Adri Darmadji Woko

Adri Darmadji Woko (lair ing Yogyakarta, 28 Juni 1951; umur 73 taun) inggih punika salah satunggalipun sastrawan saking Indonesia. Namanipun misuwur minangka salah satunggalipun cikal bakal Komunitas Negeri Poci, sesarengan Kurniawan Junaedhie, Piek Ardijanto Soeprijadi, Handrawan Nadesul, Widjati, ingkang dipunadegaken awit taun 1993. Pakaryanipun Adri Darmadji awujud carita cekak, esei sastra, artikel, lan geguritan ingkang dipunmot wonten sawenèh ariwarta nasional. Kajawi nyerat karya sastra, piyambakipun ugi nelatèni minangka juru warta ing Kalawarta Kartika. Taun 2015, Adri nampi Bebungah Kabasan lan Kasusastran saking Badan Pangembangan Basa Indonesia, Kementrian Pendhidhikan lan Kabudayaan, kanthi pakaryanipun, buku kempalan geguritan, asesirah Cicak-Cicak di Dinding. Sawenèh buku ingkang ngemot pakaryanipun kepara mlebet wonten katalog Perpustakaan Nasional Australia.

Latar wingking

Adri Darmadji Woko lair ing Ngayojakarta, tanggal 28 Juni 1951. Awit taksih sinau wonten sekolah menengah ing taun 1970, piyambakipun sampun nrésnani bab kasusastran. Ing taun 1972, piyambakipun mandhégani ngadegipun Kelompok Poci Bulungan, Kelompok Sastra Kuningan (1977), Kelompok Poci Jakarta (1979), Komunitas Negeri Poci (1993). Adri Darmadji ugi mbabar kalawarta Sirkuit lan Sastra 80. Piyambakipun naté mlebet pawiyatan luhur ing Fakultas Hukum Universitas Jakarta (Unija), nanging mboten jangkep. Salajengipun ngrampungaken pendhidhikan lan nampèni gelar sarjana ing Sekolah Tinggi Publisistik (STP)/Institut Ilmu Sosial lan Pulitik Jakarta. Pakaryanipun awujud carita cekak, éséi sastra, artikel, lan geguritan dipunmot wonten sawenèh ariwarta lan kalawarta nasional antawisipun Berita Yudha, Suara Karya, Merdeka, Berita Buana, Kompas, Sinar Harapan, Suara Pembaruan, Tjaraka, Selecta, Midi, Hai, Horison, lan sanèsipun. Kajawi punika, Adri Darmadji ugi nglampi kiprahipun wonten kagiyatan kasusastran kanthi dados juri adon-adon pamaosan geguritan. Ing jagat téater ugi naté dipunlampahi, nalika nyawiji wonten Teater Bulungan, Teater Saja, lan Teater Panuluh. Naskah ingkang naté dipunparagakaken antawisipun Musuh Manusia (Moliere) lan NyanyianAngsa (Anton P. Chekov).

Kajawi nyerat karya sastra, Adri Darmadji nelatèni pedamelan minangka juru warta/redhaktur/juru besut/pamimpin redhaksi wonten sakpérang kalawarta, inggih punia Sonata, Puteri Indonesia, Kartini, Halo, Pertiwi, Nona, Panasea, Mistis, Gelora Reformasi, Kencan,Kartika, lan Puan Pertiwi kanthi nyepengi status anggota Persatuan Wartawan Indonesia. Taun 2015, Adri nampi Bebungah Kabasan lan Kasusastran saking Badan Pengembangan Basa Indonesia, Kementerian Pendhidhikan lan Kabudayan, awit saking pakaryanipun, buku kempalan geguritan Cicak-Cicak di Dinding. Sakpérang buku ingkang ngemot pakaryanipun kepara mlebet wonten katalog Perpustakaan Nasional Australia.

Pakaryanipun

• DarahBiru Kaki Empat
• BonekaMainan
• Dari Negeri Poci 1
• Dari Negeri Poci 2
• Serayu
• Kencan
• Pertiwi
• Bangga Aku Jadi Rakyat Indonesia
• Senandoeng Radja Ketjil
• Kitab Radja-Ratoe Alit
• Suara-Suara yang Terpinggirkan
• Negeri Abal-Abal(Dari Negeri Poci 4)
• Negeri Langit(Dari Negeri Poci 5)
• Negeri Laut(Dari Negeri Poci 6)
• Kitab Karmina Indonesia
• 1000 Haiku Indonesia
• Cicak-Cicak di Dinding
• Negeri Awan (Dari Negeri Poci 7)

Bebungah

• Pemenang Lomba Menulis puisi GRJS (1971)
• Pemenang Lomba Menulis puisi GRJS (1972)
• Pemenang Lomba Menulis puisi Tifa Sastra (1978)
• Anugerah Kebahasaan dan Kesastraan dari Badan Bahasa Kementerian Pendidikan dan Kebudayaan Republik Indonesia (2015)