Masjid Agung Al-Azhar

Masjid Agung Al-Azhar
Masjid Agung Al-Azhar
Informasi umum
Prenah	Jakarta Kidul, DKI Jakarta, Indonésia
Afiliasi agama	Islam
Deskripsi arsitektur
Jinis arsitèktur	Masjid
Yasa pratama simbulis	43.755 M2
Taun rampung	1958

Barkas:Mesjid Al Azhar.jpg

Masjid Al-Azhar, Jakarta.

Masjid Agung Al-Azhar iku masjid sing dumunung ing komplèks sekolah Al-Azhar, Kebayoran Baru, Jakarta Kidul. Masjid iki dikukuhaké déning Pemda DKI Jakarta minangka salah siji saka 18 situs tapak sajarah perkembangan kutha Jakarta. Saliyané iku, masjid iki didadèkaké cagar budaya nasional wiwit tanggal 19 Agustus 1993. Komplèk masjid iki uga duwé siji universitas ing jeroné yaiku Universitas Al Azhar Indonésia.

Sajarah

Masjid iki diadegaké saka usaha 14 tokoh Masyumi supaya nduwé masjid utama ing kawasan Kebayoran Baru. Saka anjuran Mr Syamsudin, Mantri Sosial RI rikala semana, para tokoh mau banjur ngadegaké Yayasan Pendidikan Islam (YPI), ing tanggal 7 April 1952. Yayasan mau ing tanggal 19 November 1953 wiwit ngadegaké sawijining masjid ing tlatah sing jembaré 43.755 mèter². Wekasané ing taun 1958, masjid iki rampung dibangun lan diresmèkaké kanthi jeneng Masjid Agung Kebayoran.

Ing era 1960-an, rèktor Universitas Al-Azhar Kairo, Mesir, Prof. Dr. Mahmud Shaltut mènèhi sesorah terbuka ing masjid iki lan éram banget marang kamégahan masjid iki.