Muhammad Lukman Edy

Ir.H Muhammad Lukman Edy,MSi. (lair ing Lempongan Pinang, Riau, 26 Novèmber 1970; umur 49 taun) inggih punika Mantri Percepatan Laladan Katilar ing Kabinét Indonésia Bersatu minangka gantosipun Syaifullah Yusuf ing Reshuffle Ka-2 nalika tanggal 9 Mèi 2007.[1][2] Lukman punika dados Sékretaris Jénderal (Sekjen) DPP Parté Kebangkitan Bangsa (PKB) periodhé 2005-2010.[1] Lukman Edy sadèrèngipun dados mantri naté nyambut damel dados kontraktor.[1] Panjenenganipun naté njabat dados ketua Lembaga Pengembangan Jasa Konstruksi lan Ketua Asosiasi Kontraktor toya Indonésia ing Riau.[1] Lajeng ing mangsa réformasi, panjenenganipun aktif ing parté pulitik PKB ing Riau.[1] Salajengipun nalika Muktamar PKB pungkasan panjenenganipun kapilih njabat Sekjen PKB versi Muhaimin Iskandar. Jabatan Sekjen PKB punika ndadosaken Lukman dados mantri paling eném ing Kabinét Indonésia Bersatu.[2]

Muhammad Lukman Edy
Mohammad Lukman Edy.jpg
Mantri Nagara Pangyasa Laladan Katilar Républik Indonésia 3
Linggih
9 Mèi 2007 – 1 Oktober 2009
PrésidhènSusilo Bambang Yudhoyono
Kang sadurungéSyaifullah Yusuf
Kang sawiséDjoko Kirmanto
(ad-interim)
Rerincèn dhiri
Lair (1970-11-26) Novèmber 26, 1970 (umur 49)
Indonésia Lempongan Pinang, Riau, Indonésia
BangsaIndonésia
Parté pulitikParté Kebangkitan Bangsa
Sana jaringanwww.lukman-edy.web.id

Ing wekdal sapunika Lukman Edy taksih kaserat minangka dhirektur lan komisaris ing sawatawis perusahaan.[1] Panjenenganipun gadhah garwa ingkang namanipun Hj. Gustini Zulianti.[1] Lukman namataken pendidikan dhasar ngantos dumugi SMA ing Pekanbaru, S1 Teknik Sipil Universitas Brawijaya, Malang, S2 Manajemen Publik Universitas Padjadjaran, Bandung, lan sapunika panjenenganipun taksih nglajengaken studi S3 ing Universitas Malaya, Malaysia.[1]

Cathetan sukuBesut

  1. a b c d e f g h 'Mohammad Lukman Edy' dipunundhuh tanggal 3 Oktober 2011)
  2. a b 'M Lukman Edy Menteri KIB Termuda dipunundhuh tanggal 3 Oktober 2011)

Pranala njawiBesut

www.lukman-edy.web.id