Rahmad Darmawan
Rahmad Darmawan punika kalebet salah setunggaling pelatih bal ingkang dadod pelatih lokal paling suksés.[2] Kanthi wekdal kirang langkung gangsal taun, Rahmad sampun pikantuk gelar ingkang cacahipun gangsal, inggih punika kalih gelar Liga Indonésia saha tiga gelar Piala Indonésia.[2] Rahmad Darmawan punika naté kuliyah wonten ing Fakultas Olah Raga Keséhatan IKIP Jakarta, ingkang sapunika dados Universitas Negeri Jakarta (UNJ).[2] Wonten ing ngriki, Rahmad Darmawan sinau babagan dhasar-dhasar ngèlmu kepelatihan ngantos pikantuk gelar gelar S1.[2] Kajawi punika, Rahmad ugi ndhérék kursus kepelatihan C, B saha A License AFC.[2] Rahmad Darmawan ugi sinau wonten ing COnditioning Coach of Football ing Malaysia nalika taun 2003.[2] Sasampunipun satunggal taun, Rahmad lajeng tindak Jerman saha ndhèrèk Internasional Coaching Coach.[2]
 | |||
| Katerangan priangga | |||
|---|---|---|---|
| Jeneng dawa | Rahmad Darmawan | ||
| Karir sénior* | |||
| Taun | Tim | Main | (Gul) |
| 1985–1995 | Persija Jakarta | ?? | (??) |
| 1996–1998 | Persikota Tangerang | ?? | (??) |
| Tim nasional | |||
| 1989–1995 | Indonesia | 33 | (1) |
| Tim dikemunah | |||
| 1998–2000 | Persikota Tangerang (asisten pelatih) | ||
| 2000–2004 | Persikota Tangerang | ||
| 2002 | Indonesia (asisten pelatih) | ||
| 2005 | Persipura Jayapura | ||
| 2005–2006 | Persija Jakarta | ||
| 2006–2010 | Sriwijaya F.C. | ||
| 2010–2011 | Persija Jakarta | ||
| 2011 | Indonesia (asisten pelatih) | ||
| 2011 | Indonesia U-23 | ||
| 2012– | Pelita Jaya [1] | ||
|
* Gunggung main lan gul ing klub sénior tumrap liga dhomèstik iki mligi. | |||
Sasampunipun medal saking Sriwijaya FC, Rahmad Darmawan sangsaya dipunremeni dados pelatih klub-klub ageng.[3] Rahmad Darmawan punika pelatih ingkang saged nglatih Persipura saha Sriwijaya FC saéngga dados juwara Indonésia Super League.[3] Sanajan kathah klub ingkang gadhah kepenginan supados Rahmad Darwanan dados pelatihipun, nanging Rahmad Darmawan milih dados pelatih Persija.[3] Nalika nembé dados pelatih Persija, Rahmad Darmawan sampun mbahas ngenani juru main ingkang dados anggota Persija kanggé mangsa ngajengipun.[3] Kajawi taksih gadhah anggota juru main lawas ingkang namanipun Firman Utina, Bambang Pamungkas, Ramadani Lestaluhu, Agus Indra, saha Ismed Sofyan, nalika samanten, Rahmad Darmawan dipunkabaraken mbeta juru main ingkang cacahipun wolu saking Laskar Wong Kito.[3] Pemain punika kados ta Ferry Rotinsulu, Charis Yulianto, Ambrizal, Muhammad Nasuha, Ponaryo Astaman, Isnan Ali, Cristian Worabay, saha Tony Sucipto.[3]
Cathetan suku
besut- ↑ Pelita Jaya Langkah Awal RD Go International id.berita.yahoo.com, diakses 21 Januari 2012
- ↑ a b c d e f g sepakbolaonline.com(dipunundhuh tanggal 1 Oktober 2011)
- ↑ a b c d e f tvbola.info Archived 2010-12-24 at the Wayback Machine.(dipunundhuh tanggal 1 Oktober 2011)
 | Artikel pemain bal-balan iki minangka artikel rintisan. Kowé bisa ngéwangi Wikipédia ngembangaké. |