Timbuktu

Timbuktu (Koyra Chiini: Tumbutu, Basa Prancis: Tombouctou) punika satunggaling kutha ingkang wonten ing Mali, Afrika Kulon. Kutha punika dalem saking Universitas Sankore lan madrasah sanèspun. Kajawi punika kutha punika dados pusating panyebaran agami Islam wonten ing Afrika nalika abad kaping 15 lan abad kaping 16. Masjid mliginipun Djingareyber, Sankore, lan Sidi Yahya. Monumen mau sapunika ing sangandhaping ancaman saking desertifikasi . Papan géografisipun ndadosaken papan pepanggihaken kanggé populasi Afrika ing sekitaripun lan suku Berber ingkang nomaden ugi tiyang Arab saking lèr.

Sana Warisan Donya UNESCO

Timbuktu
Janeng ing Pratélan Warisan Donya
Jinis	Budaya
Wewaton	ii, iv, v
Rujukan	119
Tlatah UNESCO	Afrika
Sujarah prasasti
Prasasti	1988 (Sési 12th)
Kabebayan	2012

Kutha punika dipun-nggeni déning suku Songhay, Tuareg, Fulani, lan Moor. Kutha punika asring dipunandharaken bilih caket kaliyan Kali Niger, nanging kasunyatanipun mapan 15 km lor kali punika. Kutha Timbuktu ugi wonten ing tlatah persimpangan perdagangan Trans-Sahara, saking kulon mangetan, dumugi lor mangidul. Kajawi punika ing kutha mau dados papan kanggé nyaluraken uyah utawi sarem saking Taoudenni . Timbuktu utawi Tomboctou ingkang ateges sugih punika kala rumiyin kawéntar kanthi jejuluk mutiara padang pasir. Ing mriku Sultan Mansa Musa, raja saking karajan Mali sesarengan kaliyan 8 èwu bala lan 60 pangendara ingkang nitih 15 èwu unta ngaso sadèrèngipun kondur dhateng pusat kutha .

Asal mula

Timbuktu punika jumeneng déning suku Tuareg nalika wiwitan abad kaping 10. Miturut etimologi populer, tin punika ateges papan, déné buktu punika nama saking wanita sepuh Mali ingkang lurus manahipun lan naté manggon wonten ing tlatah mau.

Satunggaling suku Tuareg ingkang manggihaken tlatah ingkang dipunwastani Timbuktu lajeng nggabung dhateng Karajan Mali ing pungkasan abad kaping 13. Sultan Mansa Musa mbangung menara kanggé Masjid Terbesar Jingerebir (Jami' al Kabir) lan papan kanggé ngaso raja, Madugu ingkang sapunika boten katingal tilasipun.

Kutha ingkang gadhah gabungan antawisipun budaya Arab lan budaya Afrika punika gadhah gerbang ingkang sinerat mawi ayat Al Quran. Masjid-masjid ugi nyebar ing mriku, suku-suku ingkang wonten ing mriku ugi gesang kanthi bagya ing ikatan akidah Islam. Kajawi punika Timbuktu wonten ing abad kaping 16 kawéntar mendominasi perdagangan ing Afrika.