ATR 72 ya iku montor mabur penumpang régional jarak cendhak kanthi mesin twin-turboprop kang dibangun déning perusahaan montor mabur Prancis-Italia ATR. Montor mabur iki duwé kapasitas nganti 78 penumpang sajeroning konfigurasi kelas tunggal lan dioperasèkaké déning kru juru anggegana kang cacahé loro.

ATR 72
ATR 72 duwèkané Merpati ing Papan Anggegana Internasional Ngurah Rai, Denpasar, Bali
 Tipe Montor mabur penumpang régional
 Produsen ATR
 Pisanan mabur 27 Oktober 1988
 Status aktif
 Pemakai American Eagle
Kingfisher Airlines
Binter Canarias
Jet Airways
 Diproduksi 1988 – saiki
 Cacah digawé 408
 Rega satuan 72-500: $16.5-20 yuta (2008) [1]
 Acuan ATR 42

Pangembangan besut

 
Bangkok Airways ATR 72-500 ing Papan Anggegana Luang Prabang, Laos
 
ATR 72 duwèkané Aer Arann saka Irlandia lepas landhas

ATR 72 dikembangaké saka ATR 42 sajeroning upaya kanggo ngundhakaké kapasitas penumpang (saka 48 dadi 78) kanthi ndawakaké lambung montor mabur nganti 4.5 m (14 ft 9 in), ngundhakaké dawa swiwi, mènèhi mesin kang luwih gedhé tenagané, lan ngundhakaké kapasitas bahan bakar nganti 10 persèn. ATR 72 diluncuraké taun 1986,[2] lan nindakaké pamaburan pisanané nalika tanggal 27 Oktober 1988. Pas setaun sawisé iku, ya iku tanggal 27 Oktober 1989, Finnair dadi maskapé pisanan kang migunakaké montor mabur mau sajeroning pamaburan.[3]

Kira-kira 408 ATR 72 wis dikirim menyang sekabèhané donya kanthi gunggung pesenan nganti 28 montor mabur luwih.

Dhesain besut

Penumpang ngleboni montor mabur migunakaké lawang mburi (kang langka banget digunakaké sajeroning montor mabur penumpang) wondéné lawang ngarep minangka nglebokaké kargo. Finnair mesen ATR 72 kanggo dhèwèké kanthi lawang penumpang ngarep nganti dhèwèké bisa migunakaké garbarata jèt ing Papan Anggegana Helsinki-Vantaa.[4]

Ganjelan buntut kudu dipasang nalika penumpang metu utawa lumebu montor mabur sajeroning kasus yèn irung montor mabur kaangkat, kang kerep kadadéan kargo lan penumpang metu lan lumebu kanthi prosedhur kang salah.

Montor mabur ATR ora duwé Auxiliary Power Unit (APU) kaya déné lumrahé montor mabur liya, APU mung wujud pilihan tambahan lan bakal disèlèhaké ing pérangan kargo C4. Sapérangan gedhé montor mabur dijangkepi kanthi rèm baling-baling (lumrahé diarani "Hotèl Mode") kang ngendhegaké baling-baling ing mesin #2 (tengen), mungkinaké mesin kanggo urip lan nyepakaké udara lan tenaga kanggo montor mabur tanpa muter baling-baling. Rèm baling-baling mau wujud panggunan kang ora wigati, lan akèh maskapé ngeculaké rèm mau, lan akiré perusahaan ngilangaké saka montor mabur sakpenuhé. Iki ngilangaké kabutuhan abot tambahan lan pametu kanggo perawatan APU lan rèm baling-baling.[5]

Varian besut

 
Kingfisher Airlines ATR 72-500
 
Arkia ATR 72-500 parkir ing Papan Anggegana Eilat, Israèl
Barkas:Atr 72-500 wings.jpg
Wings Air ATR 72-500 parkir ing Papan Anggegana Internasional Sultan Hasanuddin, Makassar
 
Aurigny Air Services ATR 72-200 ndharat ing Papan Anggegana Bristol, Inggris
 
Vietnam Air Service Company ATR 72-200 ing Papan Anggegana Co Ong, Con Dao, Vietnam

ATR 72-100 besut

Loro sub-tipe dipasaraké minangka sèri 100 (-100)

ATR 72-101
Varian prodhuksi awal ditenagani 2 mesin PW124B lan disèrtifikasi sasi September 1989.
ATR 72-102
Varian kang ditenagani PW124B disèrtifikasi sasi Dhésèmber 1989

ATR 72-200 besut

Loro sub-tipe dipasaraké minangka sèri 200 (-200). Vèrsi-200 iku vèrsi prodhuksi awal, ditenagani kanthi mesin Pratt & Whitney Canada PW124B kanthi tenaga 2400 dk.[6]

ATR 72-201
Varian-101 kanthi MTOW luwih gedhé, varian kanthi mesin PW124B disèrtifikasi sasi September 1989.
ATR 72-202
Varian-102 kanthi MTOW luwih gedhé, varian kanthi mesin PW124B disèrtifikasi sasi Dhésèmber 1989.

ATR 72-210 besut

Loro sub-tipe dipasaraké minangka sèri 210 (-210), vèrsi-211, (lan kang kanthi lawang kargo luwih gadhé, karan vèrsi-212), ya iku vèrsi-200 kanthi mesin PW127 kang ngasilaké tenaga 2750 dk kang kabèh dikembangaké kanggo kaanan panas lan kadhuwuran luwih. Dibédakaké andhedhasar jinis lawang utama lan lawang dharurat.

ATR 72-211
Ditenagani PW127 disèrtifikasi sasi Dhésèmber 1992
ATR 72-212
Ditenagani PW127 disèrtifikasi sasi Dhésèmber 1992

Operator besut

 
ATR 72 Air Dolomiti.

Nalika 25 November 2009:

Pesenan gedhé dhéwé kaya ta:

Spésifikasi besut

Kategori ATR 42-500 ATR 72-500
Kru pamaburan Loro
Pramugari Siji loro
Kapasitas penumpang (kelas tunggal) 44-50 68-74
Dawa 22.67 m (74 ft 5 in) 27.16 m (89 ft 2 in)
Bentang swiwi 24.57 m (80 ft 7 in) 27.05 m (88 ft 9 in)
Dhuwur 7.59 m (24 ft 11 in) 7.65 m (25 ft 1 in)
Bobot kosong (kg) 11,250 12,950
MTOW (kg) 18,600 22,500 (basis)
22,800 (opsi)
Dawa landhesan nalika MTOW 1,165 m (3,822 ft) 1,290 m (4,232 ft)
Tenaga Pratt & Whitney Canada PW127E Pratt & Whitney Canada PW127F/M
Kacepetan maksimum 300 kts (555 km/jam) 276 kts (511 km/jam)
Let tempuh 1,611 km / 1,001 mil 1,500 km / 932 mil
Dhuwuré panjlajahan 25,000 ft (7,600 m)

[8][9]

Cathetan sikil besut

  1. "Archive copy" (PDF). Diarsip saka sing asli (PDF) ing 2008-11-13. Dibukak ing 2008-11-13.{{cite web}}: CS1 maint: archived copy as title (link)
  2. "Detailed Milestones". Diarsip saka sing asli ing 2006-10-17. Dibukak ing 2013-01-14.
  3. "ATR Profile". Diarsip saka sing asli ing 2007-04-09. Dibukak ing 2013-01-14.
  4. Photos: ATR ATR-72-201 Aircraft Pictures | Airliners.net
  5. "Archive copy" (PDF). Diarsip saka sing asli (PDF) ing 2006-10-17. Dibukak ing 2006-10-17.{{cite web}}: CS1 maint: archived copy as title (link)
  6. "ATR 72-200". Diarsip saka sing asli ing 2007-02-02. Dibukak ing 2013-01-14.
  7. TribunNews.com - Wings Air Kontrak Pengadaan 60 Pesawat ATR[pranala mati permanèn]
  8. [1] Archived 2007-09-28 at the Wayback Machine. Prodhuk ing www.atraircraft.com
  9. [2] Archived 2008-12-24 at the Wayback Machine. Prodhuk ing www.atraircraft.com

Pranala njaba besut