ꦩꦸꦱꦶꦪꦸꦩ꧀ꦧꦛꦶꦏ꧀ꦔꦪꦺꦴꦒꦾꦏꦂꦠ
ꦗꦮ
|
Koordhinat: 7°47′45″S 110°22′39″E / 7.7957241°S 110.3774587°E
ꦩꦸꦱꦶꦪꦸꦩ꧀ꦧꦛꦶꦏ꧀ꦔꦪꦺꦴꦒꦾꦏꦂꦠ ꦥꦸꦤꦶꦏ ꦩꦥꦤ꧀ ꦮꦺꦴꦤ꧀ꦠꦼꦤ꧀ ꦲꦶꦁ ꦢꦭꦤ꧀ ꦣꦺꦴꦏ꧀ꦠꦼꦂ ꦱꦸꦠꦩ ꦤꦺꦴꦩꦼꦂ 13 ꦄ ꦔꦪꦺꦴꦒꦾꦏꦂꦠ. ꦩꦸꦱꦶꦪꦸꦩ꧀ ꦥꦸꦤꦶꦏ ꦢꦶꦥꦸꦤ꧀ꦪꦱ ꦤꦭꦶꦏ ꦠꦁꦒꦭ꧀ 12 ꦩꦺꦆ 1977 ꦏꦤ꧀ꦛꦶ ꦥꦿꦏꦂꦱꦤꦶꦥꦸꦤ꧀ ꦏꦸꦭꦮꦂꦒ ꦲꦢꦶ ꦤꦸꦒꦿꦲ. ꦲꦶꦁꦏꦁ ꦥꦫꦶꦁ ꦩꦺꦴꦠꦶꦥ꦳ꦱꦶ ꦢꦺꦤꦶꦁ ꦏꦸꦭꦮꦂꦒ ꦲꦢꦶ ꦤꦸꦒꦿꦲ ꦥꦸꦤꦶꦏ ꦲꦮꦶꦠ꧀ ꦠꦏ꧀ꦱꦶꦃ ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ ꦏꦮꦶꦒꦠꦺꦴꦱ꧀ꦱꦤ꧀ ꦩꦱꦫꦏꦠ꧀ ꦱꦲ ꦮꦶꦱꦠꦮꦤ꧀ ꦩꦚ꧀ꦕ ꦣꦠꦼꦁ ꦧꦛꦶꦏ꧀. ꦢꦶꦥꦸꦤ꧀ꦥꦸꦂꦮꦏꦤꦶ ꦱꦏꦶꦁ ꦏꦸꦭꦮꦂꦒ ꦥꦶꦪꦩ꧀ꦧꦏ꧀ ꦢꦸꦩꦸꦒꦶ ꦠꦶꦪꦁ ꦱꦼꦥꦸꦃꦲꦶꦥꦸꦤ꧀ ꦢꦸꦩꦸꦒꦶ ꦒꦺꦤꦼꦫꦱꦶ ꦱꦭꦗꦼꦁꦔꦶꦥꦸꦤ꧀ ꦲꦢꦶ ꦤꦸꦒꦿꦲ[1][2].
