Dolorosa Sinaga

Dolorosa Sinaga (wiyos wonten ing Siboga, Sumatra Utara, 31 Oktober 1953) punika satunggaling pematung Indonésia ^[1].

Pendidikan

Béda kaliyan kekajengan tiyang sepuhipun Dolorosa Sinaga lajeng dados seniman. Seni patung punika dados pilihanipun Dolorosa Sinaga. Kawigatosan Dolorosa dhateng seni patung sampun katingal nalika Dolorosa ndhèrèk pendidikan seni rupa (seni patung) ing Institut Kesenian Jakarta (IKJ). Kanggé mangertos langkung kathha babagan seni mau, Dolorosa Sinaga nglajengaken pendidikanipun ing St. Martins's School of Art ing London, Inggris. Lajeng nambah kawruh ing Karnarija Lubliyana, Yugoslavia, ugi wonten ing Piero's Art Foundry Berkeley, Amérikah Sarékat ^[1]^[2].

Anggènipun nggeluti seni patung, Dolorosa sampun nglampahi 15 taun, lan 10 taun pungkasan médhia patungipun pindhah dhateng perunggu amargi perunggu mau gadhah kualitas kanthi lumah ingkang mengkilat. Wonten ing perunggu kasimpen karakter wanita lan ing pérangan sanès perunggu punika gadhah kekuwatan lan ketahanan kados priyantun jaler. Awit saking punika saged dipunpendhet dudutan bilih karakter perunggu punika wonten kalih karakter ingkang kosok balèn nanging boten saged kapisah ^[2].

Karya

Nalika dados pematung punika sampun ngasilaken karya-karya ageng kados ta Gate of Harmony ing Kuala Lumpur, Malausia lan The Crisis ingkang dipundamel ing taun 1998 wonten ing Kutha Hue, Vietnam. Pakaryan punika dipunlampahi nalika Dolorosa Sinaga pikantuk kapitadosan kanggé dados sesulih utawi makili Indonésia wonten ing Asean Sculpture Symposium ing taun 1987. Kajawi punika Dolorosa Sinaga ugi damel monumen Semangat Angkatan'gg ingkang dipunpajang wonten ing bilangan Kuningan, Jalan Rasuna Said, Jakarta Selatan. Ugi Dolorosa sampun damel rencama èlemen estetika kanggé Bandar Kota Kemayoran, Jakarta^[2].

Dolorosa dipunbiyantu kaliyan 15 karyawan ngrancang pedamelan piala lan tropi. Piala rancanganipun ing antawisipun kanggé penghargaan Yap Thiam Hien, Kridha Wanadya Tahama. Anugrah Mantri Nagara Urusan Peranan Wanita kanggé almarhum Ny. Tien Soeharto lan tropi kagiyatan budaya Jakarta International Women's Festival^[2].

Dolorosa Sinaga punika sakedhik saking priyantun èstri pematung Indonésia ingkang boten namung makarya kanthi pokok kaum marjinal, nanging ndhèrèk mandhap langsung dhateng lapangan kanggé damel saé menapa ingkang dipunmarjinalaken punika. Tuladhanipun kanthi damel Yayasan Tanak kanggé mbiyantu lan ngembangaken pendidikan laré-laré ingakang terlantar, ndhèrèk The National Commission of Human Rights for Women Crisis Center, lan damel Media Kerja Budaya, ngawontenaken pirembagan budaya uga pagelaran teater gratis^[1].

Penghargaan

Citra Adhikarya Budaya
Visual Arts Award (2011)

Ugi pirsani

Pratélan Seniman Indonésia

Cathetan suku

↑ ^a ^b ^c [1]^{[pranala mati permanèn]} (id) Dolorosa Sinaga (dipun-akses tanggal 13 Januari 2013)
↑ ^a ^b ^c ^d [2] Archived 2013-01-17 at the Wayback Machine. (id) Tokoh-Dolorosa Sinaga (dipun-akses tanggal 13 Januari 2013)

[dolorosa1-1] [1]^{[pranala mati permanèn]} (id) Dolorosa Sinaga (dipun-akses tanggal 13 Januari 2013)

[dolorosa2-2] [2] Archived 2013-01-17 at the Wayback Machine. (id) Tokoh-Dolorosa Sinaga (dipun-akses tanggal 13 Januari 2013)

[1]

[2]