Jorge Rafael Videla
Jorge Rafael Videla Redondo (miyos 21 Agustus 1925 wonten ing Mercedes, Buenos Aires)[1] inggih punika Présidhèn Argentina kanthi de facto wonten ing periode 1976-1981. Piyambakipun pikantuk kekuwaosan lumantar sawijining kudeta saking Isabel Martínez de Perón ingkang wekdal punika njabat minangka présidhèn. Piyambakipun minangka bekas bala lan pulitikus. Piyambakipun dipunparingi gelar "the bone" (balung) sebab badanipun ingkang alit kados balung kèmawon. Jaman pamarèntahnipun minangka titik wiwitaning "Perang Kotor" inggih punika era paling kajem wonten ing sajarah Argentina. Anangin piyambakipun kondhang wonten ing Amérika Selatanminangka pakarwonten ing strategi anti-kuminisme antarbangsa lan pikantuk pujian saking pulitikus ingkang haluan tengen Amérikah Sarékat,kalebet Ronald Reagan.
| Jorge Videla | |
|---|---|
| Présidhèn Argentina De Facto | |
| Linggih 29 Maret 1976 – 29 Maret 1981 | |
| Kang sadurungé | Isabel Perón |
| Kang sawisé | Roberto Viola |
| Rerincèn dhiri | |
| Lair | Agustus 21, 1925 Mercedes, Buenos Aires |
| Bangsa | Argentina |
| Profési | Militer |
Sajarah awal
besutVidela bangkit nalika kaanan ékonomi lan pulitik wonten ing Argentina boten stabil rikala wiwitan dumugi sadengahing taun 1970-an. Wonten ing taun 1973 Perón sampun dados panguwasa malih ing nagara punika, nanging kanthi yuswa ingkang sampun sepuh, piyambakipun boten saged ngèwahi kahananing nagara. Setunggal taun candhakipun, piyambakipun sèda lan jabatanipun dipunsandhang déning garwanipun Isabel Perón, bekas penari klab dalu ingkang boten gadhah pengalaman wonten ing babagan pulitik. Wonten ing usahanipun kanggé pikantuk sokongan saking bala, Isabel sampun nglantik Videla minangka Panglima Teringgi, kalungguhan paling inggil wonten ing angkatan bala Argentina. Tindakan punika kados nedhi dhiri pribadi amargi piyambakiipun nglancaraken parebutan kakuwasan lan sukses ndhawahaken papréntahan Perón nalika tanggal 24 Maret 1976, lan dados présidhèn de facto minangka ketua junta militèr lan sekuthunan wonten ing kakuwasan kaliyan Komandan Jenderal Angkatan Udara inggih punika Orlando Ramón Agosti lan LetKol Angkatan Laut, Laksamana Eduardo Emilio Massera. Sawetawis dinten candhakipun, nalika tanggal 29 Maret 1976, Videla kanthi resmi dados Présidhèn Argentina, kalungguhan ingkang dipunsandang dumugi 29 Maret 1981.
Prosès Pangresikan Kelompok ingkang haluan Kiwa
besutNembe kemawon dados Présidhèn, piyambakipun mbubaraken Konggrès lan maringi kuasa perancangan undang-undang dhumateng sawijining komisi militèr ingkang kasungsun saking 9 tiyang. Kajawi punika, Videla matesi peranan mahkamah, parté-parté pulitik, lan serikat pekerja lan ngebaki kalungguhan-kalungguhan wigati papréntahan kanthi tokoh militèr. Wonten ing wekdal satunggal minggu, piyambakipun nahan atusan rakyat ingkang dipunprakirakaken haluan kiwa lan punika kalajengaken sadanguning pamarentahanipun. Para tahanan punika sampun dipunparingi jejuluk "désaparecidos" lan dipundugi antawis 10.000 lan 30.000 rakyat nagara punika sampun ical kanthi misterius nalika pamarentahanipun.[2]
Ewadene makaten, piyambakipun minangka tonggak utama wonten ing mbendung pawiyatan Marxisme wonten ing Argentina. Videla kondhang minangka satunggaling tiyang ingkang handal babagan strategi anti-kuminisme antarabangsa. Ewadene piyambakipun dipunkecam déning Jimmy Carter amargi nglanggar hak asasi manungsa, sejen kaliyan Ronald Reagan ingkang panci anti-kuminisme. Reagan boten namung muji Videla, malah ugi maringi pambiyantu perisikan sarta militèr dhateng Videla. Piyambakipun minangka tiyang utama wonten ing usaha mbendung kuminisme lan kagayut wonten ing Operasi Condor, sawijining obahan rajapejah lan pangumpulan perisikan nentang kekerasan, ingkang nggayutaken anggota keamanan Argentina, Bolivia, Brasil, Chili, Paraguay, lan Uruguay wonten ing pertengahan taun 1970-an, ing pundi kathah tiyang ingkang dipunsiksa, ical lan dipuntumpes tanpa dipunadili.[3]
Cathetan suku
besut- ↑ "Archive copy". Diarsip saka sing asli ing 2018-09-24. Dibukak ing 2013-02-23.
{{cite web}}: CS1 maint: archived copy as title (link) - ↑ http://www.dailymail.co.uk/news/article-2130651/Jorge-Rafael-Videla-86-admits-regime-disappeared-8-000-left-wing-opponents-Argentina.html
- ↑ http://global.britannica.com/EBchecked/topic/627906/Jorge-Rafael-Videla
| Kang sadurungé Isabel Perón |
Présidhèn Argentina 1976–1981 |
Kang sawisé Roberto Viola |