Rasi lintang

Rasi lintang utawa konstelasi iku saklompok lintang kang katon gegandhèngan mangun sawijining konfigurasi mligi. Sajeroning ruwang telung dhimènsi, akèh-akèhé lintang kang kita amati ora duwé gayutan siji lan sijiné, nanging katon kaya nglumpuk ing bola langit wengi. Manungsa duwé kamampuan kang dhuwur banget sajeroning ngenali pola lan sadawaning sajarah wis nglompokaké lintang-lintang kang katon cedhak siji lan sijiné dadi rasi-rasi lintang. Susunan rasi lintang kang ora resmi, yaiku kang dikenal apik déning masarakat nanging ora diakoni déning para ahli astronomi utawa Himpunan Astronomi Internasional, uga diarani asterisma. Lintang-lintang ing rasi lintang utawa asterisma arang-arang kang duwé gayutan astrofisika; lintang-lintang mau mung kabeneran waé katon cedhak ing langit kang katon saka Bumi lan lumrahé kapisah adoh banget.

Rasi lintang Orion

Orion iku rasi lintang kang cukup misuwur. Wates wewengkon Rasi lintang Orion digambaraké nganggo garis kuning pedhot-pedhot.

Panglompokan lintang-lintang dadi rasi lintang sakbeneré cukup acak, lan kabudayan kang béda bakal duwé rasi lintang kang béda uga, sanadyan sawatara kang gampang banget dikenali lumrahé kerep tinemu, umpamané Orion utawa Scorpius.

Himpunan Astronomi Internasional wismérang langit dadi 88 rasi lintang resmi kanthi wates-wates kang jelas, saéngga saben arah mung diduwèni déning siji rasi lintang waé. Ing belahan bumi (hemisfer) lor, akèh-akèhé rasi lintangé didhasaraké marang tradhisi Yunani, kang diwarisaké liwat Abad Tengahan, lan ngandhut simbol-simbol Zodiak.

Manéka warna pola-pola liyané kang ora resmi wis ana bebarengan karo rasi lintang lan karan asterisma, kaya Bajak (uga dikenal ing Amérika Sarékat minangka Big Dipper) lan Little Dipper

Deleng uga

• Pratélan rasi lintang
• Pratélan rasi lintang miturut jembar
• Rasi lintang Cina
• Rasi lintang Arab

Pranala njaba

• The Constellations
• Celestia free 3D realtime space-simulation (OpenGL)
• Data file of official IAU boundaries (Note that the boundaries are defined for equinox 1875.)
• http://www.astro.wisc.edu/~dolan/constellations/
• https://web.archive.org/web/20030423000138/http://dph1701.tripod.com/astronomy/constellations.html
• http://www.astronomical.org/constellations/obs.html Archived 2007-02-04 at the Wayback Machine.
• http://www.seds.org/Maps/Stars_en/Fig/const.html
• Constellations Articles
• Full constellation diagrams resembling their names Archived 2007-01-26 at the Wayback Machine.