Welut listrik
| Sidat listrik | |
|---|---|
| |
| Klasifikasi ngèlmiah | |
| Karajan: | Animalia |
| Filum: | Chordata |
| Superklas: | Osteichthyes |
| Klas: | Actinopterygii |
| Ordho: | Gymnotiformes |
| Famili: | Gymnotidae |
| Génus: | Electrophorus Gill, 1864 |
| Spésies: | E. electricus |
| Jeneng binomial | |
| Electrophorus electricus (Linnaeus, 1766) | |
Welut listrik yaiku iwak kang nggegirisi kanthi aran Latin ekctrophorus electricus.[1] Welut listrik iki dawané 1,5 m.[1] Welut iki duwé mata, nanging wuta total.[1] Nanging sanadyan panduluné kanggo ndhangir kali rada suda, welut iki bisa mancaraké ènèrgi listrik ing sakujur awaké kanggo ngira-ira anané mungsuhé.[1] Nalika mungsuh wis ana ing ngarep mata, welut iki bakal ngunggahaké suhu sunguté nganti kaping lima saéngga bisa nyetrum mungsuhé.[1]
Welut listrik ora ana sesambungané karo iwak-iwak liyané kang biyasa ditepungi kanthi sebutan welut.[1] Welut listrik minangka révolusi saka nènèk moyang iwak primitif kang tangkar tumangkar ing banyu kang bisa ditemoni ing Amérika Tengah lan Amérika Kidul.[1] Welut listrik migunakaké dat cuwèré kanggo ambegan saka hawa lan nyedhot oksigèn saka Amazon.[1]
Welut listrik minangka iwak kang bisa ngasilaké listrik nganti 650 volt.[2] Kaluwihan iki minangka kamampuan awaké kanggo mburu lan mbéla awaké dhéwé.[2] Kekuwatan listriké bisa nganti kaping patang atusé watu batré.[2] Kekuwatan listrik iku bisa kanggo madhangaké wit Natal ing Jepang.[2]
Listrik
besutWelut listrik duwé awak kang unik. Mèh 7/8 awaké wujud buntut.[3] Ing buntuté ana batré-batré cilik wujud lèmpèngan-lèmpèngan cilik kang horizontal lan vertikal.[3] Lèmpèngan iki cacahé akèh kira-kira punjul 5.000.[3]
Biometik sistem kanggo ngasilaké listrik bakal digawé modhèl sawisé sèl-sèl mirunggan ing organ listrik Electrophorus electricus.[3] Welut listrik duwé tumbukan-tumpukan electrocytes mirunggan (electroplax) kang bisa ngangkud ion lan mènèhi 150 mV lan pA 1, saéngga total kekuwatan organ 600W (600V lan 1A).[3]
Membran electrocyte ngandhut Na/K pompa, saluran Na, K saluran, saluran Cl, lan saluran Ca.[3] Pambedhahan welut listrik kang kabawah AlessandroVolta kanggo èkspèrimèn kanthi sèl galvanik kaisolasi saka tembaga lan seng kanggo mbentuk tumpukan volta (Volta 1800).[3] Dhèwèké ngubungaké inventing batré DC.[3] Kanthi panalitén iki tinemu yèn electrocyte wis nuduhaké yèn sèl mirunggan iki asalé saka sèl-sèl otot kang kasusun déning membran lan diwungkus saluran ion lan kompa ion.[3]
Welut listrik bisa ngatur gayutan antarané batré cilik ing awaké kanggo ngéntukaké tegangan listrik cilik lan tegangan listrik gedhé.[4] Kanggo navigasi, welut listrik mung butuhaké tegangan listrik cilik.[4] Nanging nalika ketemu mungsuh utawa mangsané, welut listrik bakal mènèhi tegangan kang paling dhuwur liwat ndhas lan buntuté kang ditèmplèkaké ing awak mungsuhé utawa mangsané.[4]
Arus listrik kang diasilaké kurang luwih 1 ampere.[4] Arus listrik kang diasilaké tegangan listrik kang dhuwur iki bakal mili lan matèni mungsuh welut listrik.[4] Kéwan liyané ora bakal keganggu awit kéwan-kéwan mau ora langsung kena buntuté lan ndhasé welut listrik.[4]
Welut listrik kang duwé jeneng latin Electrophorus electricus iku jinisé iwak kang bisa nyetrum nganti 650 volt kanggo njaga awaké.[5]
Habitat
besutWelut listrik bisa tinemu ing Amazon lan Orinoko lan tlatah-tlatah ing saubengé.[5] Welut listrik bisa urip nganti dawané 2,5 mèter utawa 8,2 kaki kanthi abot 20 kg utawa 44 pon.[5] Nanging ukuran rata-ratané ya iku 1 mèter.[5]
Cathetan sikil
besut- ↑ a b c d e f g h [Majalah Panjebar Semangat. 12 April 2003. Edisi 15. Kaca 47]
- ↑ a b c d teknologi.vivanews.com[pranala mati permanèn](kajupuk tanggal 12 Maret 2011)]
- ↑ a b c d e f g h i kaskus.us Archived 2011-08-23 at the Wayback Machine.(diundhuh tanggal 28 Mèi 2011)
- ↑ a b c d e f forum.detik.com Archived 2011-05-13 at the Wayback Machine.(diundhuh tanggal 28 Mèi)
- ↑ a b c d id.answers.yahoo.com(diundhuh tanggal 28 Mèi 2011)