ꦛꦼꦁꦏ꧀ꦭꦺꦁ
ꦗꦮ
|
ꦛꦼꦁꦏ꧀ꦭꦺꦁ ꦲꦶꦁꦒꦶꦃ ꦥꦸꦤꦶꦏ ꦱꦭꦃ ꦱꦠꦸꦁꦒꦭ꧀ꦭꦶꦁ ꦠꦼꦠꦼꦣꦤ꧀ ꦲꦶꦁꦏꦁ ꦢꦶꦥꦸꦤ꧀ꦢꦩꦼꦭ꧀ ꦱꦏꦶꦁ ꦢꦒꦶꦁ ꦲꦸꦠꦮꦶ ꦕꦼꦛꦤꦶꦥꦸꦤ꧀ ꦲꦼꦤ꧀ꦝꦱ꧀ ꦮꦼꦣꦸꦱ꧀.[1] ꦛꦼꦁꦏ꧀ꦭꦺꦁ ꦮꦼꦣꦸꦱ꧀ ꦲꦶꦁꦒꦶꦃ ꦏꦊꦧꦼꦠ꧀ ꦠꦼꦠꦼꦣꦤ꧀ ꦏꦱ꧀ ꦱꦭ, ꦗꦮ ꦠꦼꦔꦃ ꦲꦶꦁꦒꦶꦃ ꦥꦸꦤꦶꦏ ꦱꦭꦃ ꦱꦠꦸꦁꦒꦭꦶꦁ ꦗꦶꦤꦶꦱ꧀ ꦲꦺꦴꦭꦃꦲꦤ꧀ ꦢꦒꦶꦁ ꦩꦼꦤ꧀ꦢ ꦲꦶꦁꦏꦁ ꦢꦶꦥꦸꦤ꧀ꦩꦱꦏ꧀ ꦩꦮꦶ ꦱꦤ꧀ꦠꦼꦤ꧀. ꦫꦲꦺꦴꦱ꧀ꦱꦶꦥꦸꦤ꧀ ꦲꦺꦕ ꦱꦔꦼꦠ꧀ ꦱꦲ ꦱꦒꦼꦢ꧀ ꦢꦩꦼꦭ꧀ ꦠꦶꦪꦁ ꦏꦼꦠꦒꦶꦃꦲꦤ꧀ ꦩꦭꦶꦃ ꦏꦁꦒꦺ ꦣꦲꦂ ꦛꦼꦁꦏ꧀ꦭꦺꦁ ꦥꦸꦤꦶꦏ. ꦮꦸꦗꦸꦢ꧀ꦢꦶꦥꦸꦤ꧀ ꦛꦼꦁꦏ꧀ꦭꦺꦁ ꦥꦸꦤꦶꦏ ꦫꦢꦶ ꦱꦩꦶ ꦏꦭꦶꦪꦤ꧀ ꦒꦸꦭꦺ, ꦲꦶꦁꦏꦁ ꦧꦺꦢꦏꦏꦼꦤ꧀ ꦲꦶꦁꦒꦶꦃ ꦥꦸꦤꦶꦏ ꦱꦏꦶꦁ ꦮꦸꦗꦸꦢ꧀ꦢꦶꦥꦸꦤ꧀ ꦱꦤ꧀ꦠꦼꦤ꧀, ꦩꦤꦮꦶ ꦒꦶꦭꦺ ꦱꦤ꧀ꦠꦼꦤ꧀ꦤꦶꦥꦸꦤ꧀ ꦏꦼꦤ꧀ꦛꦼꦭ꧀ ꦱꦔꦼꦠ꧀, ꦤꦔꦶꦁ ꦩꦤꦮꦶ ꦛꦼꦁꦏ꧀ꦭꦺꦁ ꦥꦸꦤꦶꦏ ꦱꦤ꧀ꦠꦼꦤ꧀ꦤꦶꦥꦸꦤ꧀ ꦧꦺꦴꦠꦺꦤ꧀ ꦥꦠꦶꦪ ꦏꦼꦤ꧀ꦛꦼꦭ꧀ ꦏꦢꦺꦴꦱ꧀ ꦒꦸꦭꦺ.
