Rakangat

Rakaat iku siji unit langkah sajeroning ngibadah salat (sembahyang) kanthi Islam. Saben salat padinan dumadi saka sawatara rakangat sing cacahé béda-béda:

• Fajar — Salat subuh: 2 rakangat
• Dhuhur — Salat tengah hari: 4 rakangat
• Asar — Salat petang: 4 rakangat
• Maghrib — Salat srengéngé terbenam: 3 rakangat
• Isyak — Salat malam: 4 rakangat

Salat Jumaat dumadi saka 2 rakangat lan diayahi ing masjid utawa langgar (sakurang-kurangé kudu ana 40 wong) ing wektu salat Dhuhur ing dina Jemuwah.

Isi sajeroning rakangat

• Takbir
• Donga-donga ¹
• Wacan Surat Al-Fatihah
• Wacan surat sawisé maca Surat Al-Fatihah
• Rukuk
• Ngadeg saka rukuk
• Sujud
• Lungguh antara loro sujud
• Sujud kapindho
• Tashahuud ²
• Tasleem (mènèhi salam) ³

¹ Mung diayahi ing rakangat pisanan lan pungkasan salat.
² Mung diayahi ing rakangat kapindho lan pungkasan salat.
³ Mung diayahi ing rakangat pungkasan salat.

Takbir

Kanthi nyebut "Allahu Akbar" (Allah Maha Besar), angkat kaloro tangan ing sisih sirah lan sabanjuré tangan ndhekep dhadha. Tangan kiwa ing pernahing ati (tumrap wanita ing sadhuwuring dhadha)lan tangan tengen numpang ing tangan kiwa.

Donga-donga

Klebu Al-Fatihah lan wacan iyané.

Wacan Surat

Wacan Surat Al-Fatihah kudu diwaca ing saben wiwitan rakangat waktu ngadeg, ya iku sawisé takbir lan ndèlèh tangan ing dhadha. Sawisé iku disunataké maca siji surat liya ing rakangat pisanan lan kaloro.

Rukuk

Rukuk iku wujud tumindak mbungkuk sinambi maca "Subhana rabbiyal azhimi wa bihamdih (Maha Suci Tuhan sing Agung lan kabèh Pujian tumuju Panjenengané)" 3x

Ngadeg saka rukuk

Wektu ngadeg saka rukuk, tangan diangkat ing sisih kuping kanthi maca:

"Sami‘a-llaahu liman hamidah." Muga-muga Allah mirengaké wong sing memuji Panjenengané. Mudhunaké tangan swisé maca wacan iku sinambi maca:
"Rabbanaa wa laka-l-hamd." Duh Gusti, kabèh puji tumuju Panjenengan waé.

Sujud

Awak diudhunaké kanthi kaloro tapak tangan sumèlèh ing pasujudan kanthi maca: "Subhana rabbiyal a'la wa bihamdih (Maha Suci Gusti sing Dhuwur lan kabèh Pujian marang Panjenengané)" 3x. Nalika sujud pérangan sikut ora kena nèmpèl jogan mung kaloro tapak tangan lan irung waé sing ditèmpèlaké ing papan pasujudan. Tumraping wanita, kaloro tangan kudu rapet karo sirah.

Sujud kapindho

Nglakoni sujud kapindho kanthi maca: "Subhana rabbiyal a'la wa bihamdih (Maha Suci Gusti sing Dhuwur lan kabèh Pujian marang Panjenengané)" 3x. Kanthi rampungé sujud kapindho iki ateges rampungé siji rakangat. Tumindak ing dhuwur dibalèni wiwit saka ngadeg lan maca surat Al Faatihah lan sabanjuré miturut gunggung rakangat tinamtu.

Pranala njaba

• Tata cara shalat Archived 2004-05-23 at the Wayback Machine.