ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ
꧋ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ(ꦲꦱ꧀ꦩꦥꦼꦥꦫꦧ꧀ꦫꦺꦮ꦳ꦺꦴꦲꦸꦠꦮꦫꦺꦮ꦳ꦶ; lair ing Ambon, 2 Agustus 1975; umur 49 taun)ꦲꦶꦏꦸꦱꦶꦁꦔꦢꦼꦏꦏꦺꦮꦶꦏꦶꦥꦺꦢꦶꦪꦧꦱꦆꦤ꧀ꦝꦺꦴꦤꦺꦱꦶꦪ(ꦮꦧꦆ)꧉[1]ꦫꦺꦮ꦳ꦺꦴꦔꦼꦤ꧀ꦠꦺꦏꦏꦺꦩꦁꦱꦕꦶꦭꦶꦏꦤꦺꦏꦤ꧀ꦛꦶꦥꦶꦤ꧀ꦝꦃꦥꦶꦤ꧀ꦝꦃꦥꦁꦒꦺꦴꦤꦤ꧀ꦩꦶꦠꦸꦫꦸꦠ꧀ꦥꦤꦼꦩ꧀ꦥꦠꦤ꧀ꦩꦏꦂꦪꦮꦺꦴꦁꦠꦸꦮꦤꦺ꧉ꦏꦭꦺꦴꦫꦺꦴꦮꦺꦴꦁꦠꦸꦮꦤꦺꦲꦱꦭ꧀ꦱꦏꦱꦸꦫꦏꦂꦠ꧈ꦗꦮꦠꦼꦔꦃ꧉ꦫꦺꦮ꦳ꦺꦴꦲꦸꦒꦢꦝꦶꦥꦤꦼꦭꦶꦠꦶ꧈ꦮꦶꦫꦱ꧀ꦮꦱ꧀ꦠꦮꦤ꧀꧈ꦭꦤ꧀ꦥꦤꦸꦭꦶꦱ꧀ꦧꦸꦏꦸ꧉
| ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ | |
|---|---|
 | |
| Lair | ꦫꦺꦮ꦳ꦺꦴꦄꦂꦏꦒꦶꦫꦶꦱꦸꦏꦠ꧀ꦤ Agustus 2, 1975  ꦄꦩ꧀ꦧꦺꦴꦤ꧀꧈ꦆꦤ꧀ꦝꦺꦴꦤꦺꦱꦶꦪ |
| Bangsa | ꦆꦤ꧀ꦝꦺꦴꦤꦺꦱꦶꦪ |
| Jeneng liya | ꦫꦺꦮ꦳ꦶꦱꦸꦏꦠ꧀ꦤ |
| Alma mater | ꦈꦤꦶꦮ꦳ꦼꦂꦱꦶꦠꦱ꧀ꦲꦺꦫꦩꦸꦱ꧀ꦫꦺꦴꦠ꧀ꦠꦼꦂꦢꦩ꧀ ꦈꦤꦶꦮ꦳ꦼꦂꦱꦶꦠꦱ꧀ꦭꦺꦲꦶꦢꦼꦤ꧀ |
| Pakaryan | ꦝꦺꦴꦱꦺꦤ꧀ ꦮꦶꦫꦱ꧀ꦮꦱ꧀ꦠꦮꦤ꧀ ꦥꦤꦸꦭꦶꦱ꧀ ꦱꦱ꧀ꦠꦿꦮꦤ꧀ |
| Sana jaringan | ꦥꦿꦺꦴꦥ꦳ꦶꦭ꧀ꦤꦁꦥ꦳ꦺꦱ꧀ꦧꦸꦏ꧀ |
ꦌꦠꦶꦩꦺꦴꦭꦺꦴꦒꦶ