ꦧꦲꦤ꧀-ꦧꦲꦤ꧀ꦤꦶꦥꦸꦤ꧀ besut
ꦧꦲꦤ꧀-ꦧꦲꦤ꧀ ꦲꦶꦁꦏꦁ ꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ ꦏꦁꦒꦺ ꦢꦩꦼꦭ꧀ ꦛꦼꦁꦏ꧀ꦭꦺꦁ ꦲꦶꦁꦒꦶꦃ ꦥꦸꦤꦶꦏ ꦏꦢꦺꦴꦱ꧀ ꦩꦏꦠꦼꦤ꧀:[2]
- 4 sdm ꦭꦶꦱꦃ ꦏ꧀ꦭꦼꦤ꧀ꦠꦶꦏ꧀
- 3 ꦮꦸꦠꦶꦂ ꦕꦼꦁꦏꦺꦃ
- 5 cm ꦏꦪꦸ ꦊꦒꦶ
- 2 ꦮꦸꦠꦶꦂ ꦏꦥꦸꦭꦒ
- 2 ꦮꦸꦠꦶꦂ ꦏ꧀ꦭꦧꦺꦠ꧀
- 1 kg ꦧꦭꦸꦁ ꦲꦶꦒ ꦩꦺꦤ꧀ꦢ ꦱꦲ ꦢꦒꦶꦁꦔꦶꦥꦸꦤ꧀ ꦢꦶꦥꦸꦤ꧀ꦲꦶꦫꦶꦱ꧀-ꦲꦶꦫꦶꦱ꧀ ꦲꦭꦶꦠ꧀-ꦲꦭꦶꦠ꧀
- 1 ꦧꦠꦁ ꦱꦼꦫꦺꦃ ꦢꦶꦥꦸꦤ꧀ꦥꦼꦤ꧀ꦝꦼꦠ꧀ ꦥꦺꦫꦁꦔꦤ꧀ ꦲꦶꦁꦏꦁ ꦥꦼꦛꦏ꧀ ꦭꦗꦼꦁ ꦢꦶꦥꦸꦤ꧀ꦒꦼꦥꦿꦏ꧀
- 3 ꦊꦩ꧀ꦧꦂ ꦫꦺꦴꦤ꧀ ꦗꦼꦫꦸꦏ꧀ ꦥꦸꦫꦸꦠ꧀
- 1 sdt ꦲꦱꦼꦩ꧀ ꦗꦮ ꦢꦶꦥꦸꦤ꧀ꦲꦗꦺꦂꦫꦏꦼꦤ꧀ ꦲꦶꦁ ꦠꦺꦴꦪ ꦥꦤꦱ꧀ ꦭꦗꦼꦁ ꦢꦶꦥꦸꦤ꧀ꦲꦸꦣꦏ꧀
- 1 ꦭꦶꦠꦼꦂ ꦱꦤ꧀ꦠꦼꦤ꧀ ꦲꦺꦚ꧀ꦕꦺꦂ
- 250 ml ꦱꦤ꧀ꦠꦼꦤ꧀ ꦏꦼꦤ꧀ꦛꦼꦭ꧀
ꦧꦸꦩ꧀ꦧꦸ-ꦧꦸꦩ꧀ꦧꦸꦤꦶꦥꦸꦤ꧀ besut
ꦧꦸꦩ꧀ꦧꦸ-ꦧꦸꦩ꧀ꦧꦸ ꦲꦶꦁꦏꦁ ꦢꦶꦥꦸꦤ꧀ꦧꦼꦠꦃꦲꦏꦼꦤ꧀ ꦏꦁꦒꦺ ꦢꦩꦼꦭ꧀ ꦛꦼꦁꦏ꧀ꦭꦺꦁ ꦥꦸꦤꦶꦏ ꦲꦶꦁ ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦲꦶꦁꦒꦶꦃ ꦏꦢꦺꦴꦱ꧀ ꦩꦏꦠꦼꦤ꧀:[3]
ꦕꦫꦤꦶꦥꦸꦤ꧀ ꦢꦩꦼꦭ꧀ besut