ꦏꦺꦴꦭꦺꦏ꧀ꦱꦶ besut
ꦏꦺꦴꦭꦺꦏ꧀ꦱꦶ ꦧꦛꦶꦏ꧀ ꦲꦶꦁꦏꦁ ꦮꦺꦴꦤ꧀ꦠꦼꦤ꧀ ꦲꦶꦁ ꦩꦸꦱꦶꦪꦸꦩ꧀ ꦥꦸꦤꦶꦏ ꦥꦼꦥꦏ꧀ ꦱꦔꦼꦠ꧀. ꦩꦮꦂꦤꦶ-ꦮꦂꦤꦶ ꦧꦛꦁꦏ꧀ ꦱꦏꦶꦁ ꦭꦭꦢ꧀ꦢꦤ꧀-ꦭꦭꦢ꧀ꦢꦤ꧀ ꦲꦶꦁ ꦆꦤ꧀ꦝꦺꦴꦤꦺꦱꦶꦪ ꦏꦢꦺꦴꦱ꧀ ꦠ ꦧꦛꦶꦏ꧀ ꦔꦪꦺꦴꦒꦾꦏꦂꦠ, ꦆꦤ꧀ꦢꦿꦩꦪꦸ, ꦲꦸꦒꦶ ꦭꦭꦢ꧀ꦢꦤ꧀ ꦲꦶꦁꦏꦁ ꦒꦣꦃ ꦥꦁꦫꦗꦶꦤ꧀ ꦧꦛꦶꦏ꧀ ꦆꦤ꧀ꦝꦺꦴꦤꦺꦱꦶꦪ. ꦏꦺꦴꦭꦺꦏ꧀ꦱꦶꦤꦶꦥꦸꦤ꧀ ꦏꦢꦺꦴꦱ꧀ ꦠ ꦏꦲꦶꦤ꧀ ꦢꦮ, ꦱꦫꦸꦁ, ꦭꦤ꧀ ꦱꦤꦺꦱ꧀-ꦱꦤꦺꦱ꧀ꦱꦶꦥꦸꦤ꧀ ꦲꦶꦁꦏꦁ ꦱꦥꦸꦤꦶꦏ ꦏꦺꦴꦭꦺꦏ꧀ꦱꦶꦤꦶꦥꦸꦤ꧀ ꦱꦩ꧀ꦥꦸꦤ꧀ ꦢꦸꦩꦸꦒꦶ 400 ꦊꦩ꧀ꦧꦂ ꦏꦲꦶꦤ꧀ ꦏꦭꦶꦪꦤ꧀ ꦥꦶꦫꦤ꧀ꦠꦶ ꦏꦁꦒꦺ ꦩ꧀ꦧꦛꦶꦏ꧀. ꦏꦺꦴꦭꦺꦏ꧀ꦱꦶ ꦲꦶꦁꦏꦁ ꦥꦭꦶꦁ ꦱꦼꦥꦸꦃ ꦲꦶꦁꦒꦶꦃ ꦥꦸꦤꦶꦏ ꦧꦛꦶꦏ꧀ ꦢꦩꦼꦭ꧀ꦭꦤ꧀ ꦠꦲꦸꦤ꧀ 1700ꦲꦤ꧀. ꦏꦗꦮꦶ ꦏꦺꦴꦭꦺꦏ꧀ꦱꦶ ꦧꦛꦶꦏ꧀, ꦮꦺꦴꦤ꧀ꦠꦼꦤ꧀ ꦲꦶꦁ ꦩꦸꦱꦶꦪꦸꦩ꧀ ꦧꦛꦶꦏ꧀ ꦥꦸꦤꦶꦏ ꦚꦶꦩ꧀ꦥꦼꦤ꧀ ꦏꦺꦴꦭꦺꦏ꧀ꦱꦶ ꦱꦸꦭꦩ꧀ꦩꦤ꧀ ꦠꦔꦤ꧀. ꦏꦺꦴꦭꦺꦏ꧀ꦱꦶ ꦱꦸꦭꦩ꧀ꦩꦤ꧀ ꦠꦔꦤ꧀ ꦩꦤꦺꦏ ꦮꦂꦤꦶ. ꦩꦸꦱꦶꦪꦸꦩ꧀ ꦥꦸꦤꦶꦏ ꦤꦠꦺ ꦥꦶꦏꦤ꧀ꦠꦸꦏ꧀ ꦥꦁꦲꦂꦒꦲꦤ꧀ ꦱꦏꦶꦁ ꦩꦸꦫꦶ (ꦩꦸꦱꦶꦪꦸꦩ꧀ ꦫꦺꦏꦺꦴꦂ ꦆꦤ꧀ꦝꦺꦴꦤꦺꦱꦶꦪ) ꦲꦮꦶꦠ꧀ ꦏꦂꦪ ꦱꦸꦭꦩ꧀ꦩꦤ꧀ ꦥꦭꦶꦁ ꦲꦒꦼꦁ, ꦲꦶꦁꦒꦶꦃ ꦥꦸꦤꦶꦏ ꦧꦛꦶꦏ꧀ ꦏꦤ꧀ꦛꦶ ꦲꦸꦏꦸꦂꦫꦤ꧀ 90 x 400 cm². ꦱꦭꦗꦼꦁꦔꦶꦥꦸꦤ꧀ ꦥꦶꦏꦤ꧀ꦠꦸꦏ꧀ ꦥꦁꦲꦂꦒꦲꦤ꧀ ꦩꦭꦶꦃ ꦱꦏꦶꦁ ꦊꦩ꧀ꦧꦒ ꦲꦶꦁꦏꦁ ꦱꦩꦶ ꦲꦮꦶꦠ꧀ ꦥꦿꦩꦏꦂꦱ ꦩꦢꦼꦒ꧀ꦒꦶꦥꦸꦤ꧀ ꦩꦸꦱꦶꦪꦸꦩ꧀ ꦱꦸꦭꦩ꧀ꦩꦤ꧀ ꦏꦥꦶꦁ ꦱꦠꦸꦁꦒꦭ꧀ ꦲꦶꦁ ꦆꦤ꧀ꦝꦺꦴꦤꦺꦱꦶꦪ[3].
