Iwak Salmon

Iwak Salmon punika jinising iwak sagara saking famili Salmonidae. Jinis iwak sanès ingkang satunggali famili kaliyan ulam salmon punika ulam trout. Ingkang béda punika migrasi uriping ulam salmon katandingaken kaliyan iwak trout ingkang netep. Ulam salmon punika netep wonten ing Samodra Atlantik lan Samodra Pasifik.

Ulam Salmon (oncorhynchus mykiss) punika gadhah kemampuan renang ingkang rikat. Spesies punika saged tuwuh dumugi 1.220 mm kanthi bobot dumugi 16,3 kg. Ulam punika mirib kaliyan ulam trout sanèsipun kanthi wujuding kepala ingkang radi ageng lan posisi lambé dumugi ing sawingkinging mripat. Ulam salmon punika gadhah warni ingkang warna-warna. Ulam ingkang gesang wonten ing tlaga padatanipun gadhah warni pérak kanthi tambahan warni ijo peteng ing pérangan wingking, wonten ugi ingkang warni biru ing pérangan wingking. Nanging kathahipun ulam punika mliginipun ingkang gesang wonten ing tlatah ingkang dangkal lan ing tlaga gadhah warni wujud lingkungannipun ^[1].

Kanthi umum, ulam salmon punika saking spesiès anadromous ya iku spésies ingkang migrasi kangé kembang biak. Salmon punika lair wonten toya tawar, migrasi dhateng lautan, lajeng balik malih dhateng toya tawar kanggé reproduksi.

Siklus gesang

Ulam salmon, salah satunggaling jinis ulam ingkang gadhah angka gizi ingkang paring manfaat dhateng manungsa. Jinis ulam punika saged gesang wonten ing perairan tawar lan sagara, lan kalebet salah satunggal komoditi asiling perikanan ingkang kathah dipun-konsumsi déning masarakat.

Ulam salmon kalebet satunggaling ulam saking jinis kéwan andromous, inggih punika ulam ingkang nglampahi imigrasi kanggé tumuwuh biak ^[2].

Siklus gesang ulam salmon kawiwitan saking perairan tawar kados lèpèn utawi kali. Wonten ing mriki endhog ulam salmon netes (padatanipun wonten ing wulan November). Nalika tahap punika tingkat matining ulam ageng sanget. Saking total endhog ingkang dipunbuahi, kirang langkung namung setengahipun ingkang saged netes. Ulam énggal ingkang nembé netes punika gadhah nama Alevin ingkang gesang wonten ing tumpukan krikil ing dhasaring kali lan mangan plankton. Saksampunipun panganan telas, alevin banjur medal saking krikil (wulan Mèi utawi Juni). Ing tahap punika ulam salmon dipunwastani Fry. Lajeng fry tuwuh lan tumuwuh dados Smolt ingkang obah dhateng muara lèpèn tumuju sagara ^[3].

Taun kapisan gesang wonen ing sagara dados tahap kritis ulam saldon ngadepi para predator sagara. Predator ingkang mangan ulam salmon kanthi cacah ingkang kathah inggih punika anjing sagara. Kajawi punika wonten singa sagara, beruang, manuk, ugi manungsa dados ancaman gesanging ulam salmon.

Cathetan suku

↑ [1]^{[pranala mati permanèn]}, (id) http://www.karantina.deptan.go.id Archived 2013-03-12 at the Wayback Machine. (dipun-akses tanggal 02 Dhésèmber 2012).
↑ [2] Archived 2012-09-26 at the Wayback Machine., (id) http://www.iftfishing.com Archived 2023-02-14 at the Wayback Machine. (dipun-akses tanggal 02 Dhésèmber 2012).
↑ [3] Archived 2012-12-30 at the Wayback Machine., (id) Siklus hidup ikan salmon (dipun-akses tanggal 02 Dhésèmber 2012).

[salmon1-1] [1]^{[pranala mati permanèn]}, (id) http://www.karantina.deptan.go.id Archived 2013-03-12 at the Wayback Machine. (dipun-akses tanggal 02 Dhésèmber 2012).

[salmon2-2] [2] Archived 2012-09-26 at the Wayback Machine., (id) http://www.iftfishing.com Archived 2023-02-14 at the Wayback Machine. (dipun-akses tanggal 02 Dhésèmber 2012).

[salmon3-3] [3] Archived 2012-12-30 at the Wayback Machine., (id) Siklus hidup ikan salmon (dipun-akses tanggal 02 Dhésèmber 2012).

[1]

[2]

[3]