Eri

Eri iku istilah umum (generik) kanggo nyatakaké pérangan tetuwuhan utawa sato kéwan kang pucuké landhep lan cukup atos saéngga bisa agawé tatu ing kulit utawa pérangan awak liyané. Eri, kaya déné uga "swiwi", dudu istilah biologi lan kanthi ontogeni, eri bisa tuwuh saka jaringan kang béda-béda.

Eri ing tetuwuhan

Barkas:Eri mawar.jpg

Eri ing wit mawar.

Ing tetuwuhan, eri bisa ditemoni ing manéka organ. Eri minangka organ aksesori lan fungsiné minangka piranti perlindungan dhiri saka pemangsa (gegremet utawa hèrbivor). Eri bisa asal saka modifikasi godhong utawa minangka organ aksesori sajati.

Eri minangka modifikasi godhong

Ing kaktus lan sawatara tetuwuhan tlatah garing liyané (xerofit), eri minangka modifikasi saka godhong. Fungsi metabolisme godhong dilakoni ing epidermis wit lan godhong owah dadi eri kanggo ngurangi transpirasi.

Eri minangka aksesori

Eri minangka aksesori ditemoni ing wit, godhong, sarta woh. Eri wit paling gampang tinemu ing wit mawar. Eri ing lumahing godhong racaké awangun cilik-cilik. Eri ing woh ditemoni upamané ing kulit woh durèn.

Eri ing sato kéwan

Permukaan kéwan wulu babi kang mawa eri

Panyebutan "eri" sajeroning donya sato kéwan bisa ditemoni ing landhak, iwak, lan gegremet.

Eri ing landhak sakbeneré rambut kang kamodifikasi dadi gedhé lan atos. Eri landhak kasusun saka bahan kang padha karo rambut ya iku keratin, sajinis protéin.

Eri ing iwak ditemoni ing betok, mujair, lélé, lan bandeng. Eri ing iwak iku balung. Ing iwak betok lan mujair, kang dimaksud eri mligi balung kang nyusun sirip dorsal lan sirip angsang. Ing iwak lélé, kang dimaksud eri ya iku patil, sawijining organ aksesori ing pérangan dhadha ventral minangka piranti pertahanan.

Eri ing gegremet lumrahé minangka tonjolan-tonjolan landhep. Conto kang bisa dideleng ing sikil walang.