Islamabad

Islamabad
اسلام آباد
Islamabad; اسلام آباد
Capital City
	Clockwise from top: Faisal Mosque, Serena Hotèl, Parliament House, Pakistan Monument, Night view of Islamabad, and Prime Minister's Secretariat
	Peparab: The Green City, Isloo
Country	Pakistan
Territory	Islamabad Capital Territory
Constructed	1960s
Pamaréntahan
• Governing body	Capital Development Authority (CDA)
• Chief Commissioner	Tariq Mahmood Pirzada
• Chairman CDA	Imtiaz Inayat Elahi
Laladan
• Capital City	120,00 km2 (5,000 sq mi)
• Métro	233,00 km2 (9,000 sq mi)
• Specified area	3.626,00 km2 (140,000 sq mi)
• Rural area	466,00 km2 (18,000 sq mi)
Highest elevation	1.604 m (5.263 ft)
Lowest elevation	457 m (1,499 ft)
Cacah warga (2011)
• Capital City	1,330,000
• Pepadhet	880/km2 (2,300/sq mi)
Zona wektu	PST (UTC+5)
Postcode	44000
Kodhe laladan	051
Situs wèb	www.islamabad.gov.pk

Islamabad (Basa Urdu: اسلام آباد tegesé "Kutha Islam") iku kutha krajan Pakistan. Kutha iki papané ana ing dhataran dhuwur Potohar ing sisih lor-kulon nagara iki. Minangka administrative, kutha iki papané ana ing Islamabad Capital Territory utawa "Laladan Ibu Kutha Islamabad". Nanging minangka historis, kutha iki péranganing provinsi North-West Frontier lan tlatah Punjab. Islamabad iku kutha kang rélatif anom umuré. Kutha iki binangun ing taun 1960-an kanggo ngganti Karachi kang wis dadi kutha krajan Pakistan wiwit taun 1947. Banjur ing taun 1958, kutha krajan dipindhah ing Rawalpindi kang pernahé cedhak karo Islamabad lan resmi ing taun 1960, Islamabad dadi kutha krajan Pakistan. Islamabad ing taun 1998 kang ndunungi 805.235 jiwa. Salah siji obyek wisata kang wigati lan misuwur iku Masjid Faisal kang disumbang déning Raja Faisal saka Arab Saudi.

Sajarah cekak

Sanadyan lagi diyasa ing dasawarsa 1960-an, nanging Islamabad iku papané ana ing tlatah historis ing Pakistan. Ing sisih kulon ana kutha kuna Taxila utawa ing basa Sangskreta Takṣaśila. Saliyané iku tlatah iki papané cedhak karo gapura mlebuné para bangsa ngamanca ing Tanah India.

Masjid Faisal

Ngalih kutha krajan

Ing pungkasané dasawarsa 1950-an ana rencana mindhahaké kutha krajan saka Karachi ing pasisir menyang kutha anyar kang diarani Islamabad amarga présidhèn Pakistan kala iku, Ayub Khan duwé kekarep supaya pembangunan nagara ora namung dipunjeraké ing Karachi waé. Saliyané iku uga ana alesan stratégis, Karachi iku ora gampang dibéla yèn ana perang karo India. Amerga papané ana ing pasisir lan gampang direbut. Béda karo Islamabad kang papané direksa gunung-gunung. Banjur Islamabad papané cedhak karo Markas Besar Angkatan Bersenjata Pakistan ing Rawalpindi. Alesan liyané iku iklim temperatur ing Islamabad luwih kepénak.

Banjur ing taun 1960-an diyasa kutha anyar déning perusahaan arsitèktur Yunani Doxiadis Associates. Perusahaan iki banjur ngrancang rencana indhuk kutha kang wujudé segitiga lan binagi sistem kothak-kothak kang pucuké manuju wukir Margalla.

Saiki Islamabad béda karo kutha-kutha liyané ing Pakistan. Organisasiné apik tur rapi. Banjur kutha iki luwih éndhah lan resik tinimbang kutha-kutha liyané.

Géografi

Iklim

Dhata iklim Islamabad, Pakistan
Sasi	Jan	Fèb	Mar	Apr	Mèi	Jun	Jul	Agu	Sèp	Okt	Nov	Dhès	Taun
Cathetan paling dhuwur °C (°F)	24 (75)	31 (88)	36 (97)	44 (111)	46 (115)	48 (118)	46 (115)	42 (108)	39 (102)	38 (100)	32 (90)	27 (81)	48 (118)
Rerata suhu sing dhuwur °C (°F)	16 (61)	19 (66)	24 (75)	31 (88)	37 (99)	40 (104)	36 (97)	34 (93)	34 (93)	32 (90)	28 (82)	20 (68)	29 (84)
Rerata suhu sing dhuwur °C (°F)	2 (36)	6 (43)	10 (50)	15 (59)	21 (70)	25 (77)	25 (77)	24 (75)	21 (70)	15 (59)	9 (48)	3 (37)	15 (59)
Cathetan paling asor °C (°F)	−4 (25)	−2 (28)	1 (34)	7 (45)	12 (54)	14 (57)	17 (63)	14 (57)	12 (54)	7 (45)	−1 (30)	−3 (27)	−4 (25)
Rerata curah udan mm (inches)	64 (2.52)	64 (2.52)	81 (3.19)	42 (1.65)	23 (0.91)	55 (2.17)	233 (9.17)	258 (10.16)	85 (3.35)	21 (0.83)	12 (0.47)	23 (0.91)	961 (37.83)
Rerata dina udan	7	6	7	6	4	7	13	10	5	2	1	3	71
Sumber: BBC Weather