Wanko soba inggih menika cara nyawisaken soba godhog kanthi ngginakaken mangkok-mangkok alit ingkang kalebet tradhisi Prefektur Iwate, Jepang. Tiyang ingkang badhé mundhut dipundampingi déning juru ladi ingkang mbeta baki kanthi isi welasan mangkok soba ingkang saben mangkok menika namung wonten soba ingkang dipunulu sepisan. Menawi kang langganan sampun nelasaken isi mangkok soba ingkang nembé dipuncepengi, juru ladi kasebat lajeng mendhet setunggal mangkok soba saking baki lan nglebetaken isinipun wonten mangkokipun kang langganan kasebat. Nalika mangkok soba ingkang dipunbeta menika sampun telas, juru ladi lajeng mendhet baki sanèsipun ingkang isinipun welasan mangkok isi soba ingkang énggal, ngisi malih lan mekaten salajengipun dumugi kang langganan menika nutup mangkok kaliyan tutupipun minangka pratandha sampun tuwug. Wanko soba menika kalebet salah satunggal saking wujud keramahtamahan anggènipun ngladheni dhayoh (tamu) wonten ing Jepang.[1] Isinipun kirang langkung wonten 10 dumugi 15 mangkok wanko soba padatanipun bobotipun sami kaliyan setunggal porsi mangkok soba ukuran biyasa.[2] Setunggal priyantun lajer padatanipun saged nelasaken kirang langkung 50 dumugi 60 mangkok wanko soba.[3]

Wanko soba
JinisMi Jepang
Panggonan asalJepang
Tlatah utawa prajaIwate Prefecture
Woworan pokokMi (soba)
Buku masakan: Wanko soba  Médhia: Wanko soba

Wanko soba dipuncawisaken kanthi manéka penyedhap ingkang saged dipunpilih piyambak déning tiyang ingkang ngersakaken, tuladhanipun: serutan katsuobushi, tugelan alit nori, gilingan kacang walnut, irisan ron bawang, sashimi ulam tuna, jamur nameko, asinan daikon, utawi tigan ulam.[4][5] Cara nyawisaken wanko soba menika béda-béda miturut wewengkonipun . Minangka penyemangat nalika dhayoh nembé dhahar, juru ladi wonten ing Morioka padatanipun sorak-sorak "Hai, jan jan!" utawi "Hai, don don!" yingkang ateges "Ayo, malih, malih!"[2]. Wanko soba ingkang sampun kosong lajeng dipuntumpuk déning juru ladi ing nginggilipun meja.[2] Wonten ing Ichinoseki, juru ladi meika boten ndampingi dhayoh ingkang nembé dhahar. juru ladi namung maringaken baki kanthi isi mangkok soba ing nginggilipun méja tamu. Nalika dhahar, dhayoh ngisi mangkok soba ingkang nembé dipundhahar piyambak.[2]

Wonten ing basa Jepang dialek Iwate, wanko ateges mangkok.[6] Panutur dhialèk Iwate nambahaken sufiks ko minangka pungkasaning tembung aran, tuladhanipun umakko kanggé turangga lan begokko kanggé sapi. Sinapsa kalebet dhaharan khas Prefektur Iwate, wanko soba namung dipuncawisaken déning griya dhahar tartamtu khusu wanko soba ingkang mapan ing papan pariwisata. Mlignipun ing kutha Hanamaki, Morioka, lan Ichinoseki. Sapérangan ing antawisipun griya dhahar soba wonten ingkang nyawisaken wanko soba menawi kang langganan mesen papan rumiyin. Anggènipun nyawisaken soba kanthi wujud wanko soba menika mbetahaken wekdal kanggé nyamektakaken. Sinaosa sampun kaserat ing menu dhahar satunggaling griya dhahar soba, wanko soba sanès dhaharan ingkang saged langsung dipuncawisaken.

Sejarah besut

Ing zaman Edo, Nanbu Toshinao daimyo panguwaos Domain Morioka mampir ing Hanamaki nalika nembé tindakan dhateng kutha krajan Edo.[6] Soba menika dhaharan khas Hanamaki, nanging pendhèrèk Toshinao .[5] Awit saking menika wanko soba dipundamel kanthi saé wonten ing mangkok-mangkok alit. Satunggal mangkok namung cekap kanggé setunggal suap.[5] Kasunyatanipun Toshinao remen kaliyan echonipun soba ingkang dipuncawisaken kanggé piyambakipun lan wongsal-wangsul nyuwun tambah.[6] Nalika dipuncawisaken dhateng daimyo ing Hanamaki, wanko soba dipuncawisaken tanpa sorakan kanggé panyemangat.[2] Awit saking menika, wanko soba dumugi samenika dipuncawisaken wonten ing Hanamaki tanpa sorakan kanggé panyemangat.

Rujukan besut

  1. 東北をこよなく愛する会 (2010). 本人ですら知らなかった! 東北人の説明書. PHP研究所. ISBN 4569790305.
  2. a b c d e "わんこそば". 岩手県観光協会. Diarsip saka sing asli ing 2022-01-25. Dibukak ing 2013-09-13.
  3. "Local cuisine of the Tohoku region". Japan National Tourism Organization. Dibukak ing 2018-01-14.
  4. ??, ? (1975). ????. ???. kc. 125. ISBN 4586503432.{{cite book}}: CS1 maint: numeric names: authors list (link)
  5. a b c "Wanko Soba Noodles". Iwate Prefecture. Diarsip saka sing asli ing 2015-02-02. Dibukak ing 2018-01-14.
  6. a b c "????????". Hanamaki City Official Website. Diarsip saka sing asli ing 2013-08-12. Dibukak ing 2014-01-14.