Sega Hayashi

Sega Hayashi (ハヤシライス, Sega Hayashi^? Sega hayashi) ya iku panganan Jepang lan Koréa Kidul awujud sega putih kang diwènèhi duduh kenthel masakan daging sapi. Bumbune bawang bombay kang digongso karo mentega nganti wangi. Daging dimasak nganti empuk ing saos demiglace lan uga kerep dicampuri saos tomat. Masakan iki uga padatan ditambahi anggur abang supaya ambune wangi.

Sega Hayashi

Sega hayashi minangka sawijining tuladha panganan Jepang kang asalé saka Kulon. Ing Osaka lan Kobe, panganan iki uga dikenal minangka sega haishi. Sega hayashi iku kalebu menu kawentar ing restoran kulawarga kang nyediyani masakan-masakan kanggo anggota kulawarga. Sega hayashi uga bisa digawé nganggo duduh kang digawé saka bumbu padhet ing kemasan kothak.

Daging sapi tansah dianggo bahan nggawé sega hayashi. Yèn daging babi kang dianggo, masakan iki diarani Pork Hayashi. Janganan kaya jamur kancing utawa jamur shimeji uga kerep ditambahake ing masakan daging.

Asal-usul

Ana sapérangan carita ngenani asal-usule sega hayashi. Miturut sawijining carita, masakan iki wiwitane saka pangadheg perusahaan Maruzen, Yūteki Hayashi. Miturut carita liyané, juru masak kang jenenge Hayashi ing restoran Ueno Seiyoken kerep nggawékake sega hayashi kanggo wong-wong pawon lan babu nalika jam mangan. Ana uga kang ngarani tembung "hayashi" iku saka pocapane wong Jepang nalika maca jeneng panganan hashed beef with rice.

Pranala njaba

• Resep sega hayashi lan saus demiglace