Roekiah
Roekiah (EYD Rukiah ; [rukiah]) (lair ing Bandoeng, 31 Dhésèmber 1917 – pati ing Djakarta, 2 Sèptèmber 1945 ing umur 27 taun) asring ditulis Miss Roekiah,[a] minangka aktris lan penyanyi kroncong Indhonésia. Dhèwèke miwiti pakaryané wanci umur pitung taun, ing taun 1932 dhèwèké misuwur ing Batavia, Hindia Walanda (saiki Jakarta, Indonesia), dadi penyanyi lan pemain sandiwara. Ing wayah iku, dhèwèké ketemu karo Kartolo, banjur diningkahi ing taun 1934 lan main ing filem Terang Boelan taun 1937. Ing film kasebut, Roekiah lan Rd Mochtar dadi pasangan pacaran.
| Roekiah | |
|---|---|
 Roekiah, u. 1945 | |
| Lair | 31 Dhésèmber 1917 Bandoeng, Hindia-Walanda |
| Pati | 2 Sèptèmber 1945 (umur 27) Djakarta, Indonésia |
| Pakaryan | Aktris, penyanyi |
| Taun aktif | 1920-an nganti 1944 |
| Karya kondhang | Terang Boelan |
| Bojo | Kartolo |
| Anak | 5 |
Sawise film kasebut suksès, Roekiah, Kartolo, lan kèh-kèhe para pemain lan kru Terang Boelan dikontrak dèning Tan's Film, lan kaping pisane main ing filem Fatima ing taun 1938. Roekiah lan Mochtar main bareng maneh ing rong filem sadurungé Mochtar ninggalaké Tan's Film ing taun 1940. Liwat filem-filem mau, Roekiah lan Mochtar dadi pasangan layar lèbar pisanan ing Hindia Walanda. Kanggo nggentèni Mochtar, Rd Djoemala main karo Roekiah ing patang filem, senadyan filem-filem sing kasil ora suksès. Sawisé Jepang nguwasani Indonésia ing taun 1942, Roekiah mung main ing sak filem sadurungé séda; akèh-akèhé wektuné dienggo nglipur para prajurit Jepang.
Cathetan besut
- ↑ Ing Hindia Walnda wanci awal abad ping 20, para pemain panggung, kususe penyanyi keroncong, diarani "Miss" ing pariwara JCG, Roekiah, Miss.
Pranala njaba besut
| Wikimedia Commons duwé médhia ngenani Roekiah. |