Abdullah bin Umar

Abdullah bin Umar bin Khattab (Arab: عبد الله بن عمربن الخطاب‎‎) utawa kerep sinebut Abdullah bin Umar utawa Ibnu Umar (lair 612 - séda 693/696 utawa 72/73 H) yaiku siji sahabat Nabi lan minangka periwayat hadits kang misuwur.Dhèwèké yaiku putrane Umar bin Khattab, salah siji sahabat utama Muhammad lan Khulafaur Rasyidin kaping pindho.

Biografi

Ibnu Umar lumebu Islam bebarengan karo bapaké nalika isih cilik, lan mèlu ijrah ing Madinah. Nalika umur 13 taun, dhèwèké kepéngin mèlu bapaké sajeroning Perang Badar, nanging Rasulullah nampik. Perang pisanan kang diélonine yaiku Perang Khandaq. Dhèwèké mèlu perang bareng Ja'far bin Abu Thalib sajeroning Perang Mu'tah, lan uga mèlu sajeroning pambebasan kutha Makkah (Fathu Makkah). Sawisé Muhammad séda, dhèwèké mèlu Perang Yarmuk lan ing penaklukan Mesir sarta laladan liyané ing Afrika.

Khalifah Utsman bin Affan tau nawani Ibnu Umar supaya njabat dadi hakim, nanging dhèwèké ora gelem. Seawise Utsman séda, sapérangan kaum muslimin tau ngupaya mbai'at dadi khalifah, nanging dhèwèké uga ora gelem. Dhèwèké ora ikut campur sajeroning pertentangan antarané Ali bin Abi Thalib lan Muawiyah bin Abu Sufyan. Dhèwèké cenderung ngadohi dunya pulitik, sanajan wis tau katut ing konflik karo Abdullah bin Zubair kang nalika iku wis tau dadi pangwasa Makkah.

Periwayat hadits

Ibnu Umar yaiku siji wong kang ngriwayatake hadist paling akèh kaping pindho sawisé Abu Hurairah, yaiku 2.630 hadits, amarga dhèwèké tansah malu Rasulullah ing ngendi waé. Malah Aisyah garwane Rasulullah tau ngunggung lan ngendika:"Ora ana siji wong kang mèlu tilas jangkahe Rasulullah ing panggonan-panggonan mandege, kaya ta kang wis ditindakake Ibnu Umar". Dhèwèké ngati-ati banget nalika ngriwayatake hadist Nabi. Samono uga sajeroning ngetokaké fatwa, dhèwèké tansah nindakaké tradisi lan sunat Rasulullah, mula dhèwèké ora gelem ijtihad. Lumrahé dhèwèké mènèhi fatwa ing mangsa kaji, utawa ing kalodhngan liyané. Ing antarané Tabi'in, kang paling akèh ngriwayatake dhèwèké yaiku Salim lan hamba sahayane, Nafi'.

Gunggungan para Sahabat

Kasalèhan Ibnu Umar kerep olèh gunggungan saka kalangan sahabat Nabi lan kaum muslimin liyané. Jabir bin Abdullah ngendika: " Ora ana ing antarané awak dhéwé kang disenengi dunya lan dunya seneng marang dhèwèké, kajaba Umar lan putrane Abdullah." Abu Salamah bin Abdurrahman ngendika: "Ibnu Umar séda lan kautamane padha karo Umar. Umar urip ing mangsa akèh wong kang sebanding karo dhèwèké, déné Ibnu Umar urip ing mangsa kang ora ana siji wong kang madhani dhèwèké".

Ibnu Umar yaiku siji pedagang sukses kan sigih, naging uga seneng wèwèh. Dhèwèké urip nganti 60 taun sawisé wafate Rasulullah. Dhèwèké kelangan pandelengane ing mangsa tuane. Dhèwèké séda nalika umur punjul 80 taun, lan minangka salah siji sahabat kang paling pungkasan kang séda ing kutha Makkah.

Réferènsi

• Mursi, Muhammad Said. Tokoh-tokoh Besar Islam Sepanjang Sajarah. Penerjemah: Khoirul Amru Harahap, Lc, MHI & Achmad Fauzan, Lc, MAg. Cet-1, Jakarta. Pustaka Al-Kautsar, 2007.

Pranala njaba

• Abdullah bin Umar (radhiyallahu anhu) Archived 2008-05-14 at the Wayback Machine. at The Darul-Uloom Al-Islamiyya Website.