Vampir

Vampir inggih punika tokoh utawi paraga wonten ing mitologi lan legenda ingkang saged gesang kanthi cara mangan intisarinipun pagesangan (limrahipun awujud rah) saking makluk sanès. Tembung vampir nembé populer wonten ing abad kaping-18 sasampunipun mlebetipun legendha vampir dhateng Éropa Kilén saking wewengkon Balkan lan Éropa Lèr. Ing laladan-laladan punika wonten legenda ngenani makluk-makluk kados vampir, kados vrykolakas ing Yunani lan strigoi ing Rumania ingkang saged damel kapercayanipun masarakat dhateng wontenipun vampir saya ageng ing wewengkon Éropa.

Ilustrasi ingkang nggambaraken vampir ingkang wonten ing cariyos Varney the Vampire.

Étimologi

Wiwitanipun tembung vampire wonten ing basa Inggris nembé wonten ing taun 1734 wonten ing satunggalipun cariyos kanthi irah-irahan Travels of Three English Gentlemen ingkang kawedalaken Harleian Miscellany ing 1745. Sasampunipun Ostenrik nguwasani laladan Serbia lan Oltenia ing 1718, pejabat ing laladan punika mangertosi manawi ing masarakat wonten praktik nggali kuburan lan rajapejah Vampir. Laporan ini kemudian disebarkan ke masarakat luas. Istilah basa Inggris, vampire, asalipun saking basa Jerman vampir (kadosipun saking basa Prancis: vampyre). Basa Jerman mendhet istilah vampir ing abad ke-18 saking basa Serbia, вампир/vampir. Tembung ingkang saking Serbia kasebat meh sami kaliyan basa Slavia sanèsipun: вампир (vampir, Basa Bulgaria), upir /upirina (Basa Kroasia), upír (Basa Ceko lan Basa Slowak), wąpierz (basa Polen), упир (upyr, basa Ukraina), упырь (upyr, basa Ruslan), упыр (upyr, basa Bélarusia).

Pranala njawi

• Journal of Dracula Studies Archived 2008-04-14 at the Wayback Machine.
• Informasi lan tokoh-tokoh vampir ingkang misuwur
• Sajarah vampir
• Situs para vampir
• Jejaring sosial kanthi swasana vampir