Marianne Katoppo

Henriette Marianne Katoppo (Tomohon Sulawesi Lor, 9 Juni 1943 - Bogor, 12 Oktober 2007) iku putri bungsu pasangan Elvianus Katoppo lan Agnes Rumokoij.

Pendhidhikan

Katoppo ngrampungaké studi teologiné taun 1963 ing Sekolah Tinggi Téyologi Jakarta kanthi gelar Sarjana Muda Theologia, lan taun 1977 saka sekolah iku uga nampa gelar Sarjana Theologia. Tahun 1978 Marianne mèlu pendhidhikan ing Institut Ekumenis, ing Bossey, Switserlan, lan taun 1992 nampa gelar theol.lic.

Kagiatan nulis

Wiwit isih cilik Katoppo wis aktif nulis. Ing umur 8 taun karyané kang pisanan diterbitaké ing rubrik anak-anak koran basa Walanda Nieuwsgier ing Jakarta.

Tahun 1960-an Katoppo nulis sawatara cerkak kanggo koran Sinar Harapan lan kalawarti sasèn Ragi Buana. Novelé, Raumanen, nampa pakurmatan saka Dewan Kesenian Jakarta (1975), Yeyasan Buku Utama (1978), lan South East Asian Write Award (1982) minangka wanita pisanan. Novèl iki diterbitaké manèh taun 2006 déning Penerbit Metafor.

Karya tulis liyané

Novèl liyané antarané: Dunia Tak Bermusim (1974), Anggrek Tak Pernah Berdusta, (1977), Terbangnya Punai (1978), Rumah di Atas Kreteg (1981).

Karya téyologi

Katoppo kaloka minangka teolog feminis pisanan ing Indonésia lan Asia. Karya teologiné Compassionate and Free: An Asian Woman's Theology (1979) diterjemahaké menyang basa Waanda, basa Jerman, basa Swèdhen lan basa Tagalog, lan dianggo buku ajar ing warna-warna sekolah téyologi lan seminari ing saindenging donya.

Kagiatan liya

Katoppo iku anggota pendhiri lan mantan Koordinator Ecumenical Association of Third World Theologians (EATWOT) Indonésia (1982), Forum Dhémokrasi (1991), Kelompok HATI (1980), International Council WCRP. Katppo giat dadi aktivis lan pencetak opini. Taun 1995 Katoppo makili Pramoedya Ananta Toer nampa Bebungah Magsaysay ing Manila, Filipina. Katoppo uga naté lenggah minangka salah siji anggota Majelis Pekerja Harian Persekuthuan Gréja-gréja ing Indonésia.

Séda

Katoppo séda tanggal 12 Oktober 2007 ing Bogor, ing sisihé rakané, Pericles Katoppo. Panyebab sédané dinuga saka serangan jantung. Jenazahé dikremasi tanggal 13 Oktober ing Krematorium Oasis, Tangerang.