Pulo Bangkaru

pulo ing Indonésia

Pulo Bangkaru inggih punika salah satunggaling pulo ing Indonésia ingkang kalebet ing wewengkon Kapuloan Banyak ing kacamatan Pulo Banyak, ingkang mapan wonten ing Samodra Hindia ing sisih wétan Pulo Sumatra. Pulo Bangkaru persisipun mapan wonten ing sisih wetanipun Pulo Tuangku ingkang mlebet wdhaerah administrarif saking kacamatan Pulo Banyak, Kabupatèn Acèh Singkil, provinsi Nanggroe Acèh Darussalam. Letak geografisipun mapan wonten ing titik koordinat 2°4′0″N 97°7′0″E / 2.06667°N 97.11667°E / 2.06667; 97.11667.

Pulo Bangkaru
Pulo Bangkaru

Daya tarikipun besut

Pulo Bangkaru inggih punika pulo nomer kalih ingkang paling ageng ing Pulo Banyak. Pulo Bangkaru punika inggih kalebet salah satunggaling swarga kanggé para penyu. Penyu ijo utawi ingkang asring dipunsebat Green Turtles saha Hawksbill Turtles asring ngendhog wonten ing pulo punika, mliginipun ing areal Pasisir Amandangan. Leatherback Turtles ingkang kalebet jinis penyu paling ageng ingkang gadhah bobot ngantos 500 kg ugi asring ngendhog wonten ing Pulo Bangkaru ing antawisipun sasi Novèmber dumugi sasi Maret. Kajawi Pasisir Amandangan, pasisir-pasisir sanèsipun ingkang wonten ing Pulo Bangkaru ingkang ugi narik kawigatosan para wisatawan inggih punika Pasisir Pintu Rimba, Pasisir Kecik, saha Pasisir Panjang.[1]

Transportasi besut

Manawi badhé dhateng Pulo Bangkaru para wisatawan kedah tumuju dhateng Singkil rumiyin. Perjalanan saking [[Medan saged dipuntindakaken nitih angkudan umum ingkang dangunipun dugi 8 jam. Wonten ugi montor mabur Nusa Buana Air ingkang wonten penerbangan dhateng Singkil, nanging montor mabur punika namung wonten kaping kalih saben sak peken ing dinten Setu saha Senin enjing. Manawi badhé dhateng Pulo Bangkaru punika ugi saged ngginakaken speed boat ingkang dangunipun kalih jam saking Pulo Balai.

Pulo Bangkaru inggih dipuntemtokaken dados papan konservasi penyu ing Sumatra. Ing taun 1996, Departemen Kehutanan netepaken pulo Bangkaru dados Taman Nasional saha ngawontenaken kerja sama kaliyan pihak Yayasan Pulo Banyak ingkang dadosaken pulo punika dados pusat konservasi penyu alami. Wonten tigang jinis penyu ingkang asring ndadosaken pulo punika kanggé papan ngendhog saha nilar endhogipun, inggih punika Penyu ijo, Penyu Sisik, saha Penyu Belimbing. Pulo Bangkaru piyambak sampun kalebet kawasan wisata ingkang dipunwatesi, déné manawi saben wonten wisatawan ingkang badhé mlebet ing wewengkon Pulo Bangkaru punika kedah izin rumiyin dhateng Yayasan Pulo Banyak supados pulo Bangkaru tetep asri saha gesangipun penyu tetep saged dipunlestarikaken.[2]

Pulo-pulo ing sakiteripun besut

Pulo-pulo ing sakitering pulo Bangkaru ing antawisipun:

Uga delengen besut

Cathetan suku besut

  1. [1] Archived 2012-11-27 at the Wayback Machine. PULAU BANGKARU (dipunundhuh tanggal 5 Januari 2013)
  2. [2][pranala mati permanèn] Konservasi Penyu di Pulau Bangkaru (dipunundhuh tanggal 5 Januari 2013)