besut꧋ꦗꦼꦤꦼꦁꦫꦺꦮ꦳ꦺꦴꦄꦂꦏꦒꦶꦫꦶꦢꦸꦮꦺꦩꦏ꧀ꦤ꧈ꦏꦪꦱꦶꦁꦢꦶꦔꦤ꧀ꦢꦶꦏꦏꦏꦺꦧꦥꦏꦺꦪꦺꦤ꧀ꦉꦮ꦳ꦺꦴꦲꦶꦏꦸꦕꦼꦏꦏ꧀ꦏꦤ꧀ꦱꦏꦠꦼꦩ꧀ꦧꦸꦁꦫꦺꦮ꦳ꦺꦴꦭꦸꦱꦶ꧈ꦲꦩꦂꦒꦢꦶꦭꦲꦶꦂꦫꦏꦺꦲꦶꦁꦱꦱꦶꦄꦒꦸꦱ꧀ꦠꦸꦱ꧀꧈ꦱꦮꦶꦗꦶꦤꦶꦁꦱꦱꦶꦫꦺꦮ꦳ꦺꦴꦭꦸꦱꦶꦠꦸꦩꦿꦥꦶꦁꦧꦁꦱꦆꦤ꧀ꦝꦺꦴꦤꦺꦱꦶꦪ꧉ꦤꦔꦶꦁꦠꦼꦩ꧀ꦧꦸꦁꦲꦶꦏꦶꦧꦶꦱꦲꦸꦒꦩꦺꦩ꧀ꦥꦼꦂꦏꦫꦺꦴꦠꦼꦩ꧀ꦧꦸꦁꦫꦺꦮ꦳ꦼꦂꦱꦗꦼꦫꦺꦴꦤꦶꦁꦧꦱꦥꦿꦚ꧀ꦕꦶꦱ꧀ꦱꦶꦁꦠꦼꦒꦼꦱꦺ"ꦔꦶꦩ꧀ꦥꦶ"꧉ꦠꦼꦩ꧀ꦧꦸꦁꦄꦂꦏꦲꦱꦭ꧀ꦱꦏꦧꦱꦱꦁꦱ꧀ꦏꦼꦂꦠꦱꦶꦁꦠꦼꦒꦼꦱꦺ"ꦒꦼꦤꦶ"ꦲꦸꦠꦮ"(ꦥꦤꦱ꧀)ꦱꦿꦼꦔꦺꦔꦺ"꧉ꦢꦺꦤꦺꦒꦶꦫꦶ꧈ꦱꦶꦁꦲꦸꦒꦲꦱꦭ꧀ꦱꦏꦧꦱꦱꦁꦱ꧀ꦏꦼꦂꦠ꧈ꦠꦼꦒꦼꦱ꧀ꦱꦺ"ꦒꦸꦤꦸꦁ"꧉ꦢꦢꦶꦏꦤ꧀ꦛꦶꦮꦸꦠꦸꦃ꧈ꦱꦁꦧꦥꦔꦉꦥꦏꦺ꧈ꦩꦸꦒ-ꦩꦸꦒꦫꦺꦮ꦳ꦺꦴꦄꦂꦏꦒꦶꦫꦶꦢꦸꦮꦺꦲꦶꦩ꧀ꦥꦺꦤ꧀ꦱꦶꦁꦝꦸꦮꦸꦂꦫꦺꦏꦪꦱꦽꦔꦺꦔꦺ꧉ꦱꦒꦼꦝꦺꦒꦸꦤꦸꦁꦭꦤ꧀ꦠꦼꦫꦸꦱ꧀ꦩꦸꦫꦸꦥ꧀ꦏꦪꦒꦼꦤꦶꦱꦶꦁꦲꦺꦴꦫꦤꦠꦺꦩꦠꦶ꧉[2]
ꦧꦶꦪꦺꦴꦒꦿꦥ꦳ꦶ
besut- ꧇꧑꧙꧗꧕꧇:ꦄꦩ꧀ꦧꦺꦴꦤ꧀
- ꧇꧑꧙꧗꧕꧇–꧇꧑꧙꧗꧘꧇:ꦪꦺꦴꦒꦾꦏꦂꦠ
- ꧇꧑꧙꧗꧙꧇–꧇꧑꧙꧘꧑꧇:ꦠꦺꦴꦏꦾꦺꦴ꧈ꦗꦼꦥꦁ
- ꧇꧑꧙꧘꧑꧇–꧇꧑꧙꧘꧒꧇:ꦢꦼꦤ꧀ꦥꦱꦂ꧈ꦧꦭꦶ
- ꧇꧑꧙꧘꧑꧇–꧇꧑꧙꧘꧒꧇:ꦗꦏꦂꦠ
- ꧇꧑꧙꧘꧓꧇–꧇꧑꧙꧘꧖꧇:ꦱꦼꦩꦫꦁ꧈ꦗꦮꦠꦼꦔꦃ
- ?:ꦮꦭꦤ꧀ꦢ꧈ꦈꦤꦶꦮ꦳ꦼꦂꦱꦶꦠꦱ꧀ꦄꦼꦫꦱ꧀ꦩꦸꦱ꧀ꦫꦺꦴꦠ꧀ꦠꦼꦂꦢꦩ꧀꧈ꦗꦸꦫꦸꦱꦤ꧀ꦥ꦳ꦶꦭ꧀ꦱꦥ꦳ꦠ꧀ꦌꦏꦺꦴꦤꦺꦴꦩꦶ꧉
- ?–꧇꧑꧙꧙꧙꧇:ꦈꦤꦶꦮ꦳ꦼꦂꦱꦶꦠꦱ꧀ꦊꦆꦢꦼꦤ꧀ꦭꦤ꧀ꦚ꧀ꦗꦸꦥꦸꦏ꧀ꦗꦸꦫꦸꦱꦤ꧀ꦱꦱ꧀ꦠꦿꦗꦮ꧉
- ꧇꧒꧐꧐꧖꧇–꧇꧒꧐꧐꧙꧇:ꦈꦤꦶꦮ꦳ꦼꦂꦱꦶꦠꦱ꧀ꦊꦆꦢꦼꦤ꧀ꦭꦤ꧀ꦚ꧀ꦗꦸꦥꦸꦏ꧀ꦗꦸꦫꦸꦱꦤ꧀ꦱꦱ꧀ꦠꦿꦗꦮꦏꦸꦤ꧉ꦢꦶꦱꦼꦂꦠꦱꦶꦧꦧꦒꦤ꧀ꦏꦶꦢꦸꦁꦠꦤ꧀ꦠꦿꦶꦏꦝꦶꦫꦶ꧉
꧋ꦲꦚꦂꦲꦶꦏꦶꦫꦺꦮ꦳ꦺꦴꦥꦶꦤꦸꦗꦸꦚꦶꦪꦥ꧀ꦥꦏꦺꦧꦸꦏꦸꦲꦱꦼꦱꦶꦫꦃ:ꦱꦸꦫꦠ꧀-ꦱꦸꦫꦠ꧀ꦩꦭꦪꦸꦩꦮꦄꦏ꧀ꦱꦫꦗꦮꦱꦶꦁꦢꦶꦒꦝꦁꦧꦏꦭ꧀ꦲꦺꦁꦒꦭ꧀ꦏꦧꦧꦂ꧉[3]
ꦏꦶꦥꦿꦃꦲꦶꦁꦮꦶꦏꦶꦥꦺꦝꦶꦪ
besut꧋ꦥꦠꦼꦩꦺꦴꦤ꧀ꦥꦶꦱꦤ꧀ꦤꦤ꧀ꦏꦫꦺꦴꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦤꦭꦶꦏꦠꦁꦒꦭ꧀꧇꧑꧓꧇ꦩꦉꦠ꧀꧇꧒꧐꧐꧓꧇꧉[4]ꦮꦼꦏ꧀ꦠꦸꦱꦼꦩꦤꦫꦺꦮ꦳ꦺꦴꦤꦸꦗꦸꦒꦺꦴꦭꦺꦏ꧀ꦲꦶꦤ꧀ꦥ꦳ꦺꦴꦂꦩꦱꦶꦔꦼꦤꦻꦱꦸꦏꦸꦒꦸꦮꦤ꧀ꦖꦺꦲꦶꦁꦱ꧀ꦥꦚꦺꦴꦭ꧀ꦭꦤ꧀ꦧꦚ꧀ꦗꦸꦂꦤꦼꦩꦸꦱꦮꦶꦗꦶꦤꦶꦁꦱꦶꦠꦸꦱ꧀ꦱꦺꦁꦮꦼꦏ꧀ꦠꦸꦲꦶꦏꦸꦲꦶꦱꦶꦃꦏꦒꦺꦴꦭꦺꦴꦁ"ꦲꦺꦭꦺꦏ꧀"ꦭꦤ꧀"ꦏꦸꦫꦁꦥꦼꦥꦏ꧀ꦲꦶꦤ꧀ꦥ꦳ꦺꦴꦂꦩꦱꦶꦤꦺ"꧉[5]ꦫꦺꦮ꦳ꦺꦴꦤꦸꦭꦶꦩꦔꦼꦂꦠꦺꦤ꧀ꦤꦶꦪꦺꦤ꧀ꦱꦶꦠꦸꦱ꧀ꦲꦶꦏꦸꦧꦶꦱꦢꦶꦧꦼꦱꦸꦠ꧀ꦢꦺꦤꦶꦁꦱꦥꦮꦲꦺ꧈ꦭꦤ꧀ꦱꦧꦚ꧀ꦗꦸꦂꦫꦺꦮꦶꦮꦶꦠ꧀ꦩꦺꦤꦺꦃꦲꦶꦏꦺꦴꦤ꧀ꦠꦿꦶꦧꦸꦱꦶꦲꦶꦁꦱꦶꦠꦸꦱ꧀ꦲꦶꦏꦸ꧉[6]ꦫꦺꦮ꦳ꦺꦴꦧꦚ꧀ꦗꦸꦂꦢꦶꦲꦁꦏꦠ꧀ꦢꦝꦶpanataꦭꦤ꧀birokratꦥꦶꦱꦤ꧀ꦤꦤ꧀ꦲꦶꦁꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦲꦶꦁꦱꦱꦶꦥ꦳ꦺꦒꦿꦸꦮꦫꦶ꧇꧒꧐꧐꧔꧇꧉ꦲꦶꦁꦠꦲꦸꦤ꧀꧇꧒꧐꧐꧔꧇ꦫꦺꦮ꦳ꦺꦴꦮꦶꦱ꧀ꦠꦝꦶꦤꦫꦱꦸꦩ꧀ꦧꦼꦂꦭꦤ꧀ꦏꦤ꧀ꦛꦶꦄꦏ꧀ꦠꦶꦥ꦳꧀ꦚ꧀ꦗꦸꦫꦸꦁꦩꦺꦝꦶꦪꦔꦼꦤꦻꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦠꦔꦱꦶꦪꦏꦤ꧀ꦛꦶꦲꦸꦩꦸꦩ꧀ꦭꦤ꧀ꦭꦶꦁꦏꦸꦥ꧀ꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦲꦶꦏꦸꦝꦺꦮꦺ꧉ꦄꦂꦠꦶꦏꦼꦭ꧀ꦥꦶꦱꦤ꧀ꦤꦤ꧀ꦱꦶꦁꦢꦶꦒꦮꦺꦪꦲꦶꦏꦸꦔꦼꦤꦻꦥ꦳ꦶꦭ꧀ꦱꦥ꦳ꦠ꧀꧉ꦱꦗꦼꦫꦺꦴꦤꦶꦁꦄꦂꦠꦶꦏꦼꦭ꧀ꦠꦺꦩ꧀ꦥꦺꦴꦫꦺꦮ꦳ꦺꦴꦚ꧀ꦗ꧀ꦭꦺꦤ꧀ꦠꦿꦺꦃꦲꦏꦺꦪꦺꦤ꧀ꦱꦼꦤꦢꦾꦤ꧀ꦏꦧꦺꦃꦮꦺꦴꦁꦧꦶꦱꦩꦺꦤꦺꦃꦲꦶꦏꦺꦴꦤ꧀ꦠꦿꦶꦧꦸꦱꦶꦲꦥꦮꦲꦺ꧈ꦮꦶꦏꦶꦥꦺꦝꦶꦪꦔꦸꦥꦪꦢꦝꦶꦌꦤ꧀ꦱꦶꦏ꧀ꦭꦺꦴꦥꦺꦢꦶꦪꦧꦺꦧꦱ꧀꧈ꦱꦼꦤꦢꦾꦤ꧀ꦲꦤꦮ꦳ꦤ꧀ꦢꦭꦶꦱ꧀ꦩꦼꦭꦸꦩꦿꦃꦲꦺꦲꦺꦴꦫꦱꦸꦮꦺꦲꦩꦂꦒꦧꦶꦱꦢꦶꦢꦺꦠꦺꦏ꧀ꦱꦶꦱꦥꦮꦲꦺꦤꦫꦒꦸꦤꦭꦶꦪꦤꦺ꧉[7]ꦲꦶꦁꦠꦲꦸꦤ꧀꧇꧒꧐꧐꧗꧇꧈ꦫꦺꦮ꦳ꦺꦴꦮꦶꦱ꧀ꦢꦶꦮꦮꦤ꧀ꦕꦫꦻꦢꦺꦤꦶꦁꦖꦶꦕ꧀ꦩꦒꦤꦶꦗ꦳ꦼ(ꦏꦭꦮꦂꦠꦶꦮꦤꦶꦠ)꧈ꦭꦤ꧀ꦱꦗꦼꦫꦺꦴꦤꦶꦁꦮꦮꦤ꧀ꦕꦫꦲꦶꦏꦶꦫꦺꦮ꦳ꦺꦴꦚꦸꦫꦸꦁꦱꦥꦮꦲꦺꦱꦸꦥꦪꦭꦸꦮꦶꦃꦲꦏꦺꦃꦮꦤꦶꦠꦩꦺꦭꦸꦤꦸꦭꦶꦱ꧀ꦲꦶꦁꦮꦶꦏꦶꦥꦺꦝꦶꦪ꧉[8]ꦫꦺꦮ꦳ꦺꦴꦲꦸꦒꦤꦠꦺꦠꦩ꧀ꦥꦶꦭ꧀ꦲꦶꦁꦱꦮꦶꦗꦶꦤꦶꦁꦲꦕꦫꦩꦺꦠꦿꦺꦴꦠꦮ꦳ꦩꦶꦤꦁꦏꦏꦺꦴꦤ꧀ꦠꦿꦶꦧꦸꦠꦺꦴꦂꦄꦏ꧀ꦠꦶꦥ꦳꧀ꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪ꧉[9]ꦥꦚ꧀ꦗꦼꦤꦼꦔꦤ꧀ꦤꦺꦲꦸꦒꦢꦝꦶꦥꦩ꧀ꦧꦸꦏꦲꦕꦫꦱꦗꦼꦫꦺꦴꦤꦶꦁꦱꦼꦩꦶꦤꦂꦮꦶꦏꦶꦥꦺꦝꦶꦪ꧈ꦱꦭꦃꦱꦶꦗꦶꦤꦺꦢꦶꦱ꧀ꦥꦺꦴꦤ꧀ꦱꦺꦴꦂꦫꦶꦢꦺꦤꦶꦁꦏꦩꦼꦤ꧀ꦠꦿꦶꦪꦤ꧀ꦏꦺꦴꦩꦸꦤꦶꦏꦱꦶꦭꦤ꧀ꦲꦶꦤ꧀ꦥ꦳ꦺꦴꦂꦩꦱꦶꦱꦗꦼꦫꦺꦴꦤꦶꦁꦆꦕꦠꦄꦮꦂꦢ꧀꧇꧒꧐꧐꧗꧇꧈[10]ꦲꦶꦁꦔꦼꦤ꧀ꦢꦶꦥꦫꦥꦼꦱꦼꦂꦠꦤꦩ꧀ꦥ"ꦥꦼꦭꦠꦶꦃꦲꦤ꧀ꦠꦔꦤ꧀"ꦔꦼꦤꦤꦶꦕꦫꦩ꧀ꦧꦼꦱꦸꦠ꧀ꦭꦤ꧀ꦤꦸꦭꦶꦱ꧀ꦲꦶꦁꦮꦶꦏꦶꦥꦺꦝꦶꦪ꧉ꦱꦗꦼꦫꦺꦴꦤꦶꦁꦱꦮꦶꦗꦶꦮꦮꦤ꧀ꦕꦫꦏꦫꦺꦴꦏꦤ꧀ꦠꦺꦴꦂꦧꦼꦫꦶꦠꦄꦤ꧀ꦠꦫ꧈ꦫꦺꦮ꦳ꦺꦴꦚꦠꦏꦏꦺꦪꦺꦤ꧀ꦠꦤ꧀ꦠꦁꦔꦤ꧀ꦠꦸꦩꦿꦥ꧀ꦤꦸꦭꦶꦱ꧀ꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦲꦶꦁꦩꦁꦱꦲꦶꦏꦶꦪꦲꦶꦏꦸꦄꦏꦸꦫꦱꦶꦆꦤ꧀ꦥ꦳ꦺꦴꦂꦩꦱꦶ꧉ꦮꦶꦏꦶꦥꦺꦝꦶꦪꦧꦱꦆꦤ꧀ꦝꦺꦴꦤꦺꦱꦶꦪꦮꦶꦱ꧀ꦲꦤꦲꦶꦁꦥꦼꦫꦶꦁꦏꦠ꧀ꦏꦠꦼꦭꦸꦲꦶꦁꦄꦱꦶꦪꦩꦶꦤꦁꦏꦮ꦳ꦺꦂꦱꦶꦭꦺꦴꦏꦭ꧀ꦮꦶꦏꦶꦥꦺꦝꦶꦪꦱꦶꦁꦥꦭꦶꦁꦫꦶꦏꦠ꧀ꦠꦸꦮꦸꦃꦔꦽꦩ꧀ꦧꦏꦱꦮꦶꦱ꧀ꦱꦺꦗꦼꦥꦁꦭꦤ꧀ꦕꦶꦤ꧉[10]
ꦫꦸꦗꦸꦏꦤ꧀
besut- ↑ Amir Sodikin, Revo, Perintis Wikipedia basa Indonésia, KOMPAS, 26 Desember 2006.
- ↑ Meursault2004, Pengguna:Meursault2004, Wikipedia, Ensiklopedia Bebas Berbasa Indonésia, 16:41, 14 Desember 2006.
- ↑ Kidam Nugraha, Kami Berusaha Menyajikan Informasi yang Berbobot. Interviews, SDA Asia Online, September 2005.[pranala mati permanèn]
- ↑ Majalah Chic Edisi 28 Fèbruari-13 Maret 2007. Artikel Figure.
- ↑ Artikel Sosok, Harian Kompas, Selasa, 26 Desember 2006
- ↑ "TokohIndonésia.com: Revo Arka Giri Soekatno". Diarsip saka sing asli ing 2007-10-10. Dibukak ing 2010-08-26.
- ↑ "Majalah Tempo: Ensiklopedia dari Kamar Kos". Diarsip saka sing asli ing 2009-03-06. Dibukak ing 2010-08-26.
- ↑ "Gambar Revo sebagai Cover pada Chic Magazine edisi Februari-Maret 2007". Diarsip saka sing asli ing 2006-09-13. Dibukak ing 2010-08-26.
- ↑ You Tube: Record of Metro TV Jendela Dunia featuring Revo for Indonésian Wikipedia
- ↑ a b Antara: Indonésian Wikipedia: Third largest in Asia
ꦲꦸꦒꦢꦼꦊꦁꦔꦼꦤ꧀
besutꦥꦿꦤꦭꦚ꧀ꦗꦧ
besut| Wikimedia Commons duwé médhia ngenani Revo Arka Giri Soekatno. |
- Revo Arka Giri Soekatno di SDA Asia Online[pranala mati permanèn]
- Revo Arka Giri Soekatno di Tokohindonesia.com[pranala mati permanèn]
- Revo Arka Giri Soekatno agar Wikipedia berbasa Indonésia
- Aktivis-aktivis situs web pembangun portal komunitas Archived 2009-03-05 at the Wayback Machine.
- Perpustakaan Nasional Gelar Seminar Pantheisme-Manunggaling Kawula Lan Gusti dalam Naskah Nusantara[pranala mati permanèn]
- Jendela Dunia - Wikipedia - Revo di YouTube.com dalam acara Metro TV
- Revo Arka Giri Soekatno: Nurturing the Wiki movement
- REVO ARKA GIRI SOEKATNO, Dhoktor Baru Bidang Studi Filologi Jawa Archived 2010-01-19 at the Wayback Machine.