ꦩꦺꦴꦠꦶꦥ꦳꧀ ꦱꦏꦶꦁ ꦧꦛꦶꦏ꧀-ꦧꦛꦶꦏ꧀ ꦲꦶꦁ ꦩꦸꦱꦶꦪꦸꦩ꧀ꦧꦛꦶꦏ꧀ꦔꦪꦺꦴꦒꦾꦏꦂꦠ ꦥꦸꦤꦶꦏ ꦩꦤꦺꦏ ꦮꦂꦤ, ꦥꦸꦤꦶꦏ ꦩꦺꦴꦠꦶꦥ꦳꧀ ꦲꦶꦁꦏꦁ ꦏꦛꦃ ꦥꦶꦪꦩ꧀ꦧꦏ꧀ ꦏꦢꦺꦴꦱ꧀ ꦠ ꦩꦺꦴꦠꦶꦥ꦳꧀ ꦥꦱꦶꦱꦶꦂꦫꦤ꧀, ꦩꦺꦴꦠꦶꦥ꦳꧀ ꦥꦶꦁꦒꦶꦂꦫꦤ꧀, ꦩꦺꦴꦠꦶꦥ꦳꧀ ꦠꦼꦫꦁ ꦧꦸꦭꦤ꧀, ꦭꦤ꧀ ꦩꦺꦴꦠꦶꦥ꦳꧀ ꦲꦺꦱꦸꦏ꧀ ꦱꦺꦴꦫꦺ.
ꦏꦺꦴꦭꦺꦏ꧀ꦱꦶ ꦱꦤꦺꦱ꧀ ꦲꦶꦁꦏꦁ ꦏꦮꦺꦤ꧀ꦠꦂ ꦲꦸꦒꦶ ꦲꦶꦁꦒꦶꦃ ꦥꦸꦤꦶꦏ:
- ꦏꦲꦶꦤ꧀ ꦥꦚ꧀ꦗꦁ ꦱꦺꦴꦒ ꦗꦮ (1950-1960)
- ꦏꦲꦶꦤ꧀ ꦥꦚ꧀ꦗꦁ ꦱꦺꦴꦒ ꦲꦂꦒꦤ꧀ ꦭꦩ
- ꦱꦫꦸꦁ ꦲꦶꦱꦺꦤ꧀-ꦲꦶꦱꦺꦤ꧀ ꦲꦤ꧀ꦠꦶꦏ꧀ (1880-1960)
- ꦱꦫꦸꦁ ꦲꦶꦱꦺꦤ꧀-ꦲꦶꦱꦺꦤ꧀ ꦲꦤ꧀ꦠꦶꦏ꧀ ꦏꦼꦊꦁꦔꦤ꧀ (1880-1890) ꦢꦩꦼꦭ꧀ꦭꦤ꧀ꦤꦶꦥꦸꦤ꧀ ꦚꦺꦴꦚ ꦮꦭꦤ꧀ꦢ ꦌ꧈ꦥ꦳꧈ ꦗ꦳ꦼꦵꦪ꧀ꦭꦺꦤ꧀ ꦱꦏꦶꦁ ꦥꦼꦏꦭꦺꦴꦁꦔꦤ꧀
- ꦱꦫꦸꦁ ꦥꦚ꧀ꦗꦁ ꦱꦺꦴꦒ ꦗꦮ (1920-1930) ꦢꦩꦼꦭ꧀ꦭꦤ꧀ꦤꦶꦥꦸꦤ꧀ ꦚꦺꦴꦚ ꦭꦶ ꦗꦶꦁ ꦏꦶꦩ꧀ ꦱꦏꦶꦁ ꦔꦪꦺꦴꦒꦾꦏꦂꦠ
