Wikipédia

Michel Foucault

Paul-Michel Foucault (lair ing Poitiers, 15 Oktober 1926 – pati ing Paris, 25 Juni 1984 ing umur 57 taun) ya iku pawongan filsuf Perancis, sajarahwan, intelektual, kritikus, lan sosiolog.[1] Sakwene uripé , dhèwèké nyekel kursi kursi kalungguhan ing Collège de France, amarga karyané kang kanti judhul Sajarah sistem pamikir (History of Systems of Thought) lan uga ngajar ing Universitas California, Berkeley.[1]

Michel Foucault
Lair15 Oktober 1926
Poitiers, Prancis
PatiJuni 25, 1984(1984-06-25) (umur 57)
Paris, Prancis
KalaAbad ke-20
TlatahFilsafat Barat
AliranFilsafat kontinental, posstrukturalisme, analisis diskursus
Karsa pokok
Sajarah pamikir, epistemologi, etika, filsafat pulitik
Gantha misuwur
Arkéologi, genealogi, episteme, dispositif, biopower, governmentality, institusi disipliner, panopticism.
Michel Foucault (1974)

Foucault paling dikenal kanti panalitèn tajame sajrone babagan institusi sosial, mligi psikiatri, kadhokteran, ngèlmu-ngèlmu kamanungsan lan sistem kunjara, lan karya-karyané babagan sajarah seksualitas.[1] Karyane kang nelaah kekuasaan lan gayutan antarané kekuasaan, kawruh lan diskursus wis akèh diperdebatake kanthi amba.[1] Nalika taun 60-an Foucault kerep diasosiasikake kanti obahan strukturalis.[1] Foucault banur ngadoh saka obahan pamikir iki.[1] Meski kerep dikarekterisasikake minangka pawongan posmodernis, Foucault mesti nolak label Posstrukturalis lan posmodernis.[1]

Nalka usia 25 taun dhèwèké nampa Agregasi lan nalika taun 1952 éntuk Diploma sajrone psikologi.[1] Nalika taun 1950 dhèwèké kerja ing Rumah Sakit Jiwa lan nalika taun 1955 mulang ing Universitas Uppsala, Swèdhen. Karya pertamane kang judhulé Kegilaan lan ora nalar: Sajarah nalika Jaman Klasik, dipresentasikake kanggo nempuh gelar dhoktorale ing taun 1959 kanti bimbingan Georges Canguilhem.[1] Karya mau banjur diterbitake ing taun 1961.[1] Nalika taun 1970, dhèwèké diangkat minangka dhosèn Sajarah Sistem Pemikiran ing Perancis.[1] Dhèwèké séda taun 1984.[1]

Sacara kronologis, bisa dideleng perjalanan urip Foucault kaya mengene:[2]

  • 1926 lair kanti jeneng Paul-Michel Foucault[2]
  • 1936 ndaftar ing Lycee Henry-IV ing Pitiers[2]
  • 1940 ndaftar ing Kolese St. Stanislas, salah sijiné Sekolah Yesuit kaloro[2]
  • 1945 sinau ing Paris ing Lycee Henry-IV kanggo nyipake ujian lumebu kanggo École Normale Supérieure, pamikir filsafat déning Jean Hyppolite[2]
  • 1945 diakui kanggo École Normale Supérieure, ing ngendi dhèwèké nampa lisensi filsafat (1948), lisensi filsafat (1949) lan agragasi filsafat (1952)[2]
  • 1952 kerja ing Faculté des Lettres, Universitas ing Lille, nampa Diploma Psiko-Patologi saka Institut Psikologi ing Paris[2]
  • 1955-1958 mulang ing Universitas Uppsala, Swèdhen[2]
  • 1959 ngabdi miangaka direktur saka Pusat Universitas Warsaw ingPerancis[2]
  • 1960 mulang Psikologi ing Universitas Clermont-Ferrand[2]
  • 1961 nampa gelar dhoktor, kanti karya-karya, Histoire de la folie a l'age classique, Antropologie in pragmatischer Hinsicht[2]
  • 1962 dadi profesor filsafat ing Universitas Clermont-Ferrand[2]
  • 1966 nekani profesor ing Universitas Tunisia[2]
  • 1967 kapilih minangka profesor ing Universitas Paris, ing Naterre, nanging balek manèh marang Tunisia nalika mantri pendhidhikan nunda ratigikasi saka pemilihan iku[2]
  • 1968 ngabdi minangka pimpinan ing departemen filsafat ing ekperimen anyar ing Vincennes[2]
  • 1969 kapilih ing Kolese Perancis kanti karya "Sajarah saka Sistem Pemikiran"[2]
  • 1970 nekani wulangan pertamane ing Amérika lan Jepang[2]
  • 1971 mèlu ngadegaké the Groupe d'information sur les Prison, salah sijiné organisasi kang ngkritik kondisi kunjara ing Prancis[2]
  • 1972 gawé perjalanan liya marang USA, kalebu nekani kunjara ing Attica, New York[2]
  • 1973 mulang ing New York, Montreal, lan Rio de Janeiro[2]
  • 1875 mèlu sajrone protes nglawan eksekusi Franco tumrap para militansi[2]
  • 1976 nekani Brazil lan California[2]
  • 1981 mèlu aktif sajrone protes nglawan obahan kuminis ing pamaréntahan Polen lan njurung solidaritas[2]
  • 1983 mulang ing Universitas California ing Berkeley minangka péranganing kesepakatan kanggo teka mrana saben taun[2]
  • 1984 séda ing Paris nalika 25 Juni[2]

Karya-karya tulisan

besut

Madness and Civilization

The Birth of the Clinic

Death and The Labyrinth

The Order of Things

The Archaeology of Knowledge

Discipline and Punish

The History of Sexuality

Cathetan sikil

besut
  1. ↑ a b c d e f g h i j k l John Lechte diterjemahkan olèh A Gunawan Admiranto., 50 Filsuf Kontemporer, Yogyakarta: Kanisius, 2001
  2. ↑ a b c d e f g h i j k l m n o p q r s t u v w x y The Cambridge Companion to Foucault, New York: Cambridge University Press, 2005


Cithakan:Filsuf-stub

Dijupuk saka "https://jv.wikipedia.org/w/index.php?title=Michel_Foucault&oldid=1633870"