Shirakami-Sanchi

Sana Warisan Donya UNESCO
Shirakami-Sanchi
Janeng ing Pratélan Warisan Donya
Jinis	Alam
Wewaton	ix
Rujukan	663
Tlatah UNESCO	Asia Pasifik
Sujarah prasasti
Prasasti	1993 (Sési ke-17)

Shirakami-Sanchi (白神山地 ,laladan Déwa Gunung Putih) inggih punika sawijining papan ingkang dumunung ing sisih lèr pulo Honshu , Jepang. Papan punika minangka hamparan, pagunungan ingkang taksih alami sanget ingakang dumunung ing Prefektur Akita lan Aomori. Alas ing papan punika gadhah iklim sejuk wit beech Siebold ingkang nutupi saben bukit lan léréng gunung. Wonten manéka jinis Beruang, serow lan 87 jinis manuk saged kapanggihaken ing Alas punika. Lan nalika taun 1993 Shirakami-Sanchi dipuntampi minangka Situs Warisan Donya UNESCO.^[1]

Deskripsi Cekak

Hamparan Pegunungan lan Alas ing Shirakami-Sanchi

Dumunung ing Pegunungan lèr Honshu, Shirakami-Sanchi, minangka sawijining laladan ingkang nyakup sepertiga saking Pegunungan Shirakami. Pegunungan Shirakami kahampar langkung saking 450 km2 lan kasungsun saking labirin bukit sisih curam. LAngkung saking 50% laladan kasungsun saking lembah kanthi léréng curam. Langkung saking 500 spésies taneman sampun dipunidentifikasi ing papan punika. Angka punika boten langkung inggil manawi kabandhiangekn kaliyan laladan pagunungan sanès ing Jepang, nanging nyakup kathah jinis taneman karakteristik nagara, lan kathah spésies limrahipun katingal ing zona subalpine.^[2]

Sedaya mamalia ingkang kapanggihaken ing sisih lèr Honshu wonten ing laladan punika, kejawi kalih jinis spésies ingkang kawontenanipun dipunwinatesi déning jawah salju. 87 manuk sapunika dipunidentifikasi saking aréa mau ngambah Garudha Emas, ingkang gadhah cathetan penangkaran ingkang winates lan kaancem cures ing Jepang. Pelatuk Hitam, ugi kaancem cures kapanggih ing papan punika. Hodgson garudha garudha, ugi sampun kacathet wonten ing situs sarta serow Jepang. Beruang ireng,7 jinis Reptilia, lan manéka jinis gegremet lan 2.212 spésies ingkang sanèsipun kapanggihaken ing papan punika.^[2]

Spesies

Miturut IUCN, wonten sapérangan spésies ingkang sampun kaidentifikasi wonten ing papan punika, sapéranganipun inggih punika:

Aix galericulata / Mandarin duck
Aquila chrysaetos / Golden eagle
Capricornis crispus / Japanese serow
Cinclus pallasii / Brown dipper
Dryocopus martius / Black woodpecker
Eurystomus orientalis / Asian dollarbird
Glirulus japonicus / Japanese dormouse
Halcyon coromanda / Ruddy kingfisher
Histrionicus histrionicus / Harlequin duck
Lepus brachyurus / Japanese hare
Macaca fuscata / Japanese macaque
Martes melampus / Japanese martem
Mustela erminea / Ermine
Mustela sibirica / Siberian weasel
Nisaetus nipalensis / Mountain hawk eagle
Nucifraga caryocatactes / Spotted nutcracker
Nyctereutes procyonoides / Racoon dog
Otus scops / Common scops-owl
Petaurista leucogenys / Japanese giant flying squirrel
Pinus pumila / Stone pine
Pteromys momonga / Japanese flying squirrel
Sciurus lis / Japanese squirrel
Taxus cuspidata / Japanese Yew
Ursus thibetanus / Asiatic black bear
Vulpes vulpes / Red fox

Papan Wisata

Daya tarik utama saking Shirakami Sanchi inggih punika jalur minggah nglewati alas lan ningali sesawangan air terjun, puncak gunung lan tlaga. Air terjun ingkang paling misuwur inggih punika Air Terjun Anmon ing sisih wétan lèr Shirakami Sanchi. Air Terjun Anmon inggih punika salah satunggal saking tiga air terjun ingkang dumunung sakitar 90 mèter pinuju lembah saking trailhead (boten saged dipunakses saking akir November dumugi akir April).^[3]

Jalur mring air terjun sampun dipunaspal lan rata ing awal lan dados inggil lan sempit manawi mlampah langkung tebih ing salebeting lembah. Boten dangu sadéréngipun dumugi air terjun kapisan (26 mèter) sakitar 45 menit, Sedasa menit ing air terjun pisanan(37 mèter) ing pundi kathah tiyang ingkang ngaso. Nglajengaken ing nginggil bukit ing sisih tengen air terjun angka kalih dangunipun 15 menit mbekta kita ing akir lan papan palinng inggil(42 mèter).^[3]

Tujuan populér sanèsipun inggih punika Juniko ("kalih welas tlaga"), sarangkéan tlaga lan kolam alit ingkang dipunhubungaken kaliyan Jalur Mendaki, ing sisih kilén lèr Shirakami Sanchi ing pasisir Laut Jepang. Laladan punika nawakaken pendakian ing dinten ingkang éndah, mancing, lan kemah ing sakitar tlaga lan kolam, salah satunggalipun, Aoike, tirta ingkang biru. Wonten ugi pusat pangunjung alit, Juniko Eco-Museum, ingkang ngandharaken babagan alas beech ing wewengkon punika.^[3]

Wonten ing papan punika ugi kapanggihaken Ngarai Nihon , versi miniatur Grand Canyon ingkang wonten ing Amérikah Sarékat, kanthi témbok awerni coklat lan watu klawu kapanggihaken ing caket pintu mlebet ing Juniko. Sawijining jalur perjalanan ingkang ngubungaken ngarai kaliyan tlaga Juniko lan kolam. Saking akir November dumugi Maret,jalan-jalan ing Juniko lan Ngarai Nihon katutup lan laladan mau boten saged dipunakses.^[3]

Ing sisih kilén lèr Shirakami-Sanchi ngarah ing Gunung Shirakamidake , Shirakamidake inggih punika puncak paling inggil ing Shirakami-Sanchi. Saking puncak, sesawangan éndah nagara sakitaripun saged katingal, nanging puncak punika piyambak sanès minangka péranganing Situs Warisan Donya UNESCO lan, kanthi makaten, izin boten dipunprelukakan kanggé mrika. Papan punika dipunjangkepi kaliyan toilet lan fasilitas papam dunung. Lan minangka salah satunggal saking sapérangan jalur hiking ingkang saged dipunakses kanthi kendaraan umum, kados ta trailhead namung 30 menit mlampah saking Stasiun Tozanguchi, Shirakamidake sadawanipun Jalur Gono JR. Perjalanan saking sadaya puncak Shirakami mbetahaken wekdal antawis 8 jam saking stasiun.^[3]

Cathetan suku

↑ [1]
↑ ^a ^b "Archive copy". Diarsip saka sing asli ing 2012-04-14. Dibukak ing 2013-01-20.{{cite web}}: CS1 maint: archived copy as title (link)
↑ ^a ^b ^c ^d ^e [2]

[internet_1-1] [1]

[internet_2-2] "Archive copy". Diarsip saka sing asli ing 2012-04-14. Dibukak ing 2013-01-20.{{cite web}}: CS1 maint: archived copy as title (link)

[internet_3-3] [2]

[1]

[2]

[3]