Dynand Fariz
Dynand Fariz (lair ing Kabupatèn Jember, Jawa Wétan, 23 Mèi 1963; umur 60 taun) ya iku salah sijiné pengrancang busana saka Indonésia. Dhèwèké kondhang minangka pandhégané Jember Fashion Carnaval kang diwiwiti ing taun 2003. Dynan dadi dhalangé salah sijiné panyarta kang olèh bebungah Busana Nasional Apik Dhéwé ana ing kontès kasulistyan sajagad Miss Universe 2014 kang dianakaké ing Florida, Amérikah Sarékat 25 Januari 2014.[1][2][3][4][5][6]
Riwayat besut
Dynand Fariz ngrampungaké pawiyatan luhur ing IKIP Surabaya. Dhèwèké uga sinau lan gladhèn ing Sekolah Mode ESMOD Jakarta lan ESMOD Paris.[3] Jenengé kawentar ing saindhenging Nuswantara lan donya nalika kasil ndadèkaké Jember Fashion Carnaval salah sijiné adicara karnaval busana kang mrebawani awit saka uniké, kang ndadèkaké dalan-dalan ing Kutha Jember minangka cat walk paling dawa sadonya. Ana ing adicara gedhèn kuwi, Dynand dadi kang ndhalangi lan mandhégani. Jember Fashion Carnaval dhéwé karaméan busana kang diadani saben taun awit taun 2002.[3] Ing taun 2014, Dynan mèlu menggalih rancangané busana kanggo panyarta Miss Universe 2014 saka nagara Indonésia, Elvira Devinamira. Adicara iku dianakaké ing Florida, Amérikah Sarékat nalika 25 Januari 2014. Awit saka karyané Dynan Fariz, Elvira kang nganggo busana kang aboté nganti 20 kilogram mawa sesirah The Chronicle of Borobudur iku menangaké bebungah Busana Nasional Apik Dhéwé.[1]
Karier besut
- Ngadegaké House of Dynand
- Pandhégané Jember Fashion Carnaval
- Pangajar ing ESMOD Jakarta
Rujukan besut
- ↑ a b Aktual: Dynand Fariz Sosok Kreatif Dibalik Best National Costume Miss Universe 2014, dideleng 16 April 2017
- ↑ Merdeka: Jember Fashion Carnaval Kota Mode a la Dynan Fariz, dideleng 16 April 2017
- ↑ a b c Kebudayaan-Kemdikbud: Dynan Fariz, dari Karnaval menuju Karnaval Dunia Archived 2017-04-16 at the Wayback Machine., dideleng 16 April 2017
- ↑ Sociallywow: Dynand Fariz, Sosok Dibalik Kostum Nasional Terbaik Miss Universe 2014 Archived 2017-04-16 at the Wayback Machine., dideleng 16 April 2017
- ↑ Bombastis: Dynan Fariz, dideleng 16 April 2017
- ↑ CNN Indonesia: Jatuh Bangun Dynan Fariz Membangun JFC, dideleng 16 April 2017