ꦱꦼꦢꦪ ꦏꦺꦴꦭꦺꦏ꧀ꦱꦶ ꦲꦶꦁꦏꦁ ꦮꦺꦴꦤ꧀ꦠꦼꦤ꧀ ꦲꦶꦁ ꦩꦸꦱꦶꦪꦸꦩ꧀ ꦥꦸꦤꦶꦏ ꦥꦶꦏꦤ꧀ꦠꦸꦏ꧀ ꦱꦏꦶꦁ ꦏꦸꦭꦮꦂꦒ ꦲꦶꦁꦏꦁ ꦩꦢꦼꦒ꧀ꦒꦏꦼꦤ꧀ ꦩꦸꦱꦶꦪꦸꦩ꧀ꦧꦛꦶꦏ꧀ꦔꦪꦺꦴꦒꦾꦏꦂꦠ. ꦏꦺꦴꦭꦺꦏ꧀ꦱꦶ ꦲꦶꦁꦏꦁ ꦥꦭꦶꦁ ꦱꦼꦥꦸꦃ ꦥꦸꦤꦶꦏ ꦲꦮꦸꦗꦸꦢ꧀ ꦧꦛꦶꦏ꧀ ꦢꦩꦼꦭ꧀ꦭꦤ꧀ ꦠꦲꦸꦤ꧀ 1840 [3]. ꦏꦗꦮꦶ ꦥꦸꦤꦶꦏ ꦮꦺꦴꦤ꧀ꦠꦼꦤ꧀ ꦲꦠꦸꦱ꧀ꦱꦤ꧀ ꦏꦺꦴꦭꦺꦏ꧀ꦱꦶ ꦱꦤꦺꦱ꧀ꦱꦶꦥꦸꦤ꧀ ꦲꦶꦁꦏꦁ ꦏꦊꦧꦼꦠ꧀ ꦲꦱꦶꦭ꧀ꦭꦶꦁ ꦏꦂꦪ ꦲꦶꦁꦏꦁ ꦒꦣꦃ ꦩꦸꦱꦶꦪꦸꦩ꧀ ꦥꦸꦤꦶꦏ. ꦲꦶꦁ ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦱꦸꦭꦩ꧀ꦩꦤ꧀ ꦒꦩ꧀ꦧꦂ ꦥꦿꦺꦱꦶꦣꦺꦤ꧀ ꦫꦺꦥꦸꦧ꧀ꦭꦶꦏ꧀ ꦆꦤ꧀ꦝꦺꦴꦤꦺꦱꦶꦪ ꦏꦥꦶꦱꦤ꧀ ꦆꦤ꧀ꦱꦶꦚꦸꦂ ꦱꦸꦏꦂꦤ, ꦩꦤ꧀ꦠꦤ꧀ ꦥꦿꦺꦱꦶꦣꦺꦤ꧀ ꦱꦸꦲꦂꦠ, ꦩꦺꦒꦮꦠꦶ ꦱꦸꦏꦂꦤ ꦥꦸꦠꦿꦶ, ꦭꦤ꧀ ꦱꦿꦶ ꦱꦸꦭ꧀ꦠꦤ꧀ ꦲꦩꦼꦁꦏꦸꦧꦸꦮꦤ IX. ꦮꦺꦴꦤ꧀ꦠꦼꦤ꧀ ꦲꦸꦒꦶ ꦥꦺꦴꦠꦿꦺꦠ꧀ ꦥꦿꦲꦸꦥꦤ꧀ꦤꦶꦥꦸꦤ꧀ ꦥꦃꦭꦮꦤ꧀ ꦠꦸꦮꦤ꧀ꦏꦸ ꦆꦩꦩ꧀ ꦧꦺꦴꦚ꧀ꦗꦺꦴꦭ꧀ ꦭꦤ꧀ ꦥꦔꦺꦫꦤ꧀ ꦢꦶꦥꦤꦼꦒꦫ. ꦮꦺꦴꦤ꧀ꦠꦼꦤ꧀ ꦲꦶꦁ ꦩꦸꦱꦶꦪꦸꦩ꧀ꦧꦛꦶꦏ꧀ꦔꦪꦺꦴꦒꦾꦏꦂꦠ ꦲꦸꦒꦶ ꦮꦺꦴꦤ꧀ꦠꦼꦤ꧀ ꦱꦸꦭꦩ꧀ꦩꦤ꧀ ꦥꦿꦲꦸꦥꦤ꧀ ꦥꦈꦱ꧀ ꦪꦺꦴꦲꦤꦼꦱ꧀ ꦥꦈꦭꦸꦱ꧀ II ꦭꦤ꧀ ꦲꦶꦧꦸ ꦠꦺꦫꦺꦱ ꦱꦏꦶꦁ ꦆꦤ꧀ꦝꦶꦪ [4].
