Gunung Marapi
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Gunung Marapi (ugi misuwur kanthi nama Merapi utawi Berapi) inggih punika salah satunggaling jinis gunung geni ingkang dumunung ing provinsi Sumatera Barat, Indonésia. Gunung Marapi kalebet gunung ingkang paling aktip ing[ Sumatra. Miterat cathetan administratifipun, Gunung Marapi kalebet ing laladan Kabupatèn Agam. Gunung Marapi ugi saged dipuntingali saking kutha Bukittinggi, kutha Padangpanjang lan kabupatèn Tanah Datar. Dhuwuripun Gunung Merapi inggih kirang langkung 2.891 mèter saking nginggil laut. Gunung Marapi sampun naté njeblug langkung saking ping 50 wiwit pungkasan abad 18[1].
| Marapi | |
|---|---|
.jpg) Gunung Marapi | |
| Titik dhuwur dhéwé | |
| Èlevasi | 2.891 m (9.48 ft) [1] |
| Prominèn | 2,116 metres (6,942 ft) |
| Pratélan | Ribu |
| Koordhinat | 0°22′50″S 100°28′24″E / 0.38056°S 100.47333°E |
| Géografi | |
| Parent range | Bukit Barisan |
| Géologi | |
| Age of rock | Pleistosen |
| Jinisé gunung | Stratovolcano |
| Volcanic arc/belt | Busur Sunda |
| Panjeblug pungkasan | 2004 |
Daya Tarik
besutSaking kathah gunung ingkang mapan wonten ing Sumatra Barat, Gunung Marapi kalebet dados objek wisata ingkang kathah piyambak dipuntuweni déning para wisatawan.[3] Ing Gunung Marapi sampun wonten jalur tetep kanggé para pendaki saéngga nggampilaken para pendaki nalika badhé ndhaki gunung Marapi punika. Ing sakitering Gunung Marapi punika kathah dipuntandur kembang edelwis ingkang sami mekrok ing pèrèng gunung. Kembang edelwis punika ingkang saged nambah kaendahaning sesawangan GUnung Marapi. Saking pucuk gunung Marapi ugi saged dipuntingali dano Singkarak nalika kahananipun saé.
Jalur Dhaki
besutGunung Marapi ingkang papanipun mapan wonten ing kalih kabupatèn ing Sumatra Barat punika, inggih bilih sapérangan maan wonten ing Kabupatèn Agam lan sapérangan malih mapan ing Kabupatèn Tanah Datar punika gampil dipundhaki amargi papanipun ingkang boten tebih saking kitha Bukittinggi saha kitha Padang Panjang. Saking Padang utawi saking BAndara Ketaping tumuju dhateng Gunung Marapi mbetahaken wekdal kirang langkung 2 jam supados saged dhateng lokasinipun. Déné manawi budhal saking Bukittinggi mbetahaken wekdal kirang langkung 30 menit. Transportasi dhateng Gunung Marapi punika saged medal jalur dharat, saged ngginakaken angkudan umum utawi travel. Gunung Merapi punika papanipun sisihan kaliyan Gunung Singgalang. Déné kaendahaning Gunung Singgalang kanthi wontenipun tlaga ing nginggil gunung ingkang dados daya tarikipun gunung singgalang piyambak. Sasanesipun medal Bukittinggi, jalur dhaki dhateng Gunung Marapi punika ugi saged medal Nagari Koto Baru ing Kabupatèn Tanah Datar. Manawi ndhaki liwat jalur punika saged dipuntingali ugi endahing perkebunan janganan mliginipun wortel. Saking Nagari Koto Baru saged nitih angkudan umum tumuju dhateng Nagari Pandai Sikek, lajeng dipunterasaken nitih ojek kirang langkung 15 menit sampun dugi ing gerban kawasan dhaki. Lan anggènipun ndhaki boten pareng nalika udan napa ing mangsa ingkang kirang saé amargi wonten larangan saking masarakatipun.
Uga delengen
besutCathetan suku
besut- ↑ a b "Marapi". Global Volcanism Program. Smithsonian Institution.
- ↑ sumbar.bps.go.id Nama Gunung, Lokasi dan Tingginya
- ↑ [1]] Daya Tarik Gunung Marapi (dipunundhuh tanggal 14 Januari 2013)