Pulo Bidadari, Jakarta

Pulo Bidadari inggih kalebet salah satunggaling pulo wisata ing Kabupatèn KapuloanSeribu, Jakarta Utara. Rumiyin, pulo punika gadhah kalih nama inggih punika Pulo Sakit lan Pulo Purmerend.

Pulo Bidadari

Daya Tarik

Sadangunipun nyebrang dhateng Pulo Bidadari, wistawan badhé dipunsuguhaken kaéndahan alam ingkang saé. Manuk-manuk laut lan manéka warna jinis iwak badhé pating sliwer ngiteri laladan pasisir ing sakiteripun speed boat. Pulo Bidadari ingkang mlebet salah satunggaling pulo ing kepuloan Seribu punika inggih dados papan wisata ingkang kathahipun remeni déning para wisatawan bahari nalika njelajah kepuloan seribu. Dangunipun nyebrang dhateng pulo punika saing Dermaga Marina Ancol 17 ngginakaken speed boat inggih punika kirang langkung 30 menit. Nalika nyebrang dhateng pulo Bidadari punika kathah kaendahan bahari saking kepuloan seribu ingkang saged narik kawigatosanipun para wisatawan. Dipun tambah malih kaliyan wontenipun pesona kaendahan alam ingkang moncer ing sakitering pulo Bidadari punika. Kajawi saking kaendahan wisata baharinipun, wonten ing Pulo Bidadri punika ugi dipunsajekaken barang-barang utawi papan-papan tilaran sajarah kala rumiyin ingkang ndadosaken wontenipn atmosfir unik saha langka wonten ing satengahing pulo ing laut. Papan-papan tilaran sajarah saha budaya ingkang wonten ing Pulo Bidadari punika ing antawisipun inggih kados prasasti, bètèng Martello VOC tilaranipun saking jajahan Walanda rumiyin saha meriamipun ingkang taksih saged dipuntingali déning masarakat ingkang sami wisata ing Pulo Bidadari. Kajawi saking papan-papan sajarah punika, ugi wonten yasan kanthi dekrasi-dekorasi etnik sanèsipun ingkang dadosaken wontenipun warni sanès ing pulo punika. Ing pulo Bidadari punika dipunyasa cottage ing tengah-tengahing wit-witan ingkang ngandhep dhateng laut, ingkang punika saged nimbulaken wontenipun swasana romantis, saéngga cocog kanggé para mudha-mudhi ingkang badhé bulan madu. Nanging ing Pulo Bidadari punika boten saged kanggé snorkeling saha diving the water dirty amargi papanipun Pulo Bidadari ingkang caket kaliyan Jakarta.

Fasilitas

Fasilitas-fasilitas ingkang dipunsamektakaken déning pengurus papan wisata Pulo Bidadari ing antawisipun inggih punika cottage ingkang cacahipun 49 kamar kanthi 3 tipe variasi cottage.