ꦥꦔꦼꦭꦺꦴꦭ besut
ꦱꦥꦸꦤꦶꦏꦶ ꦩꦸꦱꦶꦪꦸꦩ꧀ ꦧꦛꦶꦏ꧀ ꦥꦸꦤꦶꦏ ꦢꦶꦥꦸꦤ꧀ꦏꦼꦭꦺꦴꦭ ꦢꦺꦤꦶꦁ ꦲꦶꦧꦸ ꦢꦺꦮꦶ ꦱꦸꦏꦤꦶꦁꦱꦶꦃ ꦲꦸꦠꦮꦶ ꦭꦁꦏꦸꦁ ꦲꦏꦿꦧ꧀ ꦢꦶꦥꦸꦤ꧀ꦠꦶꦩ꧀ꦧꦭ꧀ꦭꦶ ꦎꦩ ꦢꦺꦮꦶ. ꦎꦩ ꦢꦺꦮꦶ ꦥꦸꦤꦶꦏ ꦢꦩꦼꦭ꧀ ꦱꦸꦭꦩ꧀ꦩꦤ꧀ ꦠꦔꦤ꧀ ꦲꦩꦂꦒꦶ ꦏꦠꦺꦴꦤ꧀ ꦲꦸꦫꦶꦥ꧀ ꦏꦭꦶꦪꦤ꧀ ꦲꦱ꧀ꦭꦤꦶꦥꦸꦤ꧀.
ꦲꦕꦫ ꦫꦸꦠꦶꦤ꧀ besut
ꦏꦒꦶꦪꦠ꧀ꦠꦤ꧀ ꦲꦶꦁꦏꦁ ꦫꦸꦠꦶꦤ꧀ ꦮꦺꦴꦤ꧀ꦠꦼꦤ꧀ ꦲꦶꦁ ꦩꦸꦱꦶꦪꦸꦤ꧀ ꦥꦸꦤꦶꦏ ꦲꦶꦁꦒꦶꦃ ꦥꦤꦶꦏ ꦥꦩꦺꦂꦫꦤ꧀ ꦲꦶꦁꦏꦁ ꦢꦶꦥꦸꦤ꧀ꦧꦶꦏꦏ꧀ ꦱꦧꦼꦤ꧀ ꦢꦶꦤ꧀ꦠꦼꦤ꧀ ꦱꦼꦤꦺꦤ꧀ ꦢꦸꦩꦸꦒꦶ ꦱꦼꦠꦸ ꦮꦺꦴꦤ꧀ꦠꦼꦤ꧀ ꦠꦧꦸꦃ 09.00-15.00 WIB. ꦩꦤꦮꦶ ꦤꦼ꦳꧀ꦧꦺ ꦧꦼꦗ ꦲꦶꦁꦏꦁ ꦢꦸꦒꦶ ꦱꦒꦼꦢ꧀ ꦩꦶꦂꦱꦤꦶ ꦥꦿꦺꦴꦱꦺꦱ꧀ ꦤ꧀ꦢꦩꦼꦭ꧀ ꦧꦛꦶꦏ꧀ ꦠꦸꦭꦶꦱ꧀ ꦲꦶꦁ ꦩꦸꦱꦶꦪꦸꦩ꧀ ꦥꦸꦤꦶꦏ.
ꦕꦛꦼꦠ꧀ꦠꦤ꧀ ꦱꦸꦏꦸ besut
- ↑ [1][pranala mati permanèn], ꦩꦸꦱꦶꦪꦸꦩ꧀ꦧꦛꦶꦏ꧀ꦔꦪꦺꦴꦒꦾꦏꦂꦠ (dipunakses tanggal 01 Oktober 2012)
- ↑ [2][pranala mati permanèn], http://www.muséumbatikyogyakarta.com/[pranala mati permanèn] (dipunakses tanggal 27 November 2012)
- ↑ a b [3] Archived 2012-12-16 at the Wayback Machine., (id) http://jogjatrip.com Archived 2012-12-06 at the Wayback Machine. (dipun-akses tanggal 27 November 2012)
- ↑ [4], (id) http://www.iftfishing.com (dipun-akses tanggal 27 November 2012)