Jadah
Jadah utawa tetel iku panganan tradhisional Jawa Tengah. Jadah panganan kang digawé saka beras ketan. Panganan iki racaké digunakaké kanggo nyamikan nalika ana khajat pangantènan, sunat utawa khitanan, Sedekah Bumi. Paling énak jadah dipangan bareng karo tèh utawa kopi anget ing wayah ésuk utawa soré sinambi maca koran. Nanging jadah iku paling cocog dipangan karo témpé bacem kang wis digorèng. Ing adicara mantu, jadah didadèkaké salah sijining panganan kang digawa utawa panganan sing wigati, amarga jadah iku nduwèni pralambang yèn kulawarga lan calon pangantèn bisa rumaket dadi siji, kaya déné ketan kang dhéwé-dhéwé banjur dadi jadah.
 Jadah ketan | |
| Jeneng liyané | Tetel |
|---|---|
| Jinis | Garing |
| Ajangan | Pambuka |
| Panggonan asal | Indonésia |
| Tlatah utawa praja | Jawa Tengah, Yogyakarta, Jawa Wétan |
| Hawa ajangan | Adhem |
| Woworan pokok | Ketan |
| Variasi | Jadah gorèng lan bakar |
 Buku masakan: Jadah  Médhia: Jadah | |
Kanggo variasi rasa, jadah bisa uga digorèng utawa dibakar. Jadah bakar akèh ditemoni ing laladan Kaliurang, Yogyakarta.