Eka Budianta

Christophorus Apolinaris Eka Budianta utawi ingkang asring dipunsebat Eka Budianta Ingkang miyos wonten ing Ngimbang, Lamongan, Jawa Wétan ing tanggal 1 Fèbruari 1956 inggih salah satunggaling sastrawan Indonésia angkatan 1980–1990 an.

Eka Budianta.

Biografi

Eka Budianta kala rumiyin ngrampungaken pendhidhikanipun ing SD ing désa Ngimbang, lajeng nerasaken ing tingkat SMP, lajeng ing tingkat SMA wonten ing [[SMA Katholik ing Dempo, Malang. Sasampunipun lulus saking SMA ing taun 1974, piyambakipun nerasaken pendhidhikan dhateng Akademi Teater LPKJ, nanging boten rampung. Lajeng piyambakipun mlebet Jurusan Kajian Kesusastraan Asia Timur lajeng ing pinten taun ing ngajengipun, piyambakipun pindhah dhateng Jurusan Sajarah, Fakultas Sastra, Universitas Indonesia saking taun 1975–1979, nanging ugi boten rampung. Lajeng piyabakipun ndhèrèk pendhidhikan jurnalistik ing Los Angeles Trade Technical College, Amérikah Sarékat, ing taun 1980–1981. Eka Budianta inggih putra kaping kalih saking sangang sedhèrèkipun. Bapakipun Astroadi Martaredja, déné ibunipun, Daoni Andajani, ingkang sadaya gadhah agami Katolik. Eka Budianta lajeng nikah kaliyan dhosèn sastra Inggris ing Fakultas Ilmu Pengetahuan Budaya (Fakultas Sastra), Universitas Indonesia, Jakarta, inggih punika Prof. Dr. Melani Budianta, lajeng pinaringan tigang putra.

Padamelanipun

Eka Budianta sampun naté dados wartawan majalah Tempo saking taun 1980 – 1983, lajeng dados koresponden koran Jepang, Yomiuri Shimbun ing taun 1984–1986, lajeng dados asisten ing kantor Penerangan Perserikatan Bangsa-Bangsa (UNIC), ing BBC London, UNESCO, saha penerbit Puspa Swara. Eka Budianta sampun remen nyerat wiwit taksih sekolah ing tingkat SMA lan sampun medalaken satunggaling buku kempalan puisinipun kanthi irah-irahan “Bunga” ing Dhésèmber 1972. Seratanipun ugi sampun kapacak wonten ing kathah koran saha majalah, kados ta Sinar Harapan, Kompas, Berita Buana, Pelita, Merdeka, saha Kumandang (Jawa), ugi Basis, Horison, Salemba, Tempo, saha Mastika (Malaysia).

Karya

• Bang Bang Tut(Kumpulan Puisi, 1976),
• Ada (Kumpulan Puisi, 1976),
• Bel (Kumpulan Puisi, 1977),
• Rel (Kumpulan Puisi, 1977),
• Sabda Bersahut Sabda (Antologi puisi bersama Azmi Yusoff, 1978),
• Cerita di Kebun Kopi (Kumpulan Puisi, 1981),
• Sejuta Milyar Satu (Kumpulan Puisi)
• Lautan Cinta (Kumpulan Puisi, 1988),
• Rumahku Dunia(Kumpulan Puisi, 1993),
• Menggebrak Dunia Mengarang(Bacaan Umum, 1992),
• Dari Negeri Poci(Antologi Puisi, 1993),
• Mengembalikan Kepercayaan Rakyat (Esai, 1992),
• Api Rindu (Kumpulan Cerpen, 1987)

Penghargaan

• Bebungah Sastra DKJ (1984),
• Pikantuk Ashoka Fellowship (1987),
• International Writing Program di Iowa City, Amérikah Sarékat (1987)