Dari Negeri Poci
Dari Negeri Poci inggih punika satunggalipun sérial buku kempalan geguritan ingkang ngemot tapakipun awujud pakaryan para panggurit Indonesia saking samukawis latar wingking. Buku punika dipunbabar awit taun 1993 lan sampun ngancik séri kaping pitu ing taun 2017. Wondéne "poci"[1], inggih punika wadhah kanggé ngunjuk tèh saking Kuta Tegal, dipun-ginakaken minangka sesirah buku, kanggé mèngeti bilih buku punika kawiwitan saking Tegal, lan masarakat Tegal kasuwur minangka pusatipun unjukan tèh ing Indonesia.[2][3][4][5]
Latar wingking
besutKomunitas Negeri Poci mboten éwah saking kawontenanipun sastrawan angkatan 1966, Piek Ardijanto Soeprijadi, ingkang nailka dasawarsa 1970-an sampun misuwur minangka panggurit, ingkang pakaryanipun kamot wonten sawenèh ariwarta lan kalawarta nasional. Kajawi nyerat geguritan, Piek ugi nyerat artikel sastra mliginipun babagan geguritan para panggurit nèm. Rumaos pikantuk pangalembana saking panggurit sepuh, Adri Darmadji, Kurniawan Junaedhie lan rencang-rencangipun sansaya sumangat. Saking sesambetan miyos seratan punika, para panggurit nèm pungkasanipun kasil ngawontenaken sesambetan pribadi miyos patemon kaliyan Piek Ardijanto. Wonten sesambetan punika, Piek langkung dipunanggep minangka guru ingkang maringi arahan dhumateng para panggurit nèm. Para panggurit punika, asring mertamu wonten griyanipun Piek ing Kutha Tegal, saperlu silaturahmi lan ngangsu kawruh babagan geguritan. Saking asringipun patemon punika, lajeng tuwuh pamikiran ngadegaken Komunitas Negeri Poci, kanthi mbabaraken kempalan geguritan jejudhul Dari Negeri Poci, ngandhut geguritanipun 12 panggurit, taun 1993.
Salajengipun, ing taun 1994, sekawan dasa gangsal panggurit nyawiji lan mbabar séri kaping kalih kanthi sesirah ingkang sami, Dari Negeri Poci 2. Kacèk kalih taun, 1996 medal malih seri ingkang kaping tiga. Wondéné seri kaping sekawan nembé kababar ing taun 2013, sasampunipun lèrèn laminipun pitulas taun.[6] Nanging salajengipun, 2014, 2015, lan 2017, buku kempalan geguritan punika sampun saget nglajengaken.
Pandhéga
besutWondéné ingkang mandhégani ngadekipun kempalan geguritan Dari Negeri Poci inggih punika para sastrawan ing antawisipun Piek Ardijanto Soeprijadi, Adri Darmadji Woko, Handrawan Nadesul, Kurniawan Junaedhie, Prijono Tjiptoherijanto, Oei Sien Tjwan, Widjati, Rahadi Zakaria, Rita Oetoro, Syarifuddin A.Ch, Dharnot, B. Priyono Soediono, Eka Budianta, lan Rita Oetoro. Sinaosa Itiningsih, sèmahipun Piek mboten kalebet pandhèga, nanging saben adicara tansah nampèni pangormatan ngaturi ular-ular minangka sulih saliranipun Piek kanggé para sagung panggurit.
Obituari
besutMinangka mèngèti para panggurit ingkang sampun sèda, saben pambabaran buku kempalan geguritan, kasisipaken cathetan ugi pakaryan para panggurit ingkang sampun katimbalan déning Gusti. Para panggurit punika antawisipun Piek Ardijanto, Widjati, Nurhidayat Poso, Boedi Ismanto, Slamet Riyadi Sabrawi, Rahadi Zakaria, Tuti Gintini, Slamet Sukirnanto, Yudi MS, lan wonten satunggal malih ingkang sanès panggurit nanging prasetyanipun tansah dipunpèngeti awit saking asring nyengkuyung adicara punika, inggih punika Librayanto.
Buku-buku
besut| Sesirah | Cacahipun Panggurit | Taun | Juru Babar |
|---|---|---|---|
| Dari Negeri Poci | 12 | 1993 | Majalah Tiara |
| Dari Negeri Poci 2 | 45 | 1994 | Puspa Warna |
| Dari Negeri Poci 3 | 49 | 1996 | Majalah Tiara |
| Dari Negeri Poci 4: Negeri Abal-abal | 99 | 2013 | Komunitas Radja Ketjil |
| Dari Negeri Poci 5: Negeri Langit | 153 | 2014 | Komunitas Radja Ketjil |
| Dari Negeri Poci 6: Negeri Laut | 175 | 2015 [7] | Komunitas Radja Ketjil |
| Dari Negeri Poci 7: Negeri Awan[8][9][10] | 174 | 2017 | Komunitas Radja Ketjil |
Pambabaran
besut| Taun | Panggènan | Katrangan |
|---|---|---|
| 1993 | Pantai Muarareja Kota Tegal | Kemah sastra |
| 1994 | SMK Negeri 1 Kota Tegal | Pambabaran lan dhiskusi |
| 1996 | Mboten dipuncakaken | |
| 2013 | Dalemipun Piek Ardijanto | Napak tilas sujarah Komunitas Negeri Poci |
| Pendhapa Kutha Tegal | Dhiskusi | |
| Ruang Adipura | Adon-adon maos geguritan | |
| Balaikota Tegal | Pambabaran lan pamaosan geguritan | |
| 2014 | Dalemipun Piek Ardijanto | Napak tilas sujarah Komunitas Negeri Poci |
| SPBU MURI | Dhiskusi | |
| Gedung Kesenian Tegal | Pambabaran lan pamaosan geguritan | |
| 2015 | Ruang Adipura | Dhiskusi |
| Kompleks Balaikota Tegal | Pambabaran lan pamaosan geguritan | |
| 2017 | Ruang Paripurna DPRD Kota Tegal | Dhiskusi, Pambabaran, lan pamaosan geguritan |
Ugi pirsani
besutRujukan
besut- ↑ Kompas: Teh Poci Tegal Si Penyedap Zaman (travel.kompas.com), kapundhut 5 Mei2017
- ↑ Suara Merdeka "Di Akhirat pun, Aku Berpuisi...", kapundhut 5 Mèi 2017
- ↑ Suara Merdeka: Maret, Ratusan Penyair Bakal Kunjungi Tegal, kapundhut 5 Mèi 2017
- ↑ Google Book: Google Book-49 Penyair, kapundhut 5 Mèi 2017
- ↑ Google Book: Leksikon Sastra Indonesia, kapundhut 5 Mèi 2017
- ↑ Suara Merdeka: Ratusan Penyair Bakal Kunjungi Tegal, kapundhut 5 Mei2017
- ↑ Hot Detik: 100 Penyair Tampil di Temu Sastra 'Negeri Laut', kapundhut 5 Mei2017
- ↑ Warta Bahari: Para Sastrawan Hadiri Malam Peluncuran Antologi Puisi Negeri Poci 7, Kapundhut 27 Maret 2017
- ↑ Suara Merdeka: Antologi Negeri Awan Diluncurkan Archived 2017-05-20 at the Wayback Machine., kapundhut 27 Maret 2017
- ↑ Kompas: Sekjen MPR Apresiasi Sastrawan Negeri Poci, kapundhut 28 Maret 2017