Sami Hyypiä
Sami Hyypiä utawa jeneng jangkepé Sami Tuomas Hyypiä yaiku salah sawijining pamain bal-balan aguna saka nagara Finlan. Dhèwèké lair surya ping 7 Oktober 1973 ing kutha Porvoo, Finlan wis naté main kanggo klub MyPa, Willem II, Liverpool FC, lan Bayer Leverkusen kang kulina main ing posisi bèg, nanging saiki wis gantung sepatu dadi pamain bal wiwit 1 Juli 2011. Sami duwé dedeg 195 cm sarta migunakaké sikil tengen kanggo sikil karosané nalika isih dadi pamain, siji kaprigelané manèh yaiku baud ngegolké mawa bal sundhulan menyang gawang mungsuh.[1][2]
.jpg) Sami Hyypiä ing latihan tim ngadhepi Metalist Kharkiv | |||
| Katerangan priangga | |||
|---|---|---|---|
| Jeneng dawa | Sami Tuomas Hyypiä | ||
| Tanggal lair | 7 Oktober 1973 | ||
| Papan lair |
Porvoo,  Finlandia | ||
| Dhuwur | 1.93 m (6 ft 4 in) | ||
| Posisi main | Bèg | ||
| Katerangan klub | |||
Tim saiki | Pénsiun | ||
| Karir nom | |||
| 1977–1988 | Kumu | ||
| Karir sénior* | |||
| Taun | Tim | Main | (Gul) |
| 1989 | PaPe | 3 | (0) |
| 1990–1991 | Kumu | 19 | (0) |
| 1992–1995 | MyPa | 96 | (8) |
| 1995–1999 | Willem II | 100 | (3) |
| 1999–2009 | Liverpool | 464 | (35) |
| 2009–2011 | Bayer Leverkusen | 53 | (3) |
| Gunggung | 589 | (36) | |
| Tim nasional | |||
| 1989–1992 | Finland U21 | 27 | (3) |
| 1992–2010 | Finland | 105 | (5) |
| Tim dikemunah | |||
| 2011–2012 | Finland (asistèn) | ||
| 2012–2014 | Bayer Leverkusen | ||
| 2014 | Brighton & Hove Albion | ||
| 2015–2016 | FC Zürich | ||
| 2020- | FC Haka (asistèn) | ||
|
* Gunggung main lan gul ing klub sénior tumrap liga dhomèstik iki mligi. | |||
Profil
besutSami Hyypia dadi sawijining bèg tengah paling becik kang naté menganggo seragam abang Liverpool. Tower Finlan kasebut tansah ngetokaké panampilan kang ajeg nalika dilatih déning Gerard Houllier lan Rafael Benitez mapanaké dhèwèké ing barisan bèg paling becik ing dharatan Éropa. Mèh sepuluh mangsa niti karir ing tanah Ratu Elizabeth dadèkaké dhèwèké pamain bal-balan paling suksès ing Finlan, buktiné yaiku kasil diganjar pamain bal-balan terpuji taun 1999, 2001, 2002, 2003, 2005, 2006, lan 2008. Angèl yèn ngélingi regané mung 2,5 yuta Poundsterling nalika tinuku saka Willem II Mèi 1999 kepungkur.[3]
Jaman kuncarané yaiku nalika ing Liverpool bareng Steven Gerrard, Djibril Cisse, lan Jamie Carragher ngrengkuh sawenèh gelar-gelar kang aji kanggo klub pinggir kali Mersey kasebut, malah dhèwèké naté dadi kaptèn tim kang tundhoné dilih marang Gerrard kang dadi pamain lokal sénior. sawisé kontraké entèk ing Liverpool Sami alihan menyang klub Bundesliga Jerman, Bayer Leverkusen. Déné bareng tim nasional Finlan, dhèwèké wis tampil kaping 105 lan nyithak 5 gol kawit dhebuté ing timnas taun 1999 tekan mutusaké pénsiun saka jagat bal-balan 2011 kepungkur.[4]
Bakat lan Juru Kaméra
besutSawisé diwiwitiné Liga Primèr Inggris, Liverpool gagal nggayuh musim menangi gelar sing bakal ngasilake dhèwèke dadi mantan juwara Dhivisi Uama kang lawas. Liverpool mbutuhake bèg tengah kang teguh kang bakal nyegah panyerang mungsuh nyithak gol lan sawijining juru kaméra naté wènèh pamrayoga marang klub yèn ana siji pamain buri kang mumpuni. Kepala èksekutif Peter Robinson ana ing kantor nalika, juru kaméra sing durung naté ditemoni teka ing kantor lan nuduhaké dhèwèké pamain pertahanan Finlan kang gawe gumun ing dhivisi paling dhuwur bal-balan Walanda. Wiwitané Robinson ora yakin kalawan apa kang bisa ditindakaké Hyypia ing klub kasebut amarga dhuwuring pangarep-arep bisa nyebabake gagal, manèh yen dhèwèké ciri pamain kang alon banget kanggo Liga Primèr Inggris. Tundhoné Hyypia jumedhul ing Merseyside kanthi transfer 2,6 yuta ing taun 1999 kang tembé buri dadi salah sawijining tawaran paling gedhe taun semono. Dhèwèké bakal dhebut ing tanggal 7 Agustus 1999 kanthi kasoran 2-1 saka Sheffield Wednesday ing Liga Primèr Inggris. Hyypia dilembana amarga prestasiné bareng karo Jamie Carragher kang isih enom, dadi mula bukané lelakoné ing Liverpool.[5]
Karir Juru Latih
besutIng wulan April 2012 Sami didhapuk minangka juru latih sauntara Bayer Leverkusen bareng asistèné Sascha Lewandowski, sawisé juru latih sadurungé yaiku Robin Dutt dipecat. Sami ngampingi Bayer Leverkusen kang sepisan nalika lumawan Hamburger SV, asile imbang kanthi angka 1-1. Banjur 15 Mèi 2012 Sami lan Lewandowski dipermanènkaké minangka juru latih ajeg nganti taun 2015.
Bebungah
besutSami Hyypiä dudu pamain bal-balan sebaèné, senajan mapan ana posisi bèg nanging dhèwèké tansah mènèhi 100% tenagané yèn tandhing, apa manèh manawa tetandhingan kasebut kalebu wigati utawa nemtokaké. Sepuluh taun ing kutha Liverpool marakaké dhèwèké wis dadi legendha klub, mokal amarga wis menangi gelar-gelar gedhe.
Millykosken Pallo
besutLiverpool FC
besut- Piyala Uefa 2000-01.[6]
- Piyala Super Uefa 2000-01, 2001-02, lan 2005-06.[6]
- Community Shield 2001, 2002, lan 2006.[6]
- Piyala FA 2001 lan 2006.[6]
- Piyala Liga Inggris 2001 lan 2003.[6]
- Liga Champions Éropa 2005.[6]
Rujukan
besut- ↑ Bolanet, Admin (2019). "Profil Sami Hyypia (saka Basa Indonésia)". Bola Net. Dibukak ing 2021-01-19.
- ↑ Transfermarkt, Admin (2011-06-30). "Profol Pamain Sami Hyypia (saka Basa Inggris)". Transfermarkt. Dibukak ing 2021-01-19.
- ↑ Liverpool FC, Admin. "Sujarah Pamain Jaman Biyèn Sami Hyypia (saka Basa Inggris)". Liverpool FC. Dibukak ing 2021-01-19.
- ↑ Merdeka, Admin (2012). "Profil Sami Hyypia (saka Basa Indonésia)". Merdeka. Diarsip saka sing asli ing 2022-10-27. Dibukak ing 2021-01-19.
- ↑ Herbert, Antony (2011-05-07). "Cuplikan Sami Hyypia Legendha Liverpool (saka Basa Inggris)". Bleacher Report. Dibukak ing 2021-01-19.
- ↑ a b c d e f g Transfermarkt, Admin (2011-06-30). "Gelar-gelar Sami Hyypia (saka Basa Inggris)". Transfermarkt. Dibukak ing 2021-01-19.