Wikipédia

Selat Sala

Bistik saka Surakarta Jawa Tengah
Artikel iki ditulis nganggo basa krama.

Selat Sala inggih punika satunggaling olah-olahan khas arupa bistik saking kitha Surakarta, Jawa Tengah.[1] Dhaharan punika kasusun saking daging sapi ingkang sampun dipunmasak utawi saged uga dipungantos galantin utawi kreni (daging giling), jejanganan godhog kados déné kenthang, tigan, wortel, tomat, ron seladha, buncis saha timun lajeng dipunsuntaki duduh soklat ingkang dipuncaosi saos mustard utawi mayonais ing nginggilipun. Olah-olahan punika asring dipunpanggihi wonten warung ngantos restoran. Raosipun manis saha gurih pramila asring dipunsebat bistik Jawa.[2]

Selat sala
Olahan selat Sala
Jeneng liyanéSelat Solo
AjanganPambuka
Panggonan asalIndonésia
Tlatah utawa prajaSurakarta, Jawa Tengah
Hawa ajanganadhem
Woworan pokokjanganan, Daging, Duduh
Buku masakan: Selat sala  Médhia: Selat sala

Mula buka besut

Wonten kala kawuri, sesuguh punika dipunsajekaken tumrap tiyang Walandi, tiyang menika nyebataken mawi slachtje ingkang ateges salad.[3] Jejuluk salad punika amrgi wujudipun kados salad mawi dipunbandhingaken kalihan steak. Padunung ingkang awrat nyebataken tetembungan slachtje banjur nyebataken mawi selat. Ancasipun menika supados gampil nyebataken. Suguhan punika dipuntepungi minangka campuran budaya Éropa kalihan Jawa.[4]

Cara damel besut

Woworan besut
Janganan besut
Lawuh besut
  • Daging sapi utawi kreni utawi galantin
  • Tigan pindhang utawi tigan bacem
Duduh besut
  • Toya 250 ml
  • Bawang bombay ½
  • Bawang 2
  • Brambang 3
  • Sarem ½ sendok teh
  • Panyedhep
  • Pala
  • Mrica
  • Kécap
  • Asem jawa
  • Mertega[5]
Cara ngolah besut
  1. Godhog kenthang, buncis, saha wortel ing toya umub.
  2. Cepakaken wajan ugi mertega.
  3. Osèng bawang, bawang bombay, brambang ngantos arum gandhanipun.[6]
  4. Tambahakén toya, sahan sedaya woworan duduh ngantos umub.
  5. Entas jejanganan wau saha tata ing piring.
  6. Tambahaken lawuh saha suntak duduhipun.
  7. Tambahaken saos mayones menawi remen.


Gladri besut

  •  
    Sesuguh selat Sala
  •  
    Selat Sala ing piring

Pirsani ugi besut

Sosis sala

Brambang asem

Saté buntel

Tahok

Pranala njawi besut

Resèp masak selat Sala

Videyo masak selat Sala

Kapustakan besut

  1. ↑ "Cerita dan Rekomendasi Kuliner Selat Solo yang Tersohor". Kuliner Solo #KuLo. Dibukak ing 2020-06-18.
  2. ↑ "5 Rekomendasi Selat Solo Terenak di Tanah Asalnya". kumparan (ing basa Indonesia). Dibukak ing 2020-06-18.
  3. ↑ "Mencicipi Selat Solo, Hidangan Bistik Asal Solo Bercita Rasa Belanda - Semua Halaman - Bobo". bobo.grid.id (ing basa Indonesia). Dibukak ing 2020-06-18.
  4. ↑ Fimela.com (2019-01-17). "Sejarah Selat Solo, Makanan Eropa yang Dimodifikasi". fimela.com (ing basa Indonesia). Dibukak ing 2020-06-18.
  5. ↑ "Selat Solo". Unilever Food Solutions ID (ing basa Indonesia). Dibukak ing 2020-07-03.
  6. ↑ "Resep Selat Solo/Selat Segar/Selat Galantine oleh Yasmin Kitchen". Cookpad (ing basa Indonesia). Dibukak ing 2020-07-03.
Dijupuk saka "https://jv.wikipedia.org/w/index.php?title=Selat_Sala&oldid=1536418"