Yuki Kato

aktris Indonesia

Yuki Anggraini Kato utawa kang kondhang kanthi jeneng Yuki Kato (lair ing Malang, 2 April 1995; umur 28 taun).[1] Yuki Kato ya iku salah sijiné juru main sinétron kang asalé saka Indonésia.[1] Yuki Kato dikenal lan misuwur jenengé sawisé dadi bintang ing sinétron kang irah-irahané Primata Cantik".[1] Sinetron iki diprodhuksi déning Starvision.[1] Ing sinétron iki, Yuki Kato main bareng karo kancané kang jenengé Irshadi Bagas lan Esa Sigit.[1] Saliyané dadi juru main utama ing sinétron kang irah-irahané Heart Series lan My Love, Yuki Kato uga main ing filem kang irah-irahané Jodoh Arietta.[1] Ing sinétron iki Yuki Kato akting dadi adhiké Raffi Ahmad.[1] Saliyané karo Raffi Ahmad, Yuki Kato uga akting karo Laudya Chintya Bella.[1] Yuki Kato duwé hobi nyepeda lan maca buku.[1]

Yuki Anggraini Kato
LairYuki Anggraini Kato
Jeneng liyaYuki Kato
PakaryanAktris, Bintang Iklan
Taun aktif2005-saiki
Wong tuwaTakeshi Kato (Bapak)
Twinawati (Ibu)
Sana jaringanTwitter

Saliyané duwé bakat akting, Yuki Kato uga duwé kaprigelan nyanyi.[1] Yuki Kato tau dhuet ing tembang OST My Heart bareng karo Irshadi Bagas ing acara My Heart By Request kang dibabaraké ing salah siji stasiun tivi swasta ya iku SCTV.[1] Nalika taun 2010 Yuki Kato dadi bintang ing sinétron Arti Sahabat.[1] Ing serial televisi iki Yuki maragakake Ajeng lan duwé lawan main karo Steven William Umboh kang main dadi Yudha.[1]

Biografi besut

Yuki Kato iku anak wadon kang sepisanan saka pasangan Takeshi Kato dan Twinawati.[2] Takeshi Kato, iku salah sijiné Project Manager ing prusahaan gedhé ing Jepang lan saiki dhèwèké manggon ing Jepang.[2] Yuki Anggraini Kato duwé adhi kang jenengé Reina Meisilia Kato lan Sakura Des Caesar Kato.[2] Yuki manggon karo ibu lan adhiné ing Kota Wisata, Cibubur.[2]

Pendhidhikan besut

Yuki Kato ya iku mantan murid SD Fajar Hidayah lan SMP Sekolah Pilar Indonesia.[2] Saiki Yuki dadi murid ing SMA Bakti Mulya 400.[2]

Cathetan suku besut

  1. a b c d e f g h i j k l m infoselebindo.com Archived 2011-05-06 at the Wayback Machine.(dipunundhuh tanggal 9 Agustus 2011)
  2. a b c d e f selebriti.kapanlagi.com(dipunundhuh tanggal 9 Agustus 2011)