Habiburrahman El Shirazy

Habiburrahman El Shirazy (lair ing Semarang, Jawa Tengah, 30 Sèptèmber 1976; umur 48 taun) inggih punika Novèlis No. 1 Indonesia (dipunnobataken déning Universitas Diponegoro (UNDIP) Semarang). Sanèsipun novelis, sarjana Universitas Al-Azhar, Kairo, Mesir punika ugi dados sutradara, dai, lan penyair. Karya-karyanipun kathah dipunremeni boten namung tiyang Indonésia, nanging ing manca nagari kados Malaysia, Singapura, Brunei, Hongkong, Taiwan lan Australia. Karya-karya fiksinipun dipunanggep saged yasa jiwa lan nuwuhaken semangat prèstasi. Karya-karyanipun ingkang sampun kathah ing pasaran inggih punika Ayat-Ayat Cinta taun 2004, Di Atas Sajadah Cinta taun 2004, Ketika Cinta Berbuah Surga taun 2005, Pudarnya Pesona Cleopatra taun 2005, Ketika Cinta Bertasbih taun 2007, Ketika Cinta Bertasbih 2 taun 2007, Dalam Mihrab Cinta taun 2007, Gadis Kota Jerash taun (2009), Bumi Cinta, taun 2010, lan The Romance. Sapunika taksih damel Langit Makkah Berwarna Merah, Bidadari Bermata Bening, lan Bulan Madu di Yerussalem.

Habiburrahman El Shirazy
Lair	(1976-09-30) Sèptèmber 30, 1976 Semarang, Jawa Tengah, Indonésia
Jeneng pèn	Kang Abik
Pakarya	sutradara, dai, novelis, penyair
Bangsa	Indonésia
Gènre	sastra moralis
Bojo	Muyasaratun Sa'idah
Anak	Muhammad Ziaul Kautsar Muhammad Neil Author

Pendidikan

Miwiti pendidikan manengah ing MTs Futuhiyyah 1 Mranggen lan sinau kitab kuning ing pondhok pesantren Al Anwar, Mranggen, Demak kanthi dipunasuh déning K.H. Abdul Bashir Hamzah. Ing taun 1992 panjenenganipun ngrantau ing Kitha Surakarta kanggé sinau ing Madrasah Aliyah program Khusus (MAPK) Surakarta, lulus ing taun 1995. Sasampunipun punika nglajengaken ing Fakultas Ushuluddin, jurusan Hadist Universitas Al-Azhar, Kairo Mesir lan rampung ing taun 1999. Taun 2001 lulus Postgraduate Diploma (Pg.D) S2 ing The Institute for Islamic Studies ing Kairo.