Handrawan Nadesul
Handrawan Nadesul (Gouw Han Goan) (lair ing Karawang, Jawa Barat, 31 Dhésèmber 1948; umur 75 taun) inggih punika salah satunggalipun sastrawan saking Indonésia ingkang ugi misuwur minangka dokter lan panyerat buku-buku kesehatan, sastra nyerat artikel ing kalawarta wanita. Awit saking kaprigelanipun, Handrawan ugi asring dipunulemi ing adicara seminar, wawan rembag, lan televisi. Pakaryanipun awujud geguritan sampun dipunmot ing ariwarta lan kalawarta awit taun dasawarsa1970-an. Namanipun kalebet minangka salah satunggal sastrawan ingkang ndhèrèk ngadegaken Komunitas Negeri Poci, taun 1993, sesarengan Piek Ardijanto Soeprijadi, Adri Darmadji Woko, Kurniawan Junaedhie, Prijono Tjiptoherijanto, Oei Sien Tjwan, Widjati, Rahadi Zakaria, Rita Oetoro, Syarifuddin A.Ch, Dharnot, B. Priyono Soediono, Eka Budianta, lan Rita Oetoro.[1][2][3][4] Taun 2000, Handrawan Nadesul nampi bebungah Piagam Penghargaan saking Mantri Kesehatan RI Dr. Achmad Sujudi minangka Panyerat ing Ariwarta Peduli Kasehatan.
Latar wingking
besutDr. Handrawan lair ing Karawang, Jawi Kilen, surya 31 Dhésèmber 1948. Nglampahi kiprahipun minangka panyerat awit taun 1972 ingkang kamot ing sawenèh ariwarta lan kalawarta awujud artikel kaséhatan. Langkung saking 1.500 artikel sampun dipunserat dumugi taun 2008, 74 buku kasehatan, lan seminar kasehatan kanggé para warga ing sapérang kutha ing Indonésia. ing Bogor taun 1981 piyambakipun naté ngedegaken Dokter Kecil ingkang anggotanipun 400-an murid sekolah dhasar ingkang pinter-pinter saking sekolahanipun, lan ugi ngregengaken kader Pembangunan Kesehatan Masarakat Désa (PKMD) ing kalangan kalurahan. Piyambakipun gadhah gegayuhan supados punapa ingkang sampun kaserat punika saget migunani tumrap para warga lan kasil ngangkat drajat kasehatan. Awit taun 2005 Handrawan asring dipuntimbali minangka pambiwara ing seminar kaséhatan ing sapérang kutha, sekolah, lembaga pamaréntah, lan stasiyun televisi. Handrawan Nadesul ngangsu kawruh bab kasusastran dhumateng Piek Ardijanto Soeprijadi. Manawi saweg préi ing pawiyatan, piyambakipun asring sowan Piek ing Kutha Tegal saperlu ndhèrèk sinau lan maos kolèksi buku ing kapustakanipun. Kajawi punika, Piek ugi nepangaken dhumateng para sastrawan ing Tegal, lajeng ngawontenaken adon-adon pamaosan geguritan.
Pendhidhikan
besut- Ilmu kedokteran ing Fakultas Kedokteran Universitas Atma Jaya Jakarta taun 1970 lan Ujian Negara Fakultas Kedokteran Universitas Indonesia taun 1981.
Kulawarga
besutDr. Handrawan sesémahan kaliyan dr. Belinda Christina, réncangipun ing pawiyatan luhur. Dr. Belinda dumugi sapunika taksih kacathet minangka salah satunggalipun dhosèn ing Fakultas Kedokteran Universitas Atma Jaya. Piyambakipun diparingi satunggal putri, Minetta Roselani, lan satunggal putra, Millardi Nadesul.
Karya
besut- Sehat Itu Murah (2007) dumugi taun 2008 sampun kaping 10 dipunbabar ambal
- Buku Sehat Calon Pengantin, dumugi 2008 sampun kaping 3 dipunbabar ambal
- Cara Sehat Menjadi Perempuan sampai 2008 sudah 3 kali cetak ulang.
- Membesarkan Bayi Jadi Anak Pintar, dumugi 2008 sampun kaping 3 dipunbabar ambal
- Jurus Sehat Tanpa Ongkos (Penerbit Buku Kompas), dumugi 2008 sampung ping 3 dipunbabar ambal
- Ibu Hamil Sehat, dumugi 2008 sampung ping 18 dipunbabar ambal
- Demam Berdarah: 100 Pertanyaan dan Jawaban Edisi Revisi Cara Mudah Mengalahkan Demam Berdarah (Penerbit Buku Kompas).
- Sehat Pranikah; Resep Mudah Tetap Sehat; Cantik, Cerdas, Feminin. Tahun 2009 dengan penerbit buku kompas.
- Senandoeng Radja Ketjil padha taun 2010 kaliyan 14 panganggit Indonesia, 2010.
- Dari Negeri Poci 1 (1993)
- Dari Negeri Poci 2 (1994)
- Dari Negeri Poci 3 (1996)
- Dari Negeri Poci 4 (2013)
- Dari Negeri Poci 5 (2014)
- Dari Negeri Poci 6 (2015)
- Dari Negeri Poci 7 (2017)
Bebungah
besut- Tahun 2000, Piagam Penghargaan saking Mantri Kesehatan RI Dr. Achmad Sujudi minangka Panyerat ing Ariwarta Peduli Kasehatan.
Rujukan
besut- ↑ Kompas Cetak: Handrawan Nadesul, Dokter "Spesialis Umum" Archived 2008-09-14 at the Wayback Machine.
- ↑ Teras Bintang: Dari Negeri Poci 7 Mari Menuju “Negeri Awan”[pranala mati permanèn], kapundhut 21 Mèi 2017
- ↑ Perwara: Tegal, dari Negeri Poci ke Negeri Awan, kapundhut 21 Mèi 2017
- ↑ Pantura News: Tegal Layak Dijuluki Ibu Kota Penyair Indonesia, kapundhut 21 Mèi 2017
Pranala njawi
besut- Cucilah Tangan dengan Sabun Wawancara dengan Wimar Witoelar di Perspektif Baru
- Inibuku.com: Sehat itu murah Archived 2015-09-24 at the Wayback Machine.
- Bookoopedia: Ibu Hamil Sehat[pranala mati permanèn]
- Inibuku.com: Demam Berdarah 100 Pertanyaan dan Jawaban[pranala mati permanèn]
- Inibuku.com: Sehat itu murah Archived 2015-09-24 at the Wayback Machine.
- Inibuku.com: Sehat itu murah Archived 2015-09-24 at the Wayback Machine.
- Inibuku.com: Buku Sehat Calon Pengantin Archived 2022-03-10 at the Wayback Machine.