Tsuchinoko

Tsuchinoko (ツチノコ, Tsuchinoko^?) inggih punika kéwan ingkang wonten ing Jepang nanging dèrèng naté kebukti ^[1] (kriptid). Wujudipun kados sawer nanging gadhah weteng ingkang gendhut kados botol utawi pin boling kanthi buntut alit kados buntut tikus. Kéwan punika dipunlaporaken naté katingal saksi mata ingkang wonten ing papan-papan ing Jepang, kejawi wonten Hokkaido lan Kepuloan Ryukyu. Dumugi sapunika, tsuchinoko déréng naté saged dipuncekel tiyang amargi saksi mata dados ajrih utawi kéwan punika langkung rumiyin lumayu.

Nama "Tsuchinoko" asalipun saking nama lokal kanggé "kéwan" punika miturut penduduk laladan Kansai (Kyoto, Mi, Nara, lan Shikoku). Ing laladan Kanto, penduduk mastani minangka bachihebi. Sapérangan pamaréntah ing Jepang nawekaken bebungan arta kanthi cacah ingkang ageng kanggé tiyang ingkang saged nyekel tsuchinoko. Bebungah arta kanthi cacah 100 juta yèn naté dipuntaewekaken wonten kutha Itoigawa, Niigata.^[1]^[2]

Pemerian

Saksi mata ingkang rumaos naté mirsani tsuchinoko paring laporan babagan ciri fisik lan tumindak kados makaten:

Dipuntandhingaken kaliyan ula padatanipun, pérangan weteng langkung lemu.
Kuwat anggènipun mlumpat dumugi 1 mèter.
Remen ngunjuk sake
Saged medalaken swantun "chii"
Obahipun rikat sanget
Caranipun obah punika kados uler utawi nggulung awakipun piyambak sinambi nyokot pérangan buntut lan muter kados ban.
Saged nyemburaken geni saking tutukipun.

Sajarah

Pirantos saking watu awujud sawer mirib kaliyan tsuchinoko kapanggih saking situs arkéologi jaman Jomon ing Hida, Prefektur Gifu. Gambar ingkang mirib kaliyan tsuchinoko ugi kapanggihaken wonten pérangan njawi tembikar awujud guci asalipun saking situs arkéologi ing Prefektur Nagano.
Tsuchinoko dipunandharaken minangka déwa padang rumput wonten ing literatur klasik Kojiki ingkang dipunserat nalika abad kaping 8.
Wonten ing ensiklopedia Wakan Sansai Zue asal jaman Edo, tsuchinoko kaserat wonten ing artikel kanthi irah-irahan Nozuchihebi (野槌蛇, Nozuchihebi^? ular palu ladang).^[3]

Andharan ingkang trep ing nalar

Kadal ilat biru (Tiliqua scincoides) saking génus Tiliqua ingkang gadhah suku alit sanget.

Prakiraan, tiyang namung salah ningali kemawon. Weteng sawer ingkang nembé mangan mangsanipun kanthi ukuran ageng punika saged damel wetengipun katingal ageng kados sosok tsuchinoko ingkang dipunlaporaken saksi mata. Kajawi punika, tsuchinoko mirib kaliyan kadal génus Tiliqua ingkang mlebet ing Jepang minangka kéwan piaraan wiwit saking taun 1970-an. Kadalkasebut gadhah suku ingkang alit kados boten katingal, saéngga saged ugi wonten ingkang mastani punika tsuchinoko.

Cathetan suku

↑ ^a ^b Legenda ular dari jepang Archived 2013-02-18 at the Wayback Machine., (dipunakses tanggal 7 Fèbruari 2013).
↑ ""Tsuchinoko hokaku ni 1 oku en", Itoigawa de sankasha boshū ("ツチノコ捕獲に１億円"、糸魚川で参加者募集)". Daily Yomiuri. 14 Mèi 2007.
↑ Penemuan Tsuchinoko ular legendaris Archived 2013-02-22 at the Wayback Machine., (dipunakses tanggal 7 Fèbruari 2013).

Pranala njawi

In search of a monster, Japan Times, 12 September 2004
(ing basa Jepang) Berbagai laporan saksi mata mengenai tsuchinoko Archived 2010-05-05 at the Wayback Machine.

[tsuchinoko1-1] Legenda ular dari jepang Archived 2013-02-18 at the Wayback Machine., (dipunakses tanggal 7 Fèbruari 2013).

[2] ""Tsuchinoko hokaku ni 1 oku en", Itoigawa de sankasha boshū ("ツチノコ捕獲に１億円"、糸魚川で参加者募集)". Daily Yomiuri. 14 Mèi 2007.

[tsuchinoko2-3] Penemuan Tsuchinoko ular legendaris Archived 2013-02-22 at the Wayback Machine., (dipunakses tanggal 7 Fèbruari 2013).

[1]

[2]

[3]