Suimono

Suimono ((吸い物, Suimono^?) punika satunggaling sop duduh bening wonten ing masakan Jepang. Sup punika ngginakaken bahan-bahan ingkang nembé musiman. Rasa suimono ingkang boten patos katingal punika asring dipun-ginakaken wonten ing jamuan dhaharan resmi wonten ing Jepang. Suimono limrahipun dipuncawisaken wonten mangkok. Kaldu kanggé sup punika limrahipun dipunpendhet saking konbu utawi dashi katsuobushi ingkang dipunparingi tambahan uyah/sarem lan ugi kécap ingkang asin. Isinipun punika wujud ron/ godhong aromatik. Kadosta godhong mitsuba, sansho, utawi irisan kulit yuzu ingkang ngambang wonten ing sanginggilipun sop. Isi saking sop punika dipunsebat wandane. Menawi suimono dipundamel saking kaldu ulam utawi kerang lan namung dipuntambah sekedhik uyah, sup punika dipunsebut ushiojiru (潮汁, ushiojiru^?) menawi sup punika dipundamel kanthi bening ngginakaken kaldu ulam utawi kerang ingkang dipuntambah kécap asin, dhaharan punika lajeng sinebat sumashijiru (すまし汁, sumashijiru^?) utawi otsuyu (おつゆ, otsuyu^?).

Isi sop

Salah satunggaling saking bahan-bahan wonten ngandhap punika ingkang asring dipundadosaken isi kanggé suimono.

• Tahu
• Kembang tahu
• Daging imitasi
• Yamaimo
• Hanpen
• Ulam ingkang dagingipun warni putih lan ugi kerang
• Somen
• Mochi (minangka zoni)