Tuduhaké menu pokok

Bruwang kalebu kéwan karnivora ya iku kéwan kang mangan daging, nanging ana uga bruwang kang mangan madu.[1] Bruwang nduwé buntut cilik.[1] Bruwang bisa ngambung lan ngrungokaké kanthi temen saéngga ngerténi ing endi ana mangsa.[1]Kukuné cacahé lima saben tlapak tangan.[1] Bruwang wuluné dawa, ketel lan kasar. Bruwang nduwé cakar lan moncong dawa lan kuping bunder.[1] Untuné bisa kanggo nyuwèk daging kang dadi panganané.[1] Kukuné kanggo nyuwèk, ngeruk, lan nyekel mangsané.[1] Bruwang nduwé kurang luwih 32 nganti 42 untu.[1] Untu taring bruwang ukurané cilik.[1] Untu geraham bruwang ukurané amba, datar lan minangka ngetok lan nggiling daging dadi luwih cilik lan gampang dipangan.[1]

Bruwang nduwé cakar kang cacahé papat.[1] Saben cakar ana lima kuku kang landhep lan dawa.[1] Kuku iki kanggo ménèk wit lan nyuwèk susuh tawon, susuh rayap, lan kanggo ngeruk oyot, uga nyekel mangsané. Bruwang bisa mlayu kanthi kacepetan 50 km/jam utawa 30 mph.[1]

Bruwang KutubBesut

Habitat bruwang kutub kang urip ing bawana arktik utawa kutub utawa saya suwé saya cures.[2] Panyebabé ya iku iklim kang molah-malih saéngga ès ing kutub cuwèr.[2] Bruwang kutub kang wuluné putih iki uga akèh kang dibedhag manungsa lan dijupuk wuluné.[2] Saliyané iku habitat kang kanggo urip uga wis tercemar amarga akéhé indhustri kapal lan kilang lenga.[2] Limang nagara kang dadi tapel wates kutub lor ya iku Amérikah Sarékat (AS), Kanada, Rusia, Nurwègen lan Denmark ndéklarasékaké supaya habitat bruwang kutub kudu dijaga supaya ora cures.[2] Déklarasi iki dadi déklarasi kang sepisanan sawisé 28 taun kanggo ngowahi Perjanjian Bruwang Kutub.[2] Déklarasi dianakaké ing Tromsoe, Nurwègen isiné yèn owahé iklim nduwéni dampak kang élék tumrap populasi bruwang kutup lan habitaté.[2]

Cathetan sukuBesut

  1. a b c d e f g h i j k l m internasional.kompas.com(dipunundhuh tanggal 6 Juni 2011)
  2. a b c d e f g jatim.vivanews.com(dipunundhuh tanggal 6 Juni 2011)