Orégano

Orégano
	Kembang Orégano
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Magnoliopsida
Ordho:	Lamiales
Famili:	Lamiaceae
Génus:	Origanum
Spésies:	O. vulgare
Jeneng binomial
	Origanum vulgare; L.

Orégano duwé jeneng èlmiyah Origanum vulgare minangka tetuwuhan saka kulawarga Lamiaceae (kulawarga mint).^[1] Godhong saka tetuwuhan iki dipigunakaké kanggo ancas bumbu, utamané kanggo nyedhepaké olah-olahan donya kulon. Godhong iki diolah kanthi cara digaringaké. Godhong kang garing luwih krasa ambuné timbang godhong kang isih seger.^[2] Sakliyané kanggo bumbu, orégano uga duwé manéka mupangat liyané.

Wedharan

Jenengé saka basa Yunani 'origanon'. Ing zaman kuna, orégano nglambangaké kabagyan, dipigunakaké kanggo merangi kasedhihan lan nggawa kabegjan, uga dianggep aji dening dewi Yunani Aphrodite.^[3] Ing Mesir uga dipugunakaké dadi pengawet lan obat panawar racun.

Orégano minangka tethukulan taunan iki kalebu dikotil. Suket iki tuwuh ing tlatah Mediterania, Eropa, Asia lan Afrika lor.^[4] Suket iki bisa tuwuh ing lemah kan masir, lempung lan mlarat nutrisi nanging seneng ing papan rada lembab. Wité bisa tuwuh nganti 80 cm lan godhongé wangi awujud oval. Dheweke kembang ing Juli- September lan wijiné mateng ing Agustus-Oktober.^[5]

Wit iki duwé 2 fase tuwuh. Kang kapisan kadadean nalika tangi saka dormansi mangsa adhem. Tunas kang lembut nyurung lemah lan golèk cahya srengéngé kanthi gumregah. Dhèwèké terus munggah ing wektu sesasi. Nalika wiwitan mangsa panas dhèwèké bakal thukul kembang. Ing tengahing mangsa panas, lan mutusaké wis ngasilaké cukup kembang lan muwiti fase kapindho. Iki minangka patuwuhan lateral lan mungkinake wité nambah dhiametere lan terus tuwuh menyang dhuwur.^[6]

Piguna

Orégano minangka bumbu kuliner kang kawentar ing bawana kulon dienggo ing panganan kaya ta ngolah daging, sop, salad, nyamikan, nganti ombèn-ombèn alkohol. Liyané dienggo ngolah panganan uga digunakaké minangka parfum, deterjen, kosmetik lan obat-obatan. Orégano ngandhut carvacrol, thymol, dan p-cymeme kang bisa dipigunakaké kanggo ngoyak kéwan gegremet. Ing Meksiko digunakake kanggo nggusah hama ing tetanduran.^[7]

Kandhutan kimia

Lenga èsensial saka orégano iki duwé senyawa tanin, fenol (carvacrol, thymol, cineole, lan borneol), monoterpen hidrokarbon ;limonene, terpinene, ocimene, caryophyllene, alpha-pinene, beta-pinene, alphaterpinene, beta-bisabolene, p-cymene, myrcene, lan camphene), uga monoterpen alkohol (linalool lan 4-terpineol). Orégano uga duwe senyawa asem lemak kaya ta asem rosmarinat, asem palmitat, asem stearat, asem oleat, asem ursolat, asem kafeat, dan asam kaprat. Mineral kang kaandhut kaya ta kalium, magnesium, mangan, seng, clan tembaga. Vitamin kang kaandhut kaya ta vitamin B3 (niasin) lan betakaroten.^[8]

Ing sak sendhok tèh orégano ngandhut maneka zat gizi kaya déné:

Kalori: 2,7
Karbohidrat: 0,7 gram
Serat: 0,4 gram
Kalsium: 16 miligram
Fosfor: 1,5 miligram
Kalium: 12,6 miligram
Vitamin B9: 2,4 mikrogram
sarta triptofan, valine, arginine, vitamin C, vitamin A, lan vitamin E.^[9]

