Atlas Coelestis
Atlas Coelestis inggih punika satunggaling atlas astronomi ingkang dipunbabar nalika pangriptanipun sampun séda ing taun 1729 dhedhasar pangamatan ingkang dipundamel déning Astronomer Royal Kapisan, John Flamsteed.[1]
 Kaca irah-irahan (salinan déning Musiyum lan Gladri Seni Derby). | |
| Panganggit | John Flamsteed |
|---|---|
| Pametha | James Thornhill |
| Nagara |  Inggris |
| Basa | Inggris |
| Subyèk | Astronomi |
Kala babar | 1729 |
Atlas-punika ingkang paling ageng ingkang naté dipunandharaken kanggé umum-[2] kados ta 26 péta rasi lintang ingkang katingal saking Greenwich mawi lukisan kanthi gaya Rokoko dipundamel déning James Thornhill. Ugi nedahaken kalih plenisfer (planisphere) ingkang dipunrancang déning Abraham Sharp.[1]
Sajarah
besut_3993.jpg)
Péta rasi lintang kapisan dhedhasar pangamatan teleskop, Atlas Coelestis dipunbabar sedasa taun sasampunipun sédanipun Flamsteed, déning garwanipun ingkang pikantuk pambiyantu saking Joseph Crosthwait lan Abraham Sharp. Buku punika dipunrumiyini déning karya "Stellarum inerrantium Catalogus Britannicus" (utawi cekakipun "British Catalogue", publikasi ing taun 1725, kanthi 2919 lintang-lintang).[3] Salah satunggaling motivasi Flamsteed anggènipun damel Atlas inggih punika kanggé ngleresakenrepresentasi saking panggambaran rasi lintang ingkang naté dipundamel déning Bayer wonten ing karyanipun "Uranometria" (1603). Bayer nggambaraken pitedahan saking wingking (sanès saking ngajeng kados ingkang dipunkaryakaken saking masa Claudius Ptolemaeus ingkang mbalik panggonan posisi lintang-lintang saéngga dados rancu)[2]
-
Orion, kados dipuntingali déning Flamsteed ing Atlas Coelestis. -
Orion, kados ditingali déning Bayer ing Uranometria.
Publikasi punika kalebet kasil, dados rèferènsi standar kanggé para astronom profèsional ngantos kirang langkung satunggal abad. Nanging tigang prakawis ingkang adamel awrat inggih punika: reginipun ingkang awis sanget, ukuran ingkang ageng sanget saéngga radi èwet manawi dipuncepeng, lan kuwalitas artistik ingkang andhap (kathah panyaruwé dhateng gambar ingkang dipundamel déning James Thornhill, mliginipun ing panggambaran kAquarius).[3] Pérangan punika lajeng damel Dr. John Bevis nyobi kanggé ningkataken Atlas. Ing taun 1745 piyambakipun damel "Uranographia Britannica" ingkang ukuranipun langkung alit, lajeng mawi pangamatan énggal lan gambar-gambar ingkang langkung artistik. Nanging, atlas punika boten naté dipunpublikasiaken kanthi resmi sapunika lan namung wonten 16 salinan.[4]
Atlas Fortin-Flamsteed
besutPungkasan, éwah-éwahan posisi lintang (ingkang pangamatan aslinipun dipunlampahi ing taun 1690-an) ngarah wonten pembaharuan ingkang dipundamel taun 1770-an déning insinyur bangsa Perancis Nicolas Fortin dipunawasi déning astronom Le Monnier lan Messier saking Akademi Ilmu Pengetahuan Perancis (Académie des sciences) ing Paris.[3] Versi ingkang énggal dipunparingi nama Atlas Fortin-Flamsteed, mawi ukuran 1/3 saking ukuran aslinipun, nanging tetep mawi struktur tabel ingkang sami. Ugi mawi artistik kanggé sapérangan ilusrasi (kathahipun Andromeda, Virgo, lan Akuarius).[3] Nama-nama rasi lintang punika ing Basa Perancis (sanès Latin) lan kalebet sapérangan nébula ingkang kapanggih bibar sédanipun Flamsteed.[3] Taun 1795 dipunpublikasiaken vèrsi ingkang dipunperbaharui déning Mechain lan Lalande mawi rasi-rasi lintang énggal ugi kathah nébula.[3]
Cathetan suku
besut- ↑ a b Davide Neri. "John Flamsteed, Atlas coelestis".
- ↑ a b Linda Hall Library (èd.). "Flamsteed, John. Atlas coelestis. London, 1729".
- ↑ a b c d e f Giangi Caglieris (2002). "On-line Flamsteed - Fortin Atlas Celeste - 1776".
- ↑ Michael Oates (2007-02-17). "Atlas Celeste". Diarsip saka sing asli ing 2012-04-02. Dibukak ing 2013-03-14.
Pranala njawi
besut| Wikimedia Commons duwé médhia ngenani Atlas Coelestis. |
- "Atlas coelestis". National Library of Ostrali. Dibukak ing 2010-05-08.-pindai penuh edisi kedua
- Giangi Caglieris. "Flamsteed-Fortin Atlas Celeste" .