ingkang dados bahan dhasar kanggé damel bètèng ingkang sapunika sampun maleh dados lapisan semen ingkang boten dipunurus malih.
Pasisir Pawete
Cagar alam
Gunung Batusibela kanthi dhuwuripun 2.111 mèter dpl
Masjid Raya Cacan ingkang dangunipun sampun langkung satunggal abad
Makam sapérangan sulltan saha para ulaam saking nagari Jiran

Transportasi besut

Manawi badhé tumuju dhateng Pulo Bacan, dipunbetahaken wekdal ingkang dangunipun kirang langkung 8 jam kanthi ngginakaken kapal laut saking Ternate dumugi Pelabuhan Babang. Lajeng manawi badhé dhateng kutha krajan Labuha saged nitih angkudan umum, dangunipun 30 menit saking Babang dhateng kutha krajan Kabupatèn Halmahera Selatan punika.^[2]

Pendhudhuk besut

Sapérangan ageng warga masarakat ing Pulo Bacan inggih punika suku Bacan, nanging ugi wonten ingkang saking suku Makian, Bugis, Tobele Galela, Button, saha Ternate.^[2] Déné agama ingkang kathah dipunpitados déning masarakat Pulo Bacan inggih punika sapérangan ageng dados Musilim (agama Islam) lan sapérangan aling kanthi agama Kristen Protèstan. Basa ingkang dipun-ginakaken déning masarakat inggih padatanipun basa Pasar utawi Indonésia Pasar kanthi logat saha dhialèk ingkang boten patos béda antawisipun suku satunggal kaliyan suku sanèsipun.

Uga delengen besut

Cathetan suku besut

↑ [1] Pulau Bacan (dipunundhuh tanggal 4 Januari 2013)
↑ ^a ^b [2] Archived 2012-05-17 at the Wayback Machine. Profil Kabupatèn Halmahera Selatan (dipunundhuh tanggal 4 Januari 2013)

[internet_1-1] [1] Pulau Bacan (dipunundhuh tanggal 4 Januari 2013)

[internet_2-2] [2] Archived 2012-05-17 at the Wayback Machine. Profil Kabupatèn Halmahera Selatan (dipunundhuh tanggal 4 Januari 2013)

[1]

[2]