Rawa Pening
Rawa Pening ("pening" asal saka tembung "bening") iku tlaga sisan papan panggonan wisata banyu ing Kabupatèn Semarang, Jawa Tengah, Indonésia. Kanthi jembar 2.670 hèktar rawa iki nyakup wewengkon Kacamatan Ambarawa, Bawèn, Tuntang, lan Banyubiru. Rawa Pening dumunung ing cekungan paling cendhèk ing pèrèng Gunung Merbabu, Gunung Telamaya, lan Gunung Ungaran. Rawa Pening iku tuwuh dadi papan pariwisata banyu wujud pemancingan lan ulah raga banyu[1]. Tlaga iki akèh dituwuhi tuwuhan gulma wujud ècèng gondhok, saéngga njalari saya suwé tansaya cethèk[2] lan rakyat saubengé dadi kakurangan sumber panguripan saka pakaryan golèk iwak.[3] Sajeroning rapat revitalisasi Rawa Pening sing dianakaké Kamentrian Lingkungan Urip, nyebutaké yèn eneban ing tlaga iki saben dina ngancik 270-880 kilogram, lan 70 persèn saka tlaga sing jembaré 2.500 hèktar iku saiki ditutupi tuwuhan banyu ècèng lan volume banyu uga wis kurang nganti 30 persèn[4]. Saka tlaga iki mili Kali Tuntang sing mili ngliwati Ambarawa lan Salatiga.
Uga delengen
besutRujukan
besut- ↑ Seputar Semarang.com: Rawa Pening (diaksès 14 Agustus 2011)
- ↑ Kompas.com:Rawa Pening 10 Tahun Lagi Jadi Daratan (diaksès 14 Agustus 2011)
- ↑ Kompas.com:Eceng Gondok Rawa Pening Resahkan Warga (diaksès 14 Agustus 2011)
- ↑ National Geographic Indonesia:Rawa Pening Butuh Konservasi Archived 2011-03-21 at the Wayback Machine. (diaksès 14 Agustus 2011)
Pranala njaba
besut- Warta ngenani Rawa Pening saka Pem Provinsi Jateng Archived 2016-03-04 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |