Fifi Young
Fifi Young (lair ing Sungai Liput, Acèh, 12 Januari 1915 – pati ing Jakarta, 5 Maret 1975 ing umur 60 taun).[1] Fifi Young iku pemeran Indonésia.[2] Fifi dilairaké saka bapak kang duwé kebangsaan Perancis.[2] Bapaké Fifi séda nalika Fifi isih bayi, dené ibuné Fifi Young iku Tionghoa.[2] Nalika lair, Fifi diwenéhi jeneng Tan Kiem Nio.[2] Nalika umuré isih 14 taun, Fifi nikah karo Njoo Cheong Seng, salah sijiné sutradara lan pengarang Indonésia.[2] Tan Kiem Nio banjur njupuk jeneng panggung ya iku "Fifi Young".[2] Jeneng kulawarga Nyoo ing dhialèk Hokkian munine Young ing basa Mandarin. Mulané iku Fifi nganggo jeneng mburi iku.[2] Dené jeneng Fifi dijupuk saka jeneng bintang filem Perancis kang misuwur nalika iku.[2] Bintang filem iki jenengé Fifi d'Orsay.[2]
| Fifi Young | |
|---|---|
 | |
| Lair | Tan Kiem Nio |
| Pakaryan | Aktris |
| Taun aktif | 1940-1975 |
| Bojo | Njoo Cheong Seng |
Dadi sutradara teater lan uga sutradara filem, Nyoo Cheong Seng akèh nganakaké pentas karo para rombongané "Miss Riboet's Orion" ing panggonan-panggonan ing Indonésia lan nganti tekan Malaya, kang saiki misuwur kanthi jeneng Malaysia, Singapura, lan uga ing India.[2] Mulané iku nalika pungkasan taun 1920-an, Fifi uga mèlu pentas ing nagara-nagara mau.[2] Fifi duwé kabisan akting lan nari.[2] Nalika Fifi sakanca main ing Kuala Lumpur, gubernur Malaya kerep teka kanggo nonton lan gubernur iki kang mimpin jargon '"One, two, three, we want Fifi!".[2]
Nalika taun 1930-an Nyoo nggabung karon Dardanella, golongan sandiwara keliling kang misuwur ing Indonésia nalika iku.[2] Fifi uga dadi anggotané kalompok iki.[2]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |