Gunung Ijen
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Gunung Ijen inggih punka salah satunggaling gunung geni ingkang taksih aktip. Gunung Ijen dumunung ing laladan Kabupatèn Banyuwangi, Jawa Timur, Indonésia. Dhuwuripun Gunung Ijen inggih kirang langkung 2.443 m dpal. Miterat sajarahipun, Gunung Ijn sampun naté njeblug kaping sekawan inggih punika ing taun 1796, 1817, 1913, lan 1936. Manawi badhé minggah gunung punika saged bidhal saking laladan Bondowoso utawi saking Banyuwangi.
| Gunung Ijen | |
|---|---|
 Kaldera Gunung Ijen | |
| Titik dhuwur dhéwé | |
| Èlevasi | 2,799 m (9,183 ft) |
| Pratélan | Spesial Ribu |
| Koordhinat | 8°03′29″S 114°14′31″E / 8.058°S 114.242°E |
| Géografi | |
| Location | Jawa, Indonésia |
| Géologi | |
| Jinisé gunung | Stratovolcano |
| Panjeblug pungkasan | 1999 |
Kaanan Fisik besut
Gunung Ijen punika éndah sanget dipundadosaken papan wisata, nanging ing mangsa udan kados makaten, para wisatawan kedah langkung ngati-ati amargi gunung ijen mliginipun kawah ijennipun gadhah potensi kanggé medalaken gas racun ingkang mbebayani déning para wisatawan saha para tiyang ingkang nambang wlirang.[1] Gas racun ingkang dipunwedalaken saking kawah jen punika dipunjalari kaliyan wontenipun ewahing suhu ingkang ekstrim sanget ing salebeting kawah, saha suhu ing njawi kawah nalika mangsa udan. Nalika mangsa udan, suhu ing njawi kawah udakawis 18-21 drajat Celcius. Déné suhu ing salebeting kawah, wonten ing titik 35 drajat Celcius. Pabedan suhu sak njawinipun kawah saha salebeting kawah punika njalari wontenipun prosès konveksi utawi pindhahing molekul-molekul material saking toya kawah ingkang ngandhut gas CO saha CO2, ingkang saged damel pejah manungsa ingkang ngingsep gas-ipun. Gunung Ijen ingkang mapan wonten ing watesaning Kabupatèn Banyuwangi saha Kabupatèn Bondowoso, Jawa Timur punika ngalami aktivitas ingkang inggil wiwit tanggal 20 Oktober 2012.[2] Ing Gunung Ijen, Banyuwangi punika ugi misuwur kanthi wontenipun "geni biru" ingkang namung wonten ing kalih papan ing dunya punika, ingkang salah satunggalipun mapan wonten Èslan. Kawontenan geni biru punika ingkang asring dados daya tarik para wisatawan saking njawi Indonesia saha wisatawan asli nusantara.
Sajarah besut
Gunung Ijen ingkang gadhah kaldera kanthi dhuwur 300-500 mèter punika taksih kalebet aktif dugi sapunika. Gunung Ijen sampun naté njeblug kaping gangsal ing taun 1796. 1817, 1913, 1936, saha ingkang pungkasan ing taun 2012.[3] Kawah Ijen inggih punika pusat dano kawah ingkang paling ageng ing dunya ingkang saged ngasilaken 36 yuta mèter kubik wlirang saha hidrogen klorida kanthi ambanipun 5.466 hektar. Dano punika gadhah drajat keasaman nol ingkang saged ngicalaken klambi saha drijinipun tiyang ingkang kénging toyanipun.
Jalur daki besut
Manawi badhé dhateng tumuju gunung Ijen punika saged liwt kalih jalur, inggih punika saking Banyuwangi tumuju dhateng Licin ingkang jarakipun 15 km ingkang dipunlajengaken dhateng Paltuding ingkang jarakipun 26 km lan namung saged dipunlangkungi mobil awrat utawi truk. Déné jalur daki ingkang sanèsipun saged saking Situbondo tumuju dhateng Sempo Bondowoso liwat Wonosari dipunlajengaken dhateng Paltuding ingkang jaraipun kirang langkung 93 km.