ꦩꦤꦮꦶ ꦥꦚ꧀ꦗꦼꦤꦼꦁꦔꦤ꧀ ꦏꦼꦥꦺꦔꦶꦤ꧀ ꦢꦩꦼꦭ꧀ ꦛꦼꦁꦏ꧀ꦭꦺꦁ ꦥꦸꦤꦶꦏ ꦱꦗꦠꦺꦴꦱ꧀ꦱꦶꦥꦸꦤ꧀ ꦧꦺꦴꦠꦼꦤ꧀ ꦒꦩ꧀ꦥꦶꦭ꧀ ꦱꦔꦼꦠ꧀ ꦤꦔꦶꦁ ꦏꦼꦢꦃ ꦒꦣꦃ ꦥꦔꦿꦲꦺꦴꦱ꧀ ꦲꦶꦁꦏꦁ ꦱꦲꦺ ꦩꦤꦮꦶ ꦧꦣꦺ ꦢꦩꦼꦭ꧀ ꦛꦼꦁꦏ꧀ꦭꦺꦁ ꦏꦤ꧀ꦛꦶ ꦫꦲꦺꦴꦱ꧀ ꦲꦶꦏꦁ ꦲꦺꦕ. ꦢꦺꦤꦺ ꦕꦫꦤꦶꦥꦸꦤ꧀ ꦢꦩꦼꦭ꧀ ꦛꦼꦁꦏ꧀ꦭꦺꦁ ꦲꦶꦁꦒꦶꦃ ꦏꦢꦺꦴꦱ꧀ ꦩꦏꦠꦼꦤ꧀:[1]
- ꦲꦶꦁꦏꦁ ꦱꦥꦶꦱꦤ꧀, ꦭꦶꦱꦃ ꦢꦶꦥꦸꦤ꧀ꦥꦤꦱ꧀ꦱꦏꦼꦤ꧀ ꦫꦸꦩꦶꦪꦶꦤ꧀ ꦏꦁꦒꦺ ꦤꦸꦩꦶꦱ꧀ ꦱꦢꦪ ꦧꦸꦩ꧀ꦧꦸ ꦲꦶꦁꦏꦁ ꦱꦩ꧀ꦥꦸꦤ꧀ ꦢꦶꦥꦸꦤ꧀ꦲꦸꦊꦒ꧀ ꦔꦤ꧀ꦠꦺꦴꦱ꧀ ꦲꦭꦸꦱ꧀
- ꦕꦼꦁꦏꦺꦃ, ꦏꦪꦸ ꦊꦒꦶ, ꦏꦥꦸꦭꦒ, ꦲꦸꦒꦶ ꦏ꧀ꦭꦧꦺꦠ꧀ ꦱꦒꦺꦢ꧀ ꦢꦶꦥꦸꦤ꧀ꦕꦩ꧀ꦥꦸꦂꦫꦏꦼꦤ꧀ ꦲꦶꦁ ꦧꦸꦩ꧀ꦧꦸ ꦲꦶꦁꦏꦁ ꦤꦼꦩ꧀ꦧꦺ ꦢꦶꦥꦸꦤ꧀ꦩꦱꦏ꧀, ꦭꦤ꧀ ꦢꦶꦥꦸꦤ꧀ꦲꦸꦣꦏ꧀ ꦔꦤ꧀ꦠꦺꦴꦱ꧀ ꦒꦤ꧀ꦢꦤꦶꦥꦸꦤ꧀ ꦱꦼꦣꦼꦥ꧀
- ꦢꦒꦶꦁ ꦩꦺꦤ꧀ꦢ ꦒꦶꦁꦏꦁ ꦱꦩ꧀ꦥꦸꦤ꧀ ꦢꦶꦥꦸꦤ꧀ꦲꦶꦫꦶꦱ꧀-ꦲꦶꦫꦶꦱ꧀ ꦱꦒꦼꦢ꧀ ꦢꦶꦥꦸꦤ꧀ꦭꦼꦧꦼꦠ꧀ꦠꦏꦼꦤ꧀ ꦲꦸꦒꦶ ꦔꦤ꧀ꦠꦺꦴꦱ꧀ ꦢꦒꦶꦁꦔꦶꦥꦸꦤ꧀ ꦏꦏꦸ ꦱꦲ ꦮꦼꦂꦤꦤꦶꦥꦸꦤ꧀ ꦱꦩ꧀ꦥꦸꦤ꧀ ꦲꦺꦮꦃ
- ꦩꦤꦮꦶ ꦱꦩ꧀ꦥꦸꦤ꧀ ꦩꦠꦼꦁ ꦱꦒꦼꦢ꧀ ꦢꦶꦥꦸꦤ꧀ꦱꦗꦺꦏ꧀ꦏꦏꦼꦤ꧀ ꦏꦤ꧀ꦛꦶ ꦱꦲꦺ, ꦭꦤ꧀ ꦧꦣꦺ ꦭꦁꦏꦸꦁ ꦲꦺꦕ ꦩꦭꦶꦃ ꦩꦤꦮꦶ ꦢꦶꦥꦸꦤ꧀ꦱꦗꦺꦏ꧀ꦏꦏꦼꦤ꧀ ꦤꦭꦶꦏ ꦠꦏ꧀ꦱꦶꦃ ꦲꦔꦼꦠ꧀ ꦛꦼꦁꦏ꧀ꦭꦺꦁꦔꦶꦥꦸꦤ꧀