Kabayan Jadi Milyuner
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Kabayan Jadi Milyuner inggih punika filem drama utawa komedi Indonésia ingkang dipunrilis wonten ing 23 Dhésèmber 2010.Film punika dipunsutradarani Guntur Soeharjanto sarta dipunparagani Jamie Aditya sarta Rianti Cartwright.[1]
| Kabayan Jadi Milyuner | |
|---|---|
 Poster filem | |
| Disutradarani | Guntur Soeharjanto |
| Diprodhuseri | Chand Parvez Servia |
| Dibintangi | Jamie Aditya Rianti Cartwright Aming Christian Sugiono Slamet Rahardjo Didi Petet Meriam Bellina Melly Goeslaw |
| Dimusiki | Anto HoedMelly Goeslaw |
| Dibabar déning | Starvision |
Tanggal metu | 23 Dhésèmber 2010 |
| Nagara | Indonésia |
Ingkang maragani
besut- Kabayan-Jamie Aditya
- Armasan-Aming
- Bos Rocky-Christian Sugiono
- Iteung-Rianti Cartwright
- Abah-Didi Petet
- Ambu-Meriam Bellina
- Ustad Soleh-Slamet Rahardjo
Sinopsis
besutPesantren prasaja As-Salam pamarsanipun Ustad Soleh (Slamet Rahardjo), dumadakan kaganggu kanthi dumuginipun pengusaha real estate Boss Rocky (Christian Sugiono) ingkang ancasipun numbas tlatah pesantren kanggé dipunyasa resort, nanging niyat Bos Rocky boten kagayuh amargi kepanggih kaliyan tiyang ingkang jujur, boten mempan kaliyan iming-iming menapa kemawon, inggih punika tiyang kapitadosanipun ustad Soleh, nom-noman lugu kang pinter namanipun Kabayan (Jamie Aditya), sesarengan kaliyan réncangipun Armasan (Amink). Rikala Kabayan tresna kaliyan akuntanipun Bos Rocky, Iteung (Rianti Cartwright), Boss Rocky nyuwun Iteung dados mata-mata, supados Kabayan purun napak asmani layang prajanjén jual beli tanah kanthi iming-iming tresna saking Iteung. Supados Iteung boten saged nolak. Bos Rocky ugi ngakali Abah (Didi Petet) saha Ambu (Meriam Bellina), supados mbiyantu piyambakipun kanggé ngapusi Kabayan. Dhateng rama saha ibunipun Iteung, Bos Rocky njanjikaken manawi Kabayan sampun tapak asma, piyambakipun ajeng njagi lestantuning alam dhusun sarta yasa masjid énggal ing dhusun punika kanthi asma ramanipun Iteung.[2] Amargi sampun yakin manawi Iteung punika bidadari saking tawang kang dipuntakdiraken kanggé piyambakipun, lajeng Kabayan napak asmani layang mau, saéngga pesantren dipunnyatakaken sampun dipunsadé Bos Rocky. Kabayan kaliyan sadaya kulawarga sarta sadhérekipun nengga dumugining pengantén, nanging ingkang dipuntengga boten dugi utawi sia-sia. Kadadosan punika ndamel Kabayan lingsem kaliyan para warga, saéngga piyambakipun tindak dhateng Jakarta kanggé mundhut pesantren sarta Iteung malih. Sesarengan kaliyan Armasan, Kabayan tindak ing Jakarta.[2] Ing kutha, jebul Abah saha Ambu sampun ngrestuni Iteung kaliyan Bos Rocky. Abah saged kemawon mbatalaken manténan punika, nanging kanthi sarat Kabayan angsal arta 1 milyar kanthi wekdal seminggu. Mirengaken sarat punika, Kabayan saha Armasan bingung.[2] Kathah tiyang ngendika, boten wonten ingkang boten mungkin ing Jakarta. Tetembungan punika jebul leres, kathah kaajaiban ingkang dipunalami déning Kabayan. Menapa saged Kabayan angsal arta semilyar kanthi wekdal seminggu? Menapa piyambakipun dados garwanipun Iteung?[1]
Tembang Tema
besutTembang tema filem punika kalebu ing album Melly Goeslaw ingkang irah-irahanipun Dancing In The Silence. Melly sampun ngasilaken kalih tembang kanggé filem punika ingkang irah-irahanipun “Yuk Kita Jadian” dipundadosaken single saha “Apa Bagusnya Dia”.
Cathetan suku
besut- ↑ a b Kabayan Jadi Milyuner Archived 2013-01-05 at the Wayback Machine. (dipununduh 19 Novèmber 2012)
- ↑ a b c Sinopsis Archived 2013-09-01 at the Wayback Machine. (dipununduh 19 Novèmber 2012)
 | Artikel filem iki minangka artikel rintisan. Kowé bisa ngéwangi Wikipédia ngembangaké. |