Gladri

Godhong orégano
Kembang orégano jambon
Kembang orégano putih
Orégano garing

Kapustakan

↑ "Plants Profile for Origanum vulgare (oregano)". plants.usda.gov. Dibukak ing 2020-08-13.
↑ "Oregano, Bumbu Masakan yang Kaya Manfaat - Semua Halaman - Bobo". bobo.grid.id (ing basa Indonesia). Dibukak ing 2020-08-13.
↑ "Origanum Vulgare - an overview ScienceDirect Topics". www.sciencedirect.com. Dibukak ing 2020-08-13.
↑ Béjaoui, Afef; Chaabane, Hédia; Jemli, Maroua; Boulila, Abdennacer; Boussaid, Mohamed (2013-12-01). "Essential Oil Composition and Antibacterial Activity of Origanum vulgare subsp. glandulosum Desf. at Different Phenological Stages". Journal of Medicinal Food. 16 (12): 1115–1120. doi:10.1089/jmf.2013.0079. ISSN 1096-620X. PMC 3868303. PMID 24320986.
↑ "Origanum vulgare Oregano, Pot Marjoram PFAF Plant Database". pfaf.org. Dibukak ing 2020-08-13.
↑ "Origanum vulgare hirtum Greek Oregano". www.mountainvalleygrowers.com. Dibukak ing 2020-08-13.
↑ Times, I. D. N.; Nadhiroh, Fatma Roisatin. "5 Fakta Oregano, Tanaman yang Jadi Bumbu Wajib Masakan Mediterania". IDN Times (ing basa Indonesia). Dibukak ing 2020-08-13.
↑ Media, Kompas Cyber. "Oregano, Rasanya Khas Banyak Khasiatnya Halaman all". KOMPAS.com (ing basa Indonesia). Dibukak ing 2020-08-13.
↑ "Oregano Adalah Herbal yang Menyedapkan Sajian, Apa Manfaatnya?". SehatQ (ing basa Indonesia). Diarsip saka sing asli ing 2020-08-19. Dibukak ing 2020-08-13.

[1] "Plants Profile for Origanum vulgare (oregano)". plants.usda.gov. Dibukak ing 2020-08-13.

[2] "Oregano, Bumbu Masakan yang Kaya Manfaat - Semua Halaman - Bobo". bobo.grid.id (ing basa Indonesia). Dibukak ing 2020-08-13.

[3] "Origanum Vulgare - an overview ScienceDirect Topics". www.sciencedirect.com. Dibukak ing 2020-08-13.

[4] Béjaoui, Afef; Chaabane, Hédia; Jemli, Maroua; Boulila, Abdennacer; Boussaid, Mohamed (2013-12-01). "Essential Oil Composition and Antibacterial Activity of Origanum vulgare subsp. glandulosum Desf. at Different Phenological Stages". Journal of Medicinal Food. 16 (12): 1115–1120. doi:10.1089/jmf.2013.0079. ISSN 1096-620X. PMC 3868303. PMID 24320986.

[5] "Origanum vulgare Oregano, Pot Marjoram PFAF Plant Database". pfaf.org. Dibukak ing 2020-08-13.

[6] "Origanum vulgare hirtum Greek Oregano". www.mountainvalleygrowers.com. Dibukak ing 2020-08-13.

[7] Times, I. D. N.; Nadhiroh, Fatma Roisatin. "5 Fakta Oregano, Tanaman yang Jadi Bumbu Wajib Masakan Mediterania". IDN Times (ing basa Indonesia). Dibukak ing 2020-08-13.

[8] Media, Kompas Cyber. "Oregano, Rasanya Khas Banyak Khasiatnya Halaman all". KOMPAS.com (ing basa Indonesia). Dibukak ing 2020-08-13.

[9] "Oregano Adalah Herbal yang Menyedapkan Sajian, Apa Manfaatnya?". SehatQ (ing basa Indonesia). Diarsip saka sing asli ing 2020-08-19. Dibukak ing 2020-08-13.

[1]

[2]

[3]

[4]

[5]

[6]

[7]

[8